Video
Read full review
2019-08-31
1428 views
呢日嚟到觀塘覓食，主要因為個朋友喺呢頭返工，佢之前Lunch已經嚟過February食，所以提議我哋今晚嚟食下😬。我嚟到先發現呢幢大廈原來多咗咁多嘢食，餐廳喺二樓。一去到門口見到好餐牌同大大張英超⚽️poster🤩正，餐廳好好咁安排咗張大枱疏化位俾我哋可以並肩坐，所以我哋決定嗌多嘢食哈哈(加上本身好肚餓)。其實食物選擇都算多，有a la carte menu、dinner set、仲有任食牛扒餐🥩。由於懶得揀同話咗要食多啲，所以就叫了100分鐘任食16oz安格斯西冷牛扒餐(每人$198)XD。再望下個餐牌見到原來唔止牛扒任食，仲有幾款🧀芝士小食任食(包括芝士焗西蘭花🥦、芝士焗薯角🥔同芝士拉絲雞翼🐔)。由於我朋友鐘意食豬手，所以話不如每人加多$50(都係無限量添加)叫埋個🇩🇪招牌德國火焰咸豬手去嚕，胃食嘅我當然奉陪啦！唔洗幾耐就有嘢食喇，首先上場係幾款🧀芝士小食，哇我雖然唔係👩港女拉絲芝士控，但餐廳真係一啲都唔孤寒，芝士量勁勁勁多而且奶味濃郁，唔係得個拉絲樣。樣樣嘢都係即時焗出嚟，所以勁熱辣辣，熱嘅食物已經係好食嘅第一步😋。薯角🥔同西蘭花🥦對今餐嚟講係好重要，因為其他全部都係肉😂，但兩樣都
其實食物選擇都算多，有a la carte menu、dinner set、仲有任食牛扒餐🥩。由於懶得揀同話咗要食多啲，所以就叫了100分鐘任食16oz安格斯西冷牛扒餐(每人$198)XD。再望下個餐牌見到原來唔止牛扒任食，仲有幾款🧀芝士小食任食(包括芝士焗西蘭花🥦、芝士焗薯角🥔同芝士拉絲雞翼🐔)。由於我朋友鐘意食豬手，所以話不如每人加多$50(都係無限量添加)叫埋個🇩🇪招牌德國火焰咸豬手去嚕，胃食嘅我當然奉陪啦！
唔洗幾耐就有嘢食喇，首先上場係幾款🧀芝士小食，哇我雖然唔係👩港女拉絲芝士控，但餐廳真係一啲都唔孤寒，芝士量勁勁勁多而且奶味濃郁，唔係得個拉絲樣。樣樣嘢都係即時焗出嚟，所以勁熱辣辣，熱嘅食物已經係好食嘅第一步😋。薯角🥔同西蘭花🥦對今餐嚟講係好重要，因為其他全部都係肉😂，但兩樣都大大嚿，香口好食。
另一樣係芝士拉絲雞翼🐔，份量同薯角西蘭花一樣係勁多，絕不欺場，我無特登數，但應該一份有成八隻🙀。雖然雞翼偏細隻，但焗到個皮脆脆的好食，諗返如果雞翼係大大隻果啲應該會食唔落牛扒同豬手🙈。由於芝士拉絲太澎湃，所以張圖唔係好影到啲雞翼。
到主角16oz安格斯西冷牛扒🥩登場喇，上碟無太多花巧嘅伴碟，就係一塊煎得好靚嘅牛扒同少許沙律菜！望落我就覺得塊扒應該無16oz咁大，但唔緊要啦，一嚟係任食，二嚟最緊要係塊扒靚同夠厚😍。餐廳已經幫我哋切好塊扒，size啱啱好，好方便食用。我哋叫咗7成熟，真係煎到啱啱好👍🏻，唔會太生或太熟(韌)，夠哂肉汁、肉味濃郁，加埋佢面頭啲汁好好味🤤。
其實食完牛扒同小食都已經有啲飽...，但另一主角都要出場喇，就係招牌德國火焰咸豬手。原來火焰🔥唔係淨係喺餐牌上出現，大大隻豬手嚟到後，店員會喺我哋面前點火燃燒隻豬手🐷✋，燒到勁香。而呢個絕對係打卡位，我都唔執輸，拍咗video添。打卡後，店員會拎走幫我哋切返開隻豬手先👍🏻。
我覺得豬手切前切後都一樣係超大份，切後仲喺側邊配上兩球伴菜，一球係酸椰菜，一球係紫薯🍠。酸椰菜我略嫌碎咗啲同太酸，但紫薯蓉超好食！！！利申我平日係一般紫薯的，但佢呢一球夠香甜得嚟，味道唔會好假，正呀😋。講返豬手先，幾時食都一定要豬皮連肉一啖過食，先食到佢嘅滋味，唔知係咪火焰燒完嘅關係，個皮超級無敵脆，一啲都唔硬，而且仲帶住好豐富嘅骨膠原👍🏻，好正！豬手肉都唔錯，夠嫩，而且味道夠咸，鐘意嘅可以自行點芥辣，我就唔洗😄。但由於太大隻，我哋最終食剩咗少少👉🏻👈🏻🥺。
總括嚟講，呢個餐性價比超高🤑，首先你喺普通餐廳叫一份牛扒同豬手都唔止呢個價啦，呢到仲有埋幾款小食，唔好忘記最緊要係佢呢到係100分鐘任食㗎❗️❗️❗️但我連原本果份都食唔哂，真係無咁大個肚再添加到🙈。如果你係大胃王的話就更加唔可以錯過，啱哂一班男仔嚟，加上呢到有好多部電視📺播now台有英超足球直播，weekend嚟真係無得輸。同埋除咗抵之外，食物係好味的，如果唔好食，有得追加都無用。另外，餐廳店員全部都好好禮貌，好笑容，會主動幫我哋收碟、換水等等👍🏻。環境其實都舒服的，夠闊落，裝修又幾靚，但果日天氣可能太熱，商場都要靠風機，一入嚟時我有丁點熱(可以自己行完嚟啦)，但坐多陣就正常返。我下次嚟開觀塘都會返嚟再食，可能叫下其他食物pasta果啲😆。提多次就係如果叫開任食餐的話，絕對值得比多$50食埋豬手🍖。
Post
