敏華冰廳 (新都會廣場)

Open Now

Now Closed

週日老婆問去邊食晏我就提議食文華，唔係文華東方酒店，係「文華冰室」至真，嘻嘻！黎到文華門只係正午一點，條人龍有十幾人咁長，等左約十分鐘就有位，我柯打左兩碗「黯然銷魂飯」即係叉燒煎雙太陽蛋飯！將星爺「食神」電影橋段入面的食品帶回現實，係咪真係咁把炮？碗飯賣相唔錯，文華秘制叉燒好大舊，同燒味鋪一塊塊叉燒好唔同，一啖咬落去居然冇令家燕姐流眼淚的洋蔥味，豬肉用左「半肥瘦」梅頭肉，脂肪同肌肉比例岩岩好，有𡁻頭，絕對係誠意之作！一篤穿隻太陽蛋，入面嘅蛋黃汁慢慢流入個甜豉油飯度，令到瘦長的絲苗米更綿滑。倒覺得文華呢碗黯然銷魂飯味更似情與義值千金的「雞姐」對潦倒的史提芬周施以「一飯之恩」果碗叉燒蛋飯。將電影入要經典食品帶回現實令人份外親切，畢竟「星爺」的電影絕對係港人集體回憶！呢度仲有懷舊特飲鮮奶溝忌廉，值得一試，難怪咁多人扶老攜幼排曬長龍都要黎幫襯。

1. 文華黯然銷魂飯（＄60)其實係叉燒煎蛋飯，但睇落又好吸引，叉燒超厚切之餘肥瘦適中，又燒到岩岩好，食落仲有蜜糖香，🍳伴上隔離煎香邊嘅荷包蛋，濃濃嘅蛋黃汁同豉油汁送飯真係一流呀！彤樂評分：8.5/102. 鮮牛油菠蘿包（＄10/1個；＄18/2個）香脆嘅菠蘿包係自家製，睇準佢出爐時間，新鮮出爐時買就最岩，脹卜卜嘅菠蘿包，加上家滑牛油，邪惡又吸引😋彤樂評分：8.5/103. 煉奶西多（＄27)用煉奶牛油取代花生餡同糖漿，冇咁膩之餘，一樣食到同樣嘅口感同西多嘅味道👍🏻彤樂評分：7.5/104. 濃湯豬潤牛肉米粉（＄40)其實我好怕食豬潤，朋友不停力推我試，食落個個感覺好爽口😳唔會好滑潤嘅感覺，加上個米粉鎖住濃濃湯汁，一試愛上呀！😊彤樂評分：8/105. 新鮮出爐酥皮蛋撻（＄7/1個；＄13/2個）酥皮蛋撻一上枱就熱辣辣，蛋夠香滑，酥皮又香脆！彤樂評分：7.5/106. 紅荳冰（＄22)紅荳冰係真係半杯都盛載滿滿嘅紅豆，而且大粒肥身，冰都唔會沖淡奶味！飲晒都飽左半😂彤樂評分：8/107. 滾水雞蛋（＄16)第一次試飲滾水雞蛋，結論就係充滿香濃蛋味嘅水🙈🙈🙈彤樂評分：7/10