天府人家

Open Now

Now Closed

天陰陰最啱食辣。今日食晏再去天府人家，川菜依然好味抵食。午市二人餐份量好足，比單人餐更抵更多嘢食。前菜涼拌小木耳，酸酸味味好開胃，又健康。糖醋魚塊，肉質嫩滑，酸甜味適中，配埋菠蘿好醒胃。清炒時菜，今日係生菜一大碟。鮮肉小籠包，記得襯熱食。四川擔擔麵兩碗，麵質剛好，辣味出色。甜品係海帶綠豆沙，解返辣，潤返下。*其實最最最喜歡的是怪味花生，香辣脆外殼，包住粒花生，好惹味好辣🤤。試過食完飯，外賣打包一盒怪味花生返屋企慢慢嘆👍👍。*店員服務態度其實好貼心週到，可惜今次又係坐咗入房內，好難叫到店員點餐/埋單。盡管如此，真心欣賞呢間食肆用人手落單👍👍，不用客人自己QR code落單。