天府人家

Open Now

Now Closed

天陰陰最啱食辣。今日食晏再去天府人家，川菜依然好味抵食。午市二人餐份量好足，比單人餐更抵更多嘢食。前菜涼拌小木耳，酸酸味味好開胃，又健康。糖醋魚塊，肉質嫩滑，酸甜味適中，配埋菠蘿好醒胃。清炒時菜，今日係生菜一大碟。鮮肉小籠包，記得襯熱食。四川擔擔麵兩碗，麵質剛好，辣味出色。甜品係海帶綠豆沙，解返辣，潤返下。*其實最最最喜歡的是怪味花生，香辣脆外殼，包住粒花生，好惹味好辣🤤。試過食完飯，外賣打包一盒怪味花生返屋企慢慢嘆👍👍。*店員服務態度其實好貼心週到，可惜今次又係坐咗入房內，好難叫到店員點餐/埋單。盡管如此，真心欣賞呢間食肆用人手落單👍👍，不用客人自己QR code落單。

午餐時間，一行7人去左試呢間四川菜！餐廳位置有D隔涉，仲要係樓上舖，唔係朋友介紹真係未必識搵上門。原先諗住食火鍋，但見到格離檯既小菜都好香，好好味甘，忍唔住試晒兩樣🤣🤣🤣介紹下個前菜先，勁辣既麻辣花生，食落口甜甜地，但後勁凌厲，食左4-5粒就方棄左，味道其實好好。麻辣鴛鴦鍋，好香好好味，連配菜都好新鮮牛肉好新鮮，入口即溶。水煮魚夠滑，配菜都好豐富。唯一食唔晒既，就係呢個擔擔面，太淋，同唔夠湯。青瓜海蜇絲，好味既，但唔係最大驚喜。整體來講，小菜同火鍋都唔錯，但我自己覺得火鍋出色D。食物份量都算多，服務都幾好，價錢比起其他四川菜偏貴，但對比返食物質素同份量，都算抵食。溫馨提示：由於食物份量都算大份，多D人一齊去會易D叫野食。