梅花邨小館

Open Now

Now Closed

今晚係家庭聚餐，潮州菜啱長輩嘅口味，就揀咗呢間潮州菜館試下，菜館位置有少少吊腳，出地鐵站都要行10分鐘，菜館空間好大，啱晒一大班朋友或者家庭聚餐。10個人，叫咗滷水鵝片拼鵝肝，椒鹽九肚魚，碧綠川椒雞球，招牌沙嗲牛河，招牌蠔仔肉碎粥，反沙芋頭，梅菜扣肉。鵝片鵝肝都係主打菜，滷水入晒味，同鵝肝好夾。椒鹽九肚魚真係必食，炸皮薄脆，魚肉嫩滑。反沙芋頭無乜地方食到，甜甜地，外屎卜卜脆，入面軟綿綿。其他都整得好出色，一定會返去再食地址長沙灣青山道460號地舖港鐵長沙灣站C2出口，步行約10分鐘

之前一直想試好耐，今日雖然好晏先起身，但都的起心肝4點幾黎左當埋晚餐咁食。一開始就會有酸菜食，感覺好清新酸酸地好開胃，就黎食哂先記得要影低佢。椒鹽鮮魷炸得好鬆脆，魷魚新鮮可口熱辣辣、煙煙韌韌有咬口，椒鹽味亦都好足，點小小醋更美味。豉椒炒鵝腸個汁好濃郁美味，有豉椒既香味，鵝腸好爽口彈牙，加埋其他配料都好入味。招牌沙嗲牛河主要用沙爹醬炒牛肉同河粉，每條河粉都掛滿醬汁，濃香的沙嗲醬沾滿每一條幼滑的河粉，牛肉鮮嫩。整體黎講食物質素都好高，想食潮菜可以黎一試，食物種類都好多。