八方雲集鍋貼水餃專門店

Open Now

Now Closed

中午一條冷唔知食咩好既時候，又唔想食「飯」時就好容易就會諗到去食八方，至少我係🤣其實間間八方menu都一樣了，所以都唔駛多講。今日揀左食麵線餐，我覺得呢個餐幾啱女仔食，有5隻餃類既去揀，再加個麵線同飲品，一個人都食到，唔太多或太少。呢間八方同我屋企附近的又有少少不同，我去開既都係一入去就點餐，然後等叫號。無論堂食定外賣都一條隊。呢間就得意D，堂食就先坐低寫紙畀店員落單，食完先買單。可惜我叫左佢煎燶D，但都唔係好燶🤷🏼‍♀️不過飲品係有做到少甜既。個麵線就用堂食既碗去裝，好似比用外賣紙碗份量多D。👍🏼料都好足既，好多切粒既肉丸。大腸都有2-3舊。座位來說呢間就有D窄，為左放多D位佢擺到有D飯堂feel。不過食個快餐冇咩所謂啦。一到一點，果然好多學生哥黎，一下子就坐滿。好彩我早左幾個字來到😛

同細妹行旺角, 行行下我地去咗 "八方雲集鍋貼水餃專門店" 試下啦..我地叫咗 3 個 $26 餐 韭菜鍋貼 ---- 一般. 冇咩野特別招牌鍋貼 ------ 呢個真係唔錯...幾好味...韓式辣味鍋貼 --- 呢個真係超難食. 味道怪怪地...酸辣湯 ---- ok 可以接受 栗米濃湯 ------ 呢個太甜了...no good 旗魚丸湯 ------ 好淡...冇味...好似飲緊水...

相約一位很久沒見的好友出來, 大家不約而同選定飯局的地點為八方雲集, 為免要等位, 特意提早用餐時間, 坐下望望手錶, 還未夠七時, 仍有少量空位。幸運地被安排到二人檯, 傾偈大聲一點也不怕。 這次純粹為鍋貼和水餃而來, 縮窄了選擇範圍理應可以快些下決定, 只是又為選味道而煩惱。 味道有四種: 招牌、泡菜、咖喱和韭菜 , 另可單點, 但每款最少點五隻。最後每人各點一個套餐$26/$28, 其中一個雙併另加$2, 配湯。 韓式辣味水餃: 從外已看見內餡紅噹噹, 很心急會是什麼味道呢? 餃皮不太厚, 平時食開的都是菜肉餡, 無想過這樣配搭會是如此棒。 泡菜大大粒, 頗辛辣刺激, 混合豬肉原來幾好味。連本身不愛剩泡菜的我都覺得易入口, 吃過不停。 黃金咖喱水餃: 同樣是辣的口味, 但其實不太辣, 但比較起來我喜歡泡菜多些。 旗魚丸湯: 其實都唔知旗魚是什麼, 個丸食落好似墨魚丸, 幾彈牙, 食到粒粒, 唔會成口粉。 招牌鍋貼: 即叫即製, 約等十分鐘才來。翻開底部一看, 煎得幾金黃, 微脆, 不會過燶, 如果能熱一點更好。皮很薄, 其中一兩隻包得不夠實,散左。餡係椰菜豬肉, 幾爽口鮮甜

最怕在油麻地、旺角一帶搵食，沒有一間吸引，最後行到太子，想記開了新店，又去試食。這間台灣過江龍開業不足一年，店內得有點殘舊，勝在夠光猛。選擇很簡單，只有四款饀料的鍋貼或水餃選擇，不用心太心細、左選右擇。叫了兩個套餐，10集鍋貼/水餃，加四揀一的湯，只係$28/26，十分經濟。要了酸辣湯及粟米濃湯，前者完全沒有酸味，要自行加醋，辣味是來至重重的胡辣粉，配料雖多，但很稀釋，總比很糊口的芡粉好。所謂粟米濃湯只嘗到濃濃的椰汁味。眼見其他客人的鍋貼煎得通透又金黃，伙計每每經過也傳來煎香味，但我們的招牌鍋貼，似是求其一煎，完全沒有香脆味道；鍋貼本身皮極薄，饀料是多菜少肉，入口比較爽口，就算一客10隻，也不會太膩滯。食過鍋貼，又試試水餃，是韓式泡菜饀，皮身較鍋貼厚身點點，不過仍可透現泡菜的顏色、每粒很飽滿，落入多汁又有泡菜的惹味。還未夠飽，另散了韮菜水餃，最少要5隻，又是菜與肉恰到好處，而且加入了薑蓉，減少了韮菜一種特別的味道。每次吃餃子也有一種很滯肚感覺，但今次竟然唔飽!

又是沒時間食lunch, 出到MK都4:30了。去完貢茶度買飲品，再去埋MK買埋野，先有時間食lunch。兩個人去了八方雲集度食餃子。開咗咁耐都係第一次試。見呢間野嘅食評不算太好，但仍抱著一試的心態。叫了一個招牌鍋貼餐同韮菜水餃餐，跟兩個旗魚丸湯。旗魚丸湯先來。夠熱，味道清清地，有好多紫菜。紫菜不算韌，無沙。旗魚丸=墨魚丸，有三粒，幾彈牙，有粒粒墨魚粒！招牌鍋貼同韮菜水餃等了一陣子才送來。招牌鍋貼呈長形。煎得香口，唔肥，皮薄。餡料為椰菜豬肉餡，幾鮮味。配埋辣椒醋一齊食好正。韮菜水餃無鍋貼咁香口惹味。味道較淡，皮也較厚。韮菜餡唔夠多，餡料較鬆散。整體我覺得幾好喎，味道好。服務員(部分)有禮貌，好詳細介紹每款食品。又抵食，廿幾蚊有湯又有10隻鍋貼/水餃，食完真係好飽！

出發玩玩玩之前先黎醫飽個肚先~~呢度gei 餃子/ 鍋貼有4款: 招牌, 黃金咖哩, 韓式辣味同韭菜豬肉湯都有4款wor~: 酸辣湯, 忌廉粟米湯, 旗魚湯同貢丸湯餃子(10隻) + 湯都只係廿幾蚊都幾抵呀~~~黃金咖哩鍋貼, 唔係太食得出咖哩味, 不過都幾好食~招牌鍋貼, 呢個好食d wor, 好多肉汁~韓式辣味餃子, 我覺得呢個最好食~ 好泡菜, 微辣, good~酸辣湯, 麻麻... 係幾多料, 但唔夠味, 可以再酸d 再辣d忌廉粟米湯, 好粟米~ 其實即係罐頭湯...旗魚湯, 有三粒丸,一d 紫菜咁, 都幾好食~ 佢d 餃子唔係差料做得幾好煎得亦好香脆皮再薄d會更好~如果佢d 餃子有多d 選擇就好啦其實黎多幾次就會食過哂...

九月二日(星期二)同老公放工之後,就經過旺角,本身想今晚回去吃點東西就當晚飯,因為近來胖了不少!不過,lunch時向老公提過旺角有些新店想嘗試!..就過了來吃幾隻餃子.......我們還以為四只是有外賣,原來有堂食的,店子小小,但可以容納很多食客呢!........很醒目的台灣商人,懂得在旺角開第一家香港分店,因為看過u magazine說他有一個死對頭,由台灣鬥到過來香港,但相反,那個"死對頭"開在一些不旺丁(也當然不旺財)的地方呢....我相信到過台灣的朋友也大部份吃過阿宗面線,豪大大雞排,不過八方雲集可能未必吃過呢,其實他們在西門町捷運站就有一家分店...下次如果大家到台灣可以一試,看看有什麼分別呢......我就覺得分別不大,而且香港分店的感覺比較乾淨呢....他們供應有餐,包括鍋貼,餃子以及湯等!由於好像是十隻同樣味道的關係,我們又想試多點,所以散叫,但散叫有限制的,就是每款最少叫5隻我們就叫了招牌鍋貼,其實是菜肉之類的...不錯呢,新鮮煎的,而且煎得剛好!又叫了黃金咖哩餃子,很香的咖哩味........不錯呢...老公還叫了個旗魚湯,有三粒旗魚丸....我都喜歡吃旗魚丸呢,