為食仔海鮮火鍋專門店

Open Now

Now Closed

卜卜蜆味道稍淡，火鍋材料幾好。黑松露餃出色莞茜餃都好正呀姐服務態度好 豆卜釀墨魚滑就一般喇聖子好大隻1蚊甜蝦麻麻地雖然話2個鐘食飯時間，但都比我地坐左3個幾鐘 可以一試

今日同媽咪黎咗位於旺角白布街嘅 食卜卜蜆🍲雖然今日係平日(星期二)但都爆哂場, 不過因為有兩層, 等一陣就好快有位鍋底同配料選擇都好多醬油費-每位計 ($10)招牌卜卜蜆煲 ($168)超大煲滿滿沙白蜆, 兩個人不停食不停食, 食極都仲有, 店員十分細心, 間唔中會過黎收走d蜆殻👍🏾蜆嘅size唔算好大隻, 但都好新鮮, 鮮甜又肥美🐮頂級安格斯肥牛-小 ($188)油脂分佈平均, 口感軟腍嫩滑, 牛味濃, 好正啊🤤自家紫菜炸響鈴 ($58)非常鬆脆有口感雜菜拼盤 ($52)有油麥菜、生菜、娃娃菜, 吸收哂湯底既鮮味🤤津路烏龍茶 ($16) 鴻福堂竹蔗茅根 ($12)打邊爐又點可以唔買嘢飲呢😅呢度飲品價錢都算抵飲

朋友生日 一行四人去試吓食卜卜蜆 去開食海鮮最怕就係食殼多過肉 今次去食為食仔火鍋真係真材實料 先黎一個招牌卜卜蜆 叫左小辣 好足味！咁樣食法真係好新鮮 叫左小食黃金魚皮 脆卜卜 有小小咸蛋味自家製紫菜響鈴 呢個真係驚喜滿分 初頭冇留意以為只係一個普通嘅響鈴 食落好有驚喜 紫菜夾左係入邊安格斯肥牛 脂肪同肉嘅分布都好平均 唔算太肥 黑松露餃子又係另一個意外 可能係我自己好鍾意食黑松露 松露味好香 之後再叫多咗個鮮蝦雲吞手打四寶丸 雜菜拼盤 其實總括嚟講 餐廳食物好新鮮 而且有創意 不能不提嘅係 其實店長好窩心 佢係每張凳下面都放咗個籃仔俾人擺嘢

屋企人小聚，雞㷛同卜卜蜆兩個choice，揀左黎食卜卜蜆。因為兩個屋企人都試過，認為可以再試。不過哩間鋪嘅內部溝通有待改善，我哋七個人，訂左一間VIP 房，min pay 係$1800 。WhatsApp 連電話，總共有5個confirmation🙈 電話姐姐話 WhatsApp 嗰個唔會返餐廳，只會喺office ，所以佢要打黎問。建議自己溝通好，少煩啲客。點左10+碟，無續碟影，以下係簡介：7個人，點左兩款湯底，上面係「招牌卜卜蜆」⋯⋯好似清湯加蜆咁；另一個係下圖前方嘅「冬蔭公湯底」，無影到close-up，有酸味，少少辣，係真心少辣，因為連唔食辣嘅屋企人都食到。我自己比較鍾意「冬蔭公味」，因為惹味啲，同蜆好夾。但一加湯就⋯⋯兩個煲嘅味好似一樣左🤔👍🏽👍🏽👍🏽👍🏽👦🏻👦🏻家人提我要讚下個侍應。話說開鍋時，只係見到煙同火，湯點都滾唔起，完全呈現唔到「卜卜蜆」嘅聲勢。討論內容俾侍應喺房外聽到，佢主動幫我哋換左兩支gas。好！由於哩間VIP 房最低費係$1800，好牛嘅家人就隨手點左兩大碟牛 （上面嗰碟係「本地新鮮牛頸脊（大）」；相左下方係「頂級安格斯肥牛」）個人覺得前者比較好食，牛味香