東海滬 (Closed)

早前去了美孚探朋友, 並在佢介紹下去了附近的東海滬食飯. 這裡除了單點外, 仲有套餐. 我地覺得套餐抵食, 便點了一個二人餐. 江南涼菜三選一, 我地選了揚州肴肉. 湯羮三選一, 我地選了宋嫂魚羮. 小菜有成二十款, 選二個, 我地選了葱爆牛肉和雪菜毛豆百頁. 點心兩選一, 我地選了素花蒸餃. 揚州肴肉是我最愛的前菜. 肴肉面是一層像啫喱口感, 內裡的肉帶有咸香. 宋嫂魚羮. 湯最基本夠熱, 這個啱晒我. 材料也相當豐富, 口感十足. 葱爆牛肉. 上枱香味撲鼻. 牛肉夠稔身, 入口有淡淡葱的香味. 這個菜式較為惹味, 與飯一齊食係最好不過. 雪菜毛豆百頁. 點了一點濃味菜式, 點番一款較清淡的菜式. 百頁本身帶有豆香味, 味道偏淡, 配上較重味的雪菜, 味道剛剛好. 素花蒸餃. 包得夠精緻. 味道調教適中. 這個套餐只需要$208, 真係好抵食. 最後點多了一個甜品, 就是金陵驢打滾. 入口煙煙韌韌, 饀料甜度適中, 非常好味.

老婆啱啱搞完個活動，所以，趁開心星期五就一於唔好煮，落街食慶祝吓，雖然話「落街」，但就由街頭行到街尾，因為我哋都較少行嚟美孚廣場、曼克頓山呢邊食嘢。今晚就專登試試「東海滬」，話時話，作為美孚街坊一員，都真喺第一次到訪。餐廳裝修幾骨子雅致，以杏啡色為主調，配以柔和嘅燈光，予人感覺舒服。靠窗對住屋苑平台一邊有啲馬蹄位，配搭帶點時尚。加上今晚客人唔算太多，環境顯得清靜，比起去隔離嘅富臨真喺好好多。主餐牌內先有「自我介紹」，了解到佢哋晌傳統上海菜式之上，都加入創意，期望做出物超所值嘅美饌。再翻開睇睇，有一大頁「主廚推介」，10款菜式配合圖片及文字介紹，確喺幾吸引，所以，我哋都揀咗幾樣嚟試試。其次，主餐牌內嘅類別分為冷盤、湯羹、海鮮、肉類、蔬菜、點心、麵飯、年糕、甜品及飲品。我哋是夜就以細細份嘅冷盤、點心為主，務求試多啲款式。順便就講埋其他收順俾大家參考！另有張不定期嘅總廚推介，叫「總廚」嘅質素喺咪仲勁啲呢？不妨作為參考。此外，亦提供2人、4人及8人自選小菜套餐（$208、$448、$888，另收茶芥加一），既實惠，又彈性，喺我覺得最划算嘅套餐。仲有兩款經濟套餐，分別喺2人或4人，定價非常親民，

見到東海旗下這間較新派的餐廳，不賣傳統的點心，改做上海菜，近近地在美孚，午餐去試試。不太熟路，來到美孚新邨第4期的舊式商場走了兩圈，原來新開的美孚廣場在外面，近大街。整個商場新簇簇，連商店都未進駐。酒樓的裝潢同樣新淨，跟印象中的東海是兩回事。時尚的茶壺和餐具，比起普通酒樓的白色設計有品味，是「飛甩老土」的完美體現。除了散叫，還有午餐和2/4/8人套餐，任君選擇。兩個人選了兩位餐，但餸菜不多，沒有飯麵，於是在主廚推介裡再散叫幾款。手拍青瓜幾爽脆，很清新。少少酸，味不濃，反而蒜蓉頗多，蒜味很重。揚州肴肉比起一般吃的肴肉大件，高身。入口清涼，微爽，比啫喱硬一點點。咀嚼之下，上層很快便溶化，有肉香，不太鹹。下層的肉亦毋須多咬，專心品嚐肉味，做得不錯。文思豆腐羹很普通的味道，味不濃重，所以不太覺有味精。在羹內見到幼細又滑溜溜的豆腐絲，讚嘆師傅的刀工，不過完全吃不到豆香，髮菜在口裡的存在感是零，反而爽口的竹笙幾突出。很清，但實在太清。賽螃蟹賽螃蟹多是白色的蛋白和蟹肉，加隻蛋黃自行拌勻，拌完頂多是淡黃色，這麼深黃的賽螃蟹第一次見，很新奇。怎料，黃色不是蛋黃，茨汁竟是甜的。而且茨汁很多，浸滿蛋白，想沾