甜牙牙

Open Now

Now Closed

下午茶時分總想用一碗精緻糖水喚醒味蕾！兩款西米露甜品深得我心——水晶仙草西米露將滑溜仙草凍與晶瑩西米共冶一爐，淋上淡奶後更顯甘香；桂花麻糬西米露則以金黃桂花蜜作畫，白玉麻糬綿密拉絲的模樣惹人垂涎。地瓜圓透著蜜香、紫薯圓散發樸實甜味、芋頭圓則保留細微纖維感，三色芋圓每日新鮮搓製，煙韌嚼勁與西米的爽彈形成美妙二重奏。店家特意將糖水甜度控制在七分，正好襯托食材本味。玻璃碗盛裝的透亮甜品佐以特色牆身，恍如把文青咖啡館的儀式感注入傳統糖水，難怪次次甜蜜補給站！#下午茶 #甜品

甜品胃開動😋食飽唔食甜品爭DD 食完小食，唔食甜品 ，總係牽腸掛肚。廣華街睇完玩具同war game周邊。口痕搵甜品食，見甜牙牙重有位即入。 我呃自己都係咁話，感覺上好似低卡路里D, 食左個桂花雙雪燉桃膠🍐，清甜D感覺係無咁邪惡。個Friend 話唔啱佢。Friend 就食左雪糕楊枝甘露，鍾意食雪糕同芒果🥭既濃味人至愛。叫呢兩樣雪糕楊枝甘露桂花雙雪燉桃膠

幾年前食過呢間舖頭既窩夫 印象幾好食點知今日再試 勁難食 未食過窩夫係咁淋又韌 （並唔係鬆軟）仲要叫左另外其他甜品都好難食 個火焰乜乜啲Cream 係檸檬洗潔精味 中間再有舊窩夫仲有叫咗個中式芋圓糖水 叫做不過不失因為實在太難食 所以膽粗粗問職員平時啲窩夫係咪都咁淋佢話新鮮嘅窩夫係淋 脆個啲係放左好耐咁我真係孤陋寡聞 平時食開大部分係外脆內軟 或者係鬆軟既 暫時未食過咁淋又韌 既窩夫基於佢咁講完 我忍唔住要打呢個食評如果大家終意食淋又韌既窩夫可以揀佢佢呢啲似係預先整好 再翻叮咁… 或者粉漿啲粉比例太多希望餐廳好好改善下食物質素 🙏🏻以前真係唔差

我同朋友隨意入左去甜牙牙食甜品，每人平均最低消費係要$50， 咁我地3個人就叫左2個甜品，啱啱過左$150。首先叫左抹茶窩夫，窩夫係半份，有抹茶雪糕，紅豆，cream. 我覺得窩夫如果再濃抹茶會更好 所以咁樣食落較普通。另外叫左tiramisu鬆餅，有2舊鬆餅同oreo 雪糕，仲有tiramisu蛋糕。 個鬆餅唔係一食就融哂純空氣感個隻，會有啲鬆化既感覺，最好係個蛋味超香，連埋tiramisu食係兩重層次。tiramisu可重番少少酒味，蛋糕質感幾滑。

同老公係廣華街食完飯，拍拖動作之一，緊係要食埋糖水先番屋企，滿足第二個胃。～🥭雪糕🍧楊枝甘露～楊枝甘露係香港傳統糖水之一，芒果味既雪糕配上芋圓，西柚，芒果，西米同椰奶。 味道不過不失，椰奶味道略為出眾，芒果都幾甜。～燃點🔥火焰雪山🏔～作為懷舊甜品，火焰雪山真係越黎越少見。蛋白霜包住窩夫同曲奇味雪糕，可淋上可燃既甜酒。外熱內冷既甜品，衝擊味蕾，而且儀式感滿滿，職員會熄燈後再點燃雪山，啱哂鍾意儀式感既人。

十幾年前在尖沙咀店就開始光顧，搬來油麻地後都食過多次，味道明顯變差，選擇也變少了，就這樣我們只要在附近也約老友在這裡食幫襯。沒想到服務也越來越差，這次忍不了了，空位很多，坐定後服務員又要我挪位，上來甜品就擺在隔壁桌讓我們自己拿，兩張桌之間高低不同，打翻了一大半，跟服務員說，她也不重新上一碗，一臉不情願的來擦走桌上撒的冰就不管了。本來念著情懷還不時來幫襯，老實講這個價格去吃連鎖甜品店或者其他老店，都比這裡值，這次徹底拉黑！

有日放假同朋友食完台式野，就約左另一班人去食糖水，約左尼間位於旺角比較冇甘多人既街，位置上唔算易搵，需要四圍望先見到，入去差唔多齊人就睇餐牌，餐牌有圖片算簡單易明，價錢唔貴而且款式多，於是就揀左自己比較鐘意食既朱古力雪糕窩夫，等左大約八至十分鐘就有喇，雪糕味道濃度適中，窩夫有淡淡既鹹甜味，整體合格，因為旺角區唔算好多西式甜品舖，所以經過尼區黎食就岩喇

過咗中秋都仲係咁熱，喺旺角食完晚飯行咗陣，決定食個甜品過冷河！呢間甜牙牙相信大家都唔陌生，好耐無食，環境一樣乾淨企理；款式有窩夫、心太軟、棉棉冰、烤雪梨糖水、水果茶等，同朋友一人叫咗一款：❄️益力多棉棉冰 ($88)棉棉冰做到一層層嘅效果，入口幼滑，益力多味酸酸甜甜幾突出～配料豐富，四色芋圓有芋頭、蕃薯、紫薯、抹茶，口感Ｑ彈煙韌，就連中間都係軟腍熟透👍🏻另外加上芒果爆珠、椰果條，夾埋棉棉冰食增添口感一流！🍐雪蓮子薏仁烤雪梨 ($56)轉季叫返個中式糖水補一補～用咗個圖案好得意嘅杯去燉，好夠熱而且好足料！大大個雪梨好清甜，仲有雪蓮子、薏仁、雪耳、杞子，夠唒滋潤，食完個喉嚨好舒服🥰🔸設每人最低消費$50總結：座位比一般糖水舖闊落，喺度嘆個甜品大滿足～

甜牙牙📍：旺角廣華街3號百利達廣場地下4號舖🚗：油麻地地鐵B2出口 步行5分鐘📞：+852 2662-6890💲：~HKD50-70/head for dessertFood quality✔️：抹茶心太軟、桂花雙雪燉桃膠、水晶紅豆芋圓杯👌🏼：提拉米蘇窩夫、益力多綿綿冰、椰子綿綿冰總結：😋廣華街有好多甜品🍮競爭 甜牙牙可以係咁多對手中生存落嚟代表佢都有啲料到😋抹茶心太軟出乎預料地好食 烤焗嘅時間很剛好 蛋糕香脆嘅外層切落去 入面嘅抹茶岩漿流瀉 伴以抹茶🍵雪糕一冷一熱 一脆一軟 好食😋主要做西式甜品 估唔到中式甜品都唔錯 叫咗嗰桂花雙雪燉桃膠都幾靚仔 完全係足料美顏養生之選😋水晶紅豆芋圓杯就水晶好吸引 都幾足料 有紅豆🫘小丸子 西米同3款芋圓🤔益力多綿綿冰同椰子綿綿冰🍧都好大份 唔錯🤔提拉米蘇窩夫🧇就正常 tiramisu幾好食🤔試咁多款都冇伏 都算係咁

朱古力窩夫將白色的cream加上窩夫上，能提升窩窩的口感，但cream不夠凍，只能背上朱古力雪糕加凍窩夫，右下角的朱古力餅都有很濃的朱古力味道。桂花麻糬西米露這款甜品有不同層次的口感，有不同種類的甜品混合在一起，意想不到那麼合襯，很適合情侶一起共享，但可能份量較少。環境方面很擠逼，實在沒有辦法，香港地少人多，只能夠增加客流量，坐逼一點，每台限時45分鐘，不過職員都會善意提醒客人夠鐘，不會沒有禮貌，但是這間甜品店不是與朋友共聚，閒談的首選甜品店

兩個女仔食完晏之後，見仲有啲時間，想食埋甜品先返屋企，但係兩個狂咳嘅朋友，有咩資格食糖水呢？喺旺角行嚟行去終於搵到啱我哋嘅選擇😻😻其實仲有好多其他選擇都好吸引，但係今日我哋嘅狀態只係適合呢一類😂😂😂😂川貝雪耳烤雪梨$68個杯好精緻，佢應該係連埋個杯一齊拎去燉，連個手握位都暖呼呼的🥰🥰🥰🥰個雪梨燉到個口感剛剛好，雪耳嘅口感連埋一粒粒嘅微甘川貝，食落去個喉嚨好舒服南北杏雪耳烤雪梨56呢個就好似媽媽牌嘅雪梨湯，南北杏爽脆嘅口感配埋啲雪耳又係食得好舒服，唔知個雪梨係乜嘢品種，好甜，清甜到好似食緊糖咁😄😄😄同埋好好嘅，就係我哋兩個食完之後第二日都冇嘢痰，證明佢係天然嘢👍👍👍讚讚讚下次冇咳，一定要試埋佢其他招牌甜品！

數學題，傳說女人都有兩個胃，咁2個女人總共有幾多個胃？答案係，可以食到3個甜品🍧🍧🍧由於我哋叫嘅甜品都係即叫即整，大約等了15分鐘就有得食🍴🍨Tiramisu 窩夫+曲奇雪糕$72其實係原味窩夫配Tiramisu 蛋糕，窩夫食落非常鬆脆，唔算厚實，搭配Tiramisu 蛋糕同曲奇雪糕一齊食，口感顯得非常豐富。🍨士多啤梨鬆餅+ 士多啤梨雪糕 $88鬆餅一上枱就聞到濃濃嘅蛋香味，口感軟綿，配忌廉一齊食，口感更加軟滑。🍨朱古力心太軟＋曲奇雪糕$70心太軟上枱時熱辣辣，外層鬆脆，切開後見到滿滿嘅朱古力醬，朱古力醬非常香濃，伴有杏仁，曲奇碎和曲奇雪糕一齊食，味道非常之夾。除咗以上甜品之外，仲有其他中式糖水、水果茶等可以選擇。

👧🏻😋👅🍽✨必食心太軟❣️-🦷 有多款甜品, 價格比一般糖水鋪貴少少, 設有每人最低消費$50, 但甜品賣相精緻比較decent; 地方闊落就算坐到七八成滿, 座位都比一般糖水鋪舒適同靜-🥥 椰子心太軟 $70💯即叫即做製作需時, 預設配曲奇雪糕冇得揀, 但真係最好配搭, 連同椰子流心蛋糕同杏仁片夠香又唔會太甜; 比起朱古力心太軟有過之而無不及-🥭 芒果窩夫 $76✨窩夫外脆內軟, 鮮忌廉上有焦糖醬, 同芒果雪糕都好甜但兩者唔撞, 鮮芒果粒堆左個小山好甜好juicy

今日係旺角同frd食完飯就嚟食個甜品再返屋企平日嘅夜晚都幾多人見到依個雪山 即刻就吸引咗我燃點溶岩火焰雪山 $118(朱古力心太軟 | 曲奇雪糕 | 蛋白霜 | 橙皮酒)熄晒全店嘅燈嚟點火 少少嚇親 原本以為邊個生日 點知捧嚟我哋枱😂食個甜品都儀式感滿滿講返個甜品 朱古力心太軟 曲奇雪糕 蛋白霜 全都是我喜歡的東西三款分開食 定係夾埋一齊食 都好味但浸得太多橙皮酒嗰部份就有少少苦朱古力心太軟流心效果唔錯唷外層暖粒粒 脆脆的 入面嘅朱古力漿 就好香濃燒過嘅蛋白霜 真係my all time fav曲奇雪糕最後我哋仲嗌咗杯西柚梳打 酸酸甜甜

在旺角吃完晚餐後 便來到煙廠街很有名的甜品舖一試我們9時便到達 所以無需排隊不過入面亦已坐滿顧客餐廳雖然不大 不過尚算舒適亦很適合一大班人吃飯後甜品甜品款式比想像多西式的不限於心太軟/Waffle/鬆餅/火焰雪山中式的亦有烤雪梨/桃膠/芋圓而消暑的亦有水果茶及梳打等飲品 我們最後叫了兩個甜品, 加一個飲品由於是即叫即整, 大約等了15分鐘Tiramisu鬆餅 + 蛋糕 + 曲奇雪糕 ($78)雖然鬆餅沒有想像中的軟綿綿不過蛋香味卻非常豐富加上Tiramisu忌廉異常的吸引蛋糕及曲奇雪糕一冷一熱,一軟一硬亦令口感顯得非常豐富朱古力心太軟+ 曲奇雪糕 ($70)心太軟雖然沒有想像的流心但外層卻非常的鬆脆內裡的朱古力醬也是非常香濃配上曲奇雪糕也是非常匹配水晶茶青檸梳打 ($36)飲品的賣相很漂亮, 打卡之選加上底部的啖啖啫喱絕對是夏天的解渴佳品