金鳳大餐廳

Open Now

Now Closed

//🇭🇰金鳳大餐廳 //細個嘅時候最開心就係全家一齊鋸扒可以話每一次鋸扒都係會去呢度😽咁啱我媽咪生日話想食鋸扒當然要去返呢度懷緬一下餐廳環境禁多年都冇變好復古同埋發現呢度已經乾淨過以前好多😂(以前好多塵😂😂)不過咁多間扒房嚟講金鳳都係最有情懷♡̴招牌牛柳餐 $88跟餐會有餐包，湯同野飲由細到大都係飲紅湯(羅宋湯)係偏濃稠同埋偏酸嘅湯勁足料有好多菜起入面扒係用鐵板上可以揀燒汁，鴛鴦汁同黑椒汁份量極大 多數我一個人都食唔晒😂😂每次都係食牛柳5成熟肉質好嫩口牛味好香我仲中意加$4有一大pat生蒜夾埋一齊食簡直絕配！絕對係平價而質素好高嘅餐廳👍🏻⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️⭐️ ⭐️

近排工作關係大部分時間都留喺銅鑼灣呢一晚就去咗不常去嘅港式鋸扒餐廳揀咗個招牌牛柳餐套餐包羅宋湯或忌廉湯牛油餐包 細杯飲品醬汁方面 我每次都揀鴛鴦汁再加上蒜蓉 最heavy 最重口味 間中食係非常好食肉質未稱得上嫩滑 不過咬每一啖都好重牛扒肉汁

最近朋友練健身要補充多啲蛋白質，於是佢就介紹左尼間好近銅鑼灣既舊式西餐廳俾我係對面馬路見到大大個餐廳招牌已經覺得好搶眼，同埋有啲old school既感覺😂😂入到去餐廳，樓底好高，橙黃燈光暗暗地都幾有氣氛。重點係啲鐵板燒扒餐，見到隔離檯個啲全部大大份，空氣中彌漫著燒肉既香氣同蒜香味羅宋湯。7/10本人非常喜愛羅宋湯，凡係有得揀紅湯定白湯，我一定揀紅湯❤️所以係飲過咁多紅湯既比較下，金鳳既羅宋湯係勝在份量大同有勁多蔬菜，味道唔算太特別，配佢暖暖既餐包就已經飽左3成🤪招牌牛柳餐（5成熟）。8/10份量大係賣點，一睇就知！但驚喜既係一下切落去手感非常暢須易切，而且塊扒好厚身，真係睇得出熟肉同生肉既比例係55分🥩食落juicy易咬巨人T骨扒（5成熟）。7.5/10T骨扒面積同牛柳扒一樣大，但厚度就差一半👀不過食落就覺得尼個厚度合理，因為T骨扒油脂比例高，入口有融化既感覺，如果太厚就會太油膩💩不過我都係比較喜歡啖啖肉既牛柳跟餐餐飲（凍檸茶）好少茶餐廳會有咁細杯既檸茶😵，建議下次食要加大（+$5）

今晚好想食肉，就同朋友黎左哩間懷舊扒房。黎左咁多次，第一次要等位。食嗰日係一個星期三，大概20:00，不過等左10分鐘內都有得入座架啦！我哋3個人，每人點一個扒。每個餐都跟一碗湯同一杯飲品。我哋三個都揀「羅宋湯」湯夠熱，仲有好多料！係好入味嗰種，唔使加調味，都已經有餐啲胡椒香（少辣嘅感覺）。我哋三個都鍾意。黑椒西冷牛扒餐$109（五成熟）哩個扒係三款入面最重牛味嘅。肉質都係最有咬口。扒嘅份量亦都最大，佢最尾要分俾人食😂。招牌牛柳餐 $119👍🏽（五成熟）個鐵板熱左陣，散咁啲煙後，就已經無再岀血。肉質好嫩，唔使點咬就呑得，個扒份量大概係女仔手掌咁大，有成1.5 cm 厚。蘇格蘭牛扒餐$109（七成熟）個扒份量大概係女仔手掌咁大，都係唔使咬咁，不過「林」到唔係好似肉。

平時去開銅鑼灣金雀食港式牛排但自從佢裝修之後 無左個地方男友就建議去金鳳試一試 聽聞價錢更加平一截添！今日係平日連位都唔駛等佢既裝修無金雀咁靚 但多左陣舊式扒房既味道一檯一凳都好似有好多年歷史咁我叫左個招牌牛柳餐 5成熟佢係未上扒之之前其實有個餐包同餐湯餐包微熱 搽番個牛油入去 牛油介乎少少融但又未融哂之間 好正佢既羅宋湯 亦都幾足料 好重蕃茄味我加左生蒜係牛柳上面 加埋燒汁 好香而牛柳5成熟放係鐵板上面 一d都無過熟 切出黎仲有少少血水 牛柳幾林 但略嫌欠左少少牛味而男友點既係5成熟既美國頂級安格斯肉眼排原本佢想點既係美國雪花牛排點知個侍應話安格斯會好食d就說服左佢首先講佢跟個個忌廉湯 麻麻地 好淡 而且無乜料係湯入面而個排 佢食左第一啖就後悔 因為個排勁大陣雪味 一d都唔好食 衰過茶餐廳平時午餐B上面塊薄牛排！PS 跟個餐飲十分細杯 如果要番個正常size既是要加錢的！

第一次知道呢間餐廳係因為屋企人介紹食過之後已經變左銅鑼灣必食既晚餐 因為又平又飽肚 又大份 男女都一定會飽一入去係好舊式既豉油西餐既格局 去親我都係嗌佢地既招牌牛柳餐 $116跟餐會有餐包 湯 同野飲個人覺得佢地既紅湯🌟🌟🌟係一流絶頂好飲 超級濃稠唔會似水咁 勁足料次次都好多菜起入面而個扒上左枱後先有人淋汁 有燒汁同黑椒汁揀扒既份量極大 西冷有時會成塊面咁大但牛柳好嫩口 岩晒我呢啲唔鐘意咬野又想鋸扒既人 個人習慣叫5成 仲會有小小紅 同好少既血水 如果唔食得生叫6/7成比較好中意食蒜既人可以加一大pat生蒜起上面 屋企人極度讚好 不過我就麻麻但整體真係性價比好高而已有質素既餐廳

今天在海洋公園玩了一整天，傍晚坐巴士到銅鑼灣晚餐。而家人建議到這家牛扒餐廳。其實從前曾到過太子及山林道的分店，對這家不陌生。只是今天才知道銅鑼灣也有分店。各人都選了不同的套餐：招牌牛柳餐巨人Ｔ骨扒餐荷蘭豬扒餐。每份套餐包餐湯，餐包及飲品。　　招牌牛柳餐選了牛柳７成熟。上枱時，選了燒汁。其實好想要蒜蓉囉！　　牛柳超厚身，無脂肪。由於以肉質纖維為主，下刀要比少少力。切開後有血水滲出，証明是剛熟呢。肉質冋算嫩滑，可是牛味不濃。切了一部份給家人嚐試。　　　巨人Ｔ骨扒餐　　　看來呎寸很大。家人切了一部份給我。只覺得好似雪藏肉，Ｄ肉雪到無曬肉質纖維，也没有牛肉的牛味。　　荷蘭豬扒餐家人給了一小塊豬扒，薄薄一塊，都是雪藏肉的感覺。　　　家人嚐過自己所選的扒扒，然後嚐試招牌牛柳，大家都覺得招牌牛柳最正常。　這個價格，與海洋公園內的餐廳相比，算是便宜了。

蝦子餅說要吃聖誕大餐，由灣仔往銅鑼灣走，結果晚上六時多走到懷舊的金鳳大餐廳，幸運地還有最後一張兩人桌。還未點餐，兩個餐包已經放到桌上來，包的底部已經變硬了。蝦子餅點了羅宋湯，我嚐了一口，不夠熱，味道偏甜。我選的海鮮忌廉湯較羅宋湯熱，稀杰適中。我點了招牌牛柳餐($119)，牛柳非常厚身，肉質不錯，但好像做不到七成熟，比較生。蝦子餅的蘇格蘭牛扒($111)比鐵板還要長，個人比較喜歡牛柳。餐飲方面，一人一杯凍檸茶，左邊那杯是正常的大小，右邊那杯是加了8元加大的。

出開銅鑼灣好似食咩都貴咁，今次就聽左朋友既介紹去左位於謝斐道金鳯餐廳，聽講好似幾食扒好平靚正咁。一開始係對面馬路見到呢間金鳳餐廳，白色既設計再加上歳月既洗禮，比人感覺有小小神秘，因為你唔會見到𥚃面既環境，只有你推開門個下你先會見到呢間餐廳既全相。 入到去，黃燈再加上小小黃既外牆，成件出到黎好vintage，入到去就覺得佢一定係老店，其實又幾有feel，再加夥計著住港式茶餐廳既制服，又幾有親切感！睇睇menu 其實佢d扒一啲都唔貴，最貴既都只係$150以下，呢個價錢絕對係親民！今次第一次黎就叫左佢個招牌牛柳扒，$100到包哂餐包、餐湯、扒同埋野食，真係抵到爛食完餐包，飲完餐湯終於都黎料啦！係佢啦！Order既時候叫左5成熟，扒黎到既時候佢會問你要燒汁定黑椒汁，我就揀咗燒汁。不過唔知係唔夠熱定點，竟然冇「咋」一聲，真係有少少失望。不過，個扒都尚算唔錯，牛柳唔太韌，建議唔好叫太熟因為怕食落會太韌，呢個價錢嚟講都算不過不失！比定心理準備大家，餐牌裏面冇得選擇飯定意粉，所以平時鋸開扒係跟飯或者意粉既你，要食住薯菜頂住先！薯菜方面，其實就有小小失望，薯條食落係唔錯，幾脆幾香口，不過菜方面食落

金鳳大餐廳好耐之前已經聽朋友講過，話鋸扒又平又大件而且味道唔錯。係銅鑼灣行左幾個圈都唔知食乜好，突然醒起「金鳳」，就去試下港式扒房~先黎食個餐包! 餐包上枱果陣仍然係暖既，而且都算鬆軟。羅宋湯幾足料!雖然無牛尾，但有一大堆唔同既蔬菜，味道唔算太濃。招牌牛柳餐($100)一黎到，覺得無我想象中咁大份，同花園餐廳既份量其實差唔多，牛柳叫左7成熟，咬落去唔算太juicy, 已經有D鞋，但最大問題係牛柳D肉太過鬆散，食落無口感。黑椒西泠牛排餐($92)呢個反而有驚喜！可能同牛柳有對比，牛排好明顯較爲juicy而且肉質結實好多。叫餐飲時侍應哥哥飲品問左幾次使唔使加大，(要加$5)當時覺得好奇怪，杯凍檸茶黎左終於知點解-.-原來無加大既分量係同一杯細水差唔多，基本上兩啖就飲完........

　　久聞金鳳大名，是因為它的懷舊格調享負盛名，今天終於有機會一試。　　環境方面，頗有六七十年代的扒房格局，比地道的茶餐廳稍為高檔，店內牆壁和擺設都極為簡單。燈光偏暗，播放著七八十年代的金曲，可惜聲浪實在太大，甚至顯得有點騷擾，我們甚至想請侍應把唱機的聲音稍為調小一點，然而又不想太多事。　　食物方面，似乎公認招牌牛柳餐是鎮店之選，這個餐也一直大受好評，於是我就點了這個。　　餐包方面，雖然夠大，可惜不夠熱，硬硬冷冷的。餐湯方面，我要的是羅湯，大大碗，足料，惹味。　　招牌牛柳方面，我要求的是七乘熟，首先是黑椒汁夠多，卻稍嫌不夠辣，椒味略有不足。但牛柳夠厚，雖然厚，但是軟韌度恰到好處，吃到裏面，是軟的，熟得剛剛好，真的是煎得好，蔬菜也夠多。一個人的份量剛剛好，不會太飽太膩，不錯不錯。　　熱奶茶方面卻仍有進步空間，茶味不夠香濃，奶的比例太多，奶多於茶，滑卻是夠滑的。　　總的來說，我能給八十分吧。極力推介招牌牛柳餐。　　

那天等位等了半個鐘...仲要被打尖...冇計....因聽到佢地的對話...你一定會比佢入先...套餐有餐包+湯+主菜+飲品..那天點了忌廉湯(另有羅宋湯)...牛柳也加了$2蒜泥(有D配菜...淋了的幼薯條&椰菜放底.)我要了黑椒汁(另有燒汁)..YUMMY...塊扒又大又淋軟...飽到上心口...的一餐.