All Day Cafe (Closed)

上水廣場5樓裝修過之後我都未嚟過，今次嚟到有煥然一新嘅感覺， 5樓全層都變晒食肆，外面仲有個晴空花園。今次同朋友去咗呢間叫All Day Cafe，呢間Cafe 色調以白色為主走簡約風，入到嚟給人有一種乾淨舒適嘅感覺。▪️拿破崙意粉 拿破崙意粉有火腿、煙肉、青椒、洋蔥同蘑菇，蕃茄醬嘅酸甜味道啱啱好，係略嫌意粉硬左少少，軟少少就更好，但整體都相當唔錯。▪️松露醬卡邦拿意大利粉 黑松露味道好香濃，仲有蘑菇、煙肉同洋蔥食起來creamy又惹味。☕️cappuccino 咖啡味道好香濃，沒有被奶味掩蓋，入口順滑，個拉花都幾靚。🧋凍朱古力 如果唔想飲咖啡，呢度仲有其他選擇，柚子梳打、茶、朱古力、抹茶牛奶等選擇。除左意粉之外，仲有意大利飯、全日早餐、三文治、牛角包、日本直送蛋糕等我都有興趣，下次都可以再嚟試下。

最近天氣麻麻地， weekend都係留返係屋企附近好。我今日又去上水廣場5樓睇吓有乜嘢食。見到有間幾型嘅文青風格Cafe，即管試下，扮吓文青❣️我同朋友每人點左一個意粉，同埋一人一杯嘢飲。等嘅時候梗係相片打卡啦，黑白嘅主調都幾型格。松露醬卡邦拿意大利粉 (💰$98)意粉一嚟到，未食已經覺得值回票價，因為份量十足，唔係普遍Cafe嘢食細細碟。幾香嘅松露味，卡邦拿意粉食落creamy，但又唔會覺得好滯，值得再嚟食多一次。拿破崙意粉 (💰$78)本身我自己唔係特別好紅汁嘅意粉，因為有時會覺得啲茄汁太酸，但拎咗朋友少少嚟食下，又覺得唔錯。啲意粉吸咗啲汁之外，就唔會太濕，又唔會太酸，而且啲配料都唔少。花果茶 (💰$46 pot / 💰$34 Set Price)呢個季節性嘅花果茶應該每次都唔一樣。今次我有橙同菠蘿，加烏龍茶，幾有趣嘅組合。花果茶唔太甜之餘又有果味。一壺可以斟到好幾杯，可以慢慢同朋友傾偈打卡。奶咖啡 Latte (💰$40 / 💰$30 Set Price)杯Latte一嚟到，我就嘩咗一聲。雖然個拉花唔算好特別，但真係拉得唔錯，睇嚟個咖啡師手藝都幾好 (有啲Cafe會將呢個花拉到歪歪

無嚟上水廣場一段時間，原來呢度五樓翻新過，多左好多食肆，經過呢間Cafe，喜歡果種簡單明亮嘅感覺，再加上見到杯香橙意式濃縮咖啡，感覺好特別，應該幾好飲，所以在眾多食肆之中揀左呢間食Lunch。疫情關係食多左嘢，見到有特色沙律，即刻揀呢個，食得健康d😀；朋友就揀左拿破崙意粉，仲有黑啡(Americano)。香橙意式濃縮咖啡🥃其中一款靚嘅、好味嘅咖啡就係有柑橘嘅果香，所以先會被呢杯吸引入嚟。果然無揀錯，入口第一個感覺好Fresh，好香甜嘅橙味🍊，攪拌後再試一口，感覺好得意，橙味同咖啡味各自在嘴裡邊，然後咖啡嘅香濃味慢慢蓋過橙味，最後只剩下咖啡嘅餘韻。隨著時間過去，再慢慢細嚐，橙味已慢慢被逐漸蓋過，但呢杯Espresso的確易入口、醇厚。特色沙律🥗好鍾意淋喺面果層嘅蛋黃醬，唔只顏色靚，入口好滑，微微有一點介辣嘅香味，仲有好開胃嘅微酸(分唔到係檸檬汁，還是醋)，配上新鮮嘅羅馬生菜及車厘茄，味道很清，亦很夾。拿破崙意粉🍝配料有火腿、香腸、磨菇等，呢個拿破崙醬又係好好味，坊間好多拿破崙意粉都係有過濃嘅茄汁味，但呢款唔係，食得出有蕃茄嘅香濃，但唔會太搶味，因為除左蕃茄嘅酸味，仲夾雜著一種好清新嘅微酸