汀汀烤活魚 (Closed)

📌 汀汀烤活魚 - 旺角西洋菜南街1A-1K號百寶利商業中心5樓🗓(6/2) 星期一 ⏰ 晚上7:30左右 💈特式：我一直都好鐘意食烤魚，亦都試過好多間唔同嘅烤魚，今日去到旺角又突然想食烤魚，見到呢間汀汀烤活魚網上評價不俗就同大家去試試。🥩🍔🌭🌮🥗🥯🥘🍲🍝🍣🥟🍤🍱食物：餐廳除左烤魚仲有多款雞煲/田雞煲/小龍蝦煲/酸菜魚/水煮魚等等，當然仲有好多唔同種類嘅小食/火鍋配料可以揀選添，而烤魚種類亦都可以選擇江團魚/荀殼魚/ 沙巴龍躉，而家等我同大家講下🐟味道先。涼拌萵筍 - 鍋未滾就叫左個涼拌萵荀做前菜過下口癮，份量唔算好大，但作為前菜都算足夠，口感好爽口，加上大量蒜蓉，好鬼香口。招牌烤江團魚鍋 - 我之前去其他烤魚店都係食開江團魚，貪佢唔多魚骨，肉質淋滑，其實佢3款魚價錢都係唔差得多，但我想對比下佢同其他烤魚店嘅分別，所以都係叫返江團魚。味道就可以選擇香辣/麻辣/酸菜/唔辣，咁我都係揀返最普遍嘅香辣小辣，一上枱已聞到好濃郁嘅香辣味，但又未去到攻鼻。條魚size都好大，兩個人食都足夠餘，除非好大食，如果唔係都未必需要再加配料，因為佢本身個鍋都已經有不少配菜，包括豬皮/蘿蔔/豆卜/芽菜/

汀汀烤活魚好耐之前就聼過，今次終於有機會去食！雖然招牌係烤魚，但原來佢仲有雞煲。裝修係偏街頭風，有唔少塗雅同霓虹燈可以打卡~ -🎈招牌烤江團魚鍋 ($328)來到烤魚店當然要試試烤魚，見到openrice仲有折🤔！店内提供江團魚、荀殼魚同沙巴龍躉。江團魚肉質會滑嫩啲，而荀殼魚既魚味就會突出少少。一份烤魚可以選擇香辣、麻辣、酸菜同不辣，唔食辣既朋友可以選擇酸菜或者不辣！我自己唔中意食花椒麻痹既口感，所以果斷選擇香辣，BB辣度對我來說剛剛好。-條魚煎香後再用香辣汁煮，諗下都知香口啦~ 煮左一段時間之後肉質依然好滑，算係比較驚喜。入面仲包左少少豬皮、豆卜、蘿蔔等。不過醬汁煮耐左會有少少鹹，呢個時候記得請店員幫手加湯。-🎈鬼馬雙拼 ($78)呢個係必點item，超好食✨ 油炸鬼内釀入蝦膠同墨魚膠後炸香，店員特意提醒呢個要趁熱食，非常香脆！一份有提供甜辣醬，不過油炸鬼點返香辣汁都好好食。-🎈二人安格斯肥牛 ($138)份量唔算多，係剛剛好的二人份量。牛肉唔鞋，有肉味。🎈花枝片 ($68)因為食完魚同牛肉都會開始覺得膩，花枝片夠清爽，同香辣鍋都幾夾~🎈萵荀 ($48)成日覺得食呢啲熱氣野一定要食蔬