Mee...lemongrass (將軍澳中心) (Closed)

Mee...lemongrass將軍澳唐德街9號將軍澳中心L1樓135號舖見到樣樣都好吸引 最後忍唔住手嗌左5樣野食同兩杯野飲首先黎既係 軟殼蟹米紙卷 一上枱果陣嚇親 因為估唔到咁大份 味道仲非常之唔錯 每一件都食到一大舊軟殼蟹 入面仲有芒果 牛油果同埋好新鮮既沙律菜 值得一讚！馬拉盞通菜都唔錯 keep到出面大排檔既水準馬來海鮮炒粉絲都無令我失望 炒到好乾身 唔會又濕又淋咁 海鮮方面有好多款 有青口 魷魚 魚片 蝦 而且真係好大碟 差啲食唔哂添呀而招牌無骨海南雞飯 個套餐就好豐富 有菜心 好鮮甜既老火湯 個油飯都好惹味 雖然海南雞唔算好大碟 但起碼啖啖肉 無骨又滑最最最推介一定係馬來蜜汁炭燒厚切豬扒 真係超好味 真係食得出佢係炭燒！大大舊兩塊！食極都唔厭！好香濃既蜜汁 燒到恰到好處！最後就係呢兩杯飲品，芝士黑糖鮮奶真係好好味，黑糖又唔會太甜岩岩好，原來呢間係叫里的茶，有個counter 係餐廳傍邊，下次可以再黎encore

將軍澳中心最近翻新完，發現多咗好多新餐廳，就去咗呢間望落幾吸引既泰式餐廳食晚飯~招牌無骨海南雞飯～海南雞最正就係唔使lur骨，可以食到啖啖肉，估唔到佢哋呢度嘅海南雞分量幾多，食到泰式香料味道，雞肉質感結實，但食落唔乾身，尚算juicy~成個套餐跟左湯同埋有碗油飯，蘿蔔湯足料，蘿蔔香味滲透出來~油飯幾驚喜，沒有滿口油膩感，少少油香配上少量泰式香料令整碗白飯味道昇華🤤馬來海鮮炒粉絲～粉絲炒得夠鑊氣，海鮮分量尚算多，有蝦有青口魚片魷魚等等，馬來醬汁滲透了粉絲入面，尚算入味，我個人鍾意重口味少少，叫侍應哥哥拎咗啲辣椒醬俾我~粉絲份量都幾多，適合兩至三個人share🤔順帶一提，有位好後生既男侍應好好人，佢話辣椒醬有款比較水啲，有款就比較稠啲，佢攞晒兩款黎俾我試，而且態度勁nice，夠醒目，好欣賞佢🤩泰式蠔仔蛋～上菜嗰陣因為鐵板嘅關係，仲聽到吱吱聲，嗰陣已經流晒口水🤤蠔仔大大粒，熱辣辣一啖咬落去蠔汁已經流晒出嚟，新鮮嘅味道配合炒雞蛋一流🤤仲有份泰式醬汁，淡淡的酸味令整個味道層次更有驚喜🤩手作班蘭椰絲卷～第一次見呢個配搭，椰絲唔會整到好乾身，食落濕濕潤潤配埋斑斕味道嘅班cake皮食落感覺幾有趣，不過

同屋企人去屋企附近揾野食，揾到去將軍澳中心，因為果到完成裝修，有很多新食肆。最終揀左呢間。。因為呀女係咁話要食。因為時間尚早，完全唔洗等，但到我地差唔多食完既時候就差唔多滿座啦！因為到左lunch hour 啦！呢到有唔餐set，都幾掋食，一個set有前菜、主食、飲品同甜品我地一行人3大1細，都好細食，所以叫左兩個餐，驚食唔曬!1) 秘製特色牛骨湯河 餐牌上話呢個湯底係用牛骨熬左10小時，飲既時候唔係好覺，但又唔差既，唔會好油膩，又唔會好似味精湯咁飲完食好口乾，算ok啦！材料都好足，有生牛肉數片，2粒牛丸，牛腩2-3舊(有一舊超大舊)，牛栢葉都有3-4舊，整體呢碗河粉材料足，算係不過不失!2) 招牌無骨海南雞飯海南雞飯個油飯最重要，我個女就食到啦！d飯粒粒分明，味道okay，唔會油。海南雞真係完全無骨，雞肉唔會“鞋十十“。呢個餐仲多左油菜同湯，味道一般。上面兩個都係午餐，會包埋甜品，甜品細細杯，係芒果布甸，小朋友最鍾意，味道普通。小食：無骨酸辣鳳爪沙律呢個小食我覺得好好食，酸酸辣辣好開胃，可能我鍾意食辣，覺得特別好食。份量都ok!一份有大概10隻，但唔係完全無骨。侍應都好友善，同好