蜜滋麻美

Open Now

Now Closed

其實已經有一陣子少飲左台式飲品, 因為見到自己個肚有少少日益漸長..不過最近心癮又返嚟嘞, 夏天除左曬太陽想飲返杯冰涼既飲品之外, 有時天陰陰都想飲返杯台式飲品满足下心靈呢日飯後去左呢間來自台中, 聽個名都好吸引既店 - 蜜滋麻美呢間店非常特別, 鐘意食芝麻,花生製品既人一定唔可以錯過佢既手炒花生/芝麻黑糖飲品望落已經好吸引, 色香味齊哂間店仲有其他飲品都吸引到我目光, 好似芋頭+豆漿 (我本身都係芋頭製品既粉絲)而今次就點左呢杯~抹茶黑糖珍珠鮮奶珍珠咬口軟軟地,黑糖唔會太甜, 襯鮮奶好夾,綠茶粉鋪面.店裡面有提供飲法教學一邊工作一邊品嚐實在太適合

在半年前，早上經過中環鴨巴甸街，見到新開了一間台灣過江龍的台式飲品店 <蜜滋麻美>！踏進店子，空間都算大！ 亮點莫過於牆身白色球形裝飾及半球形迷你桌子吧！當時，小店剛剛開業，只有供應 6 款台式飲品，主打黑糖珍珠鮮奶系列，當中招牌貨是花芝黑糖珍珠鮮奶！台式飲品有大細杯裝之分！當時，新開業享用優惠！ 由 $22~$25，不容錯過！連飲台式飲品也有飲用秘訣那麼講究，可見台灣人一絲不苟！值得一讚！平日中午走來，幸好無人，不過，在中環 31.8度高溫之下，沿斜路行上去，已經汗流浹背嘞！當時，只有我一個人幫襯！即叫即製，等上約5分鐘！等候期間，見靚女店員每一步驟都用心製作，絕不馬虎！而且，待客態度熱情有禮！店內衛生度高！一眼見到整齊企理！花芝黑糖珍珠鮮奶 $28 大杯裝 (少甜)裝得滿滿的花芝黑糖珍珠鮮奶，我也不敢多手打開杯蓋； 賣相層次分明，最底層加入烹調好的珍珠，口感軟身帶煙韌，還要暖暖的；店方建議先由底部飲起，先嚐到黑糖的清甜及鮮奶的香滑，把表面的花生碎及黑芝麻拌勻後，口味豐富， 每一啖也食到珍珠，夾雜富嚼勁的花生碎，然而，黑芝麻是提升香味的最大功臣呢！根據店方建議的飲用方

黑糖珍珠鮮奶熱潮係香港雖然已經退去，但身邊都有好多黑糖珍珠店想試，其中一間必數呢間由台中開過嚟嘅人氣過江龍店，因為佢唔係普通黑糖珍珠鮮奶咁簡單，佢最特別係奶蓋上加咗花生、芝麻，口感更多，睇人地打卡啲相真係好吸引！環境位於中環半山區附近，係斜路上，位置較難找，但晚上時分嚟到都不少客人，可見店舖都幾受歡迎，店內仲有影相打卡位。餐牌主打兩溝嘅花芝、花生、芝麻味，我自己就為咗兩溝嘅花芝而來。花芝黑糖珍珠鮮奶 $32(M) 花生同芝麻粒都係台灣直送，每日新鮮磨制，一拎上手已經聞到好香花生芝麻味，且多到滿瀉！搞匀後飲不得了，估唔到花生芝麻粒同黑糖珍珠鮮奶係咁夾，每啖都有花生芝麻咬下，有少少好似飲得嘅糖不甩咁，好正，鍾意花生芝麻嘅你不能錯過！抹茶黑糖珍珠鮮奶 $30(M) 除咗花生芝麻，仲有可可及抹茶口味，另一半鍾意抹茶就揀咗抹茶，飲落抹茶都幾香又唔會覺得苦澀。總括而言，好啱我呢啲花生芝麻愛好者，啖啖飲到真係好過癮黑糖珍珠鮮奶唔再係齋飲咁簡單，加少少心思變得不一樣，必會再幫襯。

同先生食完晚飯散步到地鐵站，經過呢間新開嘅台飲店，杯嘅包裝係一張大大嘅紅貼紙，類似舊時米鋪貼喺米袋上嘅大紅紙，非常吸睛。入內一望原來係嚟自台中嘅飲品店，台灣人一向對茶飲有研究，一試無妨。店內唯一嘅大牆用上我至愛嘅水泥色調，加上白色波波同店名，成為一個好好嘅打卡位。打卡位非常貼心，一放飲品上去，感受到重量底部就會亮燈，好特別。鋪頭因為新開張，做緊優惠，只要like 某社交平台就得，當然唔可以放過。除咗飲品，鋪頭仲有售賣茶葉，飲完啱嘅可以帶埋返屋企。收銀處當眼位有飲品介紹同飲用秘訣，非常貼心。原來新假期都有推薦過，形容為台中過江龍，更勾起我嘅好奇心。抹茶黑糖珍珠鮮奶味道層次豐富，抹茶、黑糖同鮮奶嘅味道相輔相成，店員沖好飲品之後會拎到客人面前篩入黑糖粉同抹茶粉，感覺相當療癒。最值得一讚嘅係佢嘅珍珠口感軟糯但又不失Q彈，同一般嘅珍珠齋有咬口嘅口感有啲唔同，有少少似芋圓！非常吸引！香檳茶王係高山手採嘅頂級烏龍，有淡淡花香同絲絲嘅清甜，入口感覺順滑，配上香濃嘅輕芝士奶蓋，非常合襯。但美中不足係冇奶蓋專用嘅杯蓋，店員建議我哋先呷一口，然後為我哋蓋上杯蓋。好少飲品店可以入到先生嘅眼，難得佢咁腌尖都大讚

今日去完元創坊睇展覽，路過見倒一間新開茶飲店—蜜滋麻美，見未飲過加上這兩天天氣又熱返，所以就同朋友買杯黎試下。蜜滋麻美的茶款不算多，主要賣不同款式的烏龍茶和在黑糖珍珠奶茶。其中最特別就是一系列有不同toppings的黑糖珍奶。花芝黑糖珍珠鮮奶($25)這杯是加上花生和芝麻的黑糖珍奶，鮮奶幾香，加上花生和芝麻，用吸管飲時不單會飲倒花生和芝麻碎，口感更豐富，而且芝麻香亦突出。珍珠屬於Q軟口感，咬落煙煙韌韌。抹茶黑糖珍珠鮮奶($25)抹茶珍奶奶味同樣香濃，不過抹茶味就不特別突出，同花芝黑糖珍奶相比就較為普通。

蜜滋麻美創辦人為台灣老字號品牌「幸發亭」既第三代，係台灣擁有著悠久而光華既歷史。傳承百年，近排選址香港作為首間海外分店，卡比實在難以抗拒。蜜滋麻美系飲品品質以外既關注上都擺放左吾少既心機同心思，膠杯上採用左新派而濃厚既中式風格，配搭燈籠、揮春等，卡比希望能夠系而家呢個時勢增添一點點既光明感覺。店舖目前做緊推廣優惠，只要like Facebook/ follow Instagram 就可以以優惠價購買，卡比當然吾會執輸拉。🔷花芝黑糖珍珠鮮奶 💰25 💙80/100呢款主打即磨花生、芝麻粒，並選用左新鮮十字牌牛奶。一杯就飲到五層豐富口感，最底層有手炒黑糖及超級Q彈既手工製作珍珠，配搭埋最上層既手炒花生及芝麻，飲落好似系到食緊湯圓咁，花生粒好香而奶蓋部分亦十分綿密香濃。係飲用之前要先將底部既黑糖同珍珠攪拌大約15次以確保黑糖能夠均勻散布。今次要求左少甜但真係岩哂卡比口味，亦都覺得黑糖鮮奶有得揀選少糖系「意外收穫」。另外，係攪拌後一邊飲既同時啲花生粒同芝麻會慢慢沈澱落底，所以飲到既份量同花芝既味度會越黎越出。果然老字號依然屹立不倒係有原因既。🔷抹茶黑糖珍珠鮮奶 💰25 💙75/100作為抹茶控