Video
Read full review
2019-11-30
360 views
同先生食完晚飯散步到地鐵站，經過呢間新開嘅台飲店，杯嘅包裝係一張大大嘅紅貼紙，類似舊時米鋪貼喺米袋上嘅大紅紙，非常吸睛。入內一望原來係嚟自台中嘅飲品店，台灣人一向對茶飲有研究，一試無妨。店內唯一嘅大牆用上我至愛嘅水泥色調，加上白色波波同店名，成為一個好好嘅打卡位。打卡位非常貼心，一放飲品上去，感受到重量底部就會亮燈，好特別。鋪頭因為新開張，做緊優惠，只要like 某社交平台就得，當然唔可以放過。除咗飲品，鋪頭仲有售賣茶葉，飲完啱嘅可以帶埋返屋企。收銀處當眼位有飲品介紹同飲用秘訣，非常貼心。原來新假期都有推薦過，形容為台中過江龍，更勾起我嘅好奇心。抹茶黑糖珍珠鮮奶味道層次豐富，抹茶、黑糖同鮮奶嘅味道相輔相成，店員沖好飲品之後會拎到客人面前篩入黑糖粉同抹茶粉，感覺相當療癒。最值得一讚嘅係佢嘅珍珠口感軟糯但又不失Q彈，同一般嘅珍珠齋有咬口嘅口感有啲唔同，有少少似芋圓！非常吸引！香檳茶王係高山手採嘅頂級烏龍，有淡淡花香同絲絲嘅清甜，入口感覺順滑，配上香濃嘅輕芝士奶蓋，非常合襯。但美中不足係冇奶蓋專用嘅杯蓋，店員建議我哋先呷一口，然後為我哋蓋上杯蓋。好少飲品店可以入到先生嘅眼，難得佢咁腌尖都大讚
店內唯一嘅大牆用上我至愛嘅水泥色調，加上白色波波同店名，成為一個好好嘅打卡位。
打卡位非常貼心，一放飲品上去，感受到重量底部就會亮燈，好特別。
鋪頭因為新開張，做緊優惠，只要like 某社交平台就得，當然唔可以放過。
除咗飲品，鋪頭仲有售賣茶葉，飲完啱嘅可以帶埋返屋企。
收銀處當眼位有飲品介紹同飲用秘訣，非常貼心。
原來新假期都有推薦過，形容為台中過江龍，更勾起我嘅好奇心。
抹茶黑糖珍珠鮮奶
$25
13 views
0 likes
0 comments
抹茶黑糖珍珠鮮奶味道層次豐富，抹茶、黑糖同鮮奶嘅味道相輔相成，店員沖好飲品之後會拎到客人面前篩入黑糖粉同抹茶粉，感覺相當療癒。最值得一讚嘅係佢嘅珍珠口感軟糯但又不失Q彈，同一般嘅珍珠齋有咬口嘅口感有啲唔同，有少少似芋圓！非常吸引！
奶蓋香檳茶王
$25
7 views
0 likes
0 comments
好少飲品店可以入到先生嘅眼，難得佢咁腌尖都大讚，蜜滋麻美順利成章成為天仁以外嘅首選，下次一定要試埋好評不斷嘅花芝黑糖！
Post
