咖吔

Open Now

Now Closed

《咖吔 Kaya》 😋 坑口都多野食選擇，黎到東港城想食下新加坡菜，見環境都舒適就試呢間。🎀新加坡喇沙摻摻 💰82 >食喇沙一見有摻摻，一定係揀佢。摻摻即是油麵加米粉，同喇沙湯好夾，微辣加埋蝦、豆卜、魚蛋等配料，好滿足🎀地道老鼠粉 💰88 > 銀針粉撈埋生蛋、魚仔、肉碎、花生一齊食，都唔會太過乾身，好惹味。🎀新加坡古法炒蘿蔔糕 💰88 >嗌左2款粉，想加個小食。朋友好鍾意食蘿蔔糕，就嗌黎試。同食開既炒蘿蔔糕差不多

呢排東港城開左好多新既餐廳，而咖吔係其中一間但之前開張時實在太多人，為食貓真係唔想等😂到宜家無咁多人，為食貓先的起心肝去試環境咖吔既裝修充滿新加坡既風味，比人一種好relax既感覺😊另外，d位都幾闊落，為食貓坐得都幾舒服👍🏾食物新加坡喇沙摻摻 （4/5）呢碗粉真係好足料，有蝦啦，魚蛋啦，魚片等等😻😻而且d食材擺得好用心，根本同張相一模一樣😂至於個湯底好香，又唔會太辣👍🏾個麵撈埋佢比既辣椒醬會顯得更好食斑蘭咖吔多士 （5/5）推介大家一定要叫咖吔😋佢個多士外脆內軟，唔會過硬過淋👍🏾而連埋入面既牛油同斑蘭醬一齊食，真係好好食，好滿足鹹蛋黃雞翼 （5/5）推介為食貓真係估唔到呢個鹹蛋黃雞翼都咁好食😝佢既鹹蛋黃好濃味，而且個雞翼炸得啱啱好，唔會太乾身（有時出面啲鹹蛋黃雞翼會炸得太乾），不過如果啲雞翼再大隻啲會更好烤馬來蔥餅配咖喱 （4/5）同樣呢個蔥餅都烤得相當唔錯，好鬆脆😍個皮唔會太薄又唔會太厚，搞到成口麵粉而且點埋啲咖喱好快就食哂🤭椰汁芋圓（4/5）通常芋圓係台式糖水舖先整得好食😮‍💨但呢碗芋圓都整得幾好，好煙韌而且有好多粒唔同味道既芋圓♥️加上個椰汁又唔會太甜，正😋估唔到連鎖餐廳都有啲咁高

-新加玻喇沙摻摻夏天熱辣辣最岩食d濃味辣辣地嘅野開下胃，試咗呢個摻摻好大碗，絕對夠飽，擺面仲有半隻温泉蛋，魚彈蝦豆卜之類，配埋有個醬唔辣嘅類似xo海鮮醬，連埋青檸汁加埋落湯度更加鮮味，成個湯好有南洋風味，只係有小小辣，計返譚仔應該得二十至三十小辣，加埋湯底可能有椰奶中和返，仲增加咗香味，我覺得喇沙湯底比咖喱更加鮮。唯一美中不足係可以再加多幾條菜索埋個湯一齊食會更正，不過對女士尼講食曬成碗會有d飽滯。-老街咖哩麵老街咖哩麵係油麵同粉絲混埋嘅，湯底咖哩椰味香濃，梛漿為本身咖哩湯增添咗香味，令麵底都十分入味！成碗麵都好足料，有蝦蜆等海鮮，食到碗底都仲有好多，值得一試！-馬來拉茶有少少似泰式奶茶嘅味道，好滑好香，但個人略嫌甜咗少少，不過都好好飲-香茅青檸荔枝梳打如圖所見有原碌香茅，再加埋d薄菏葉成個視覺望落好refreshing，飲落就有荔枝味不過只係好小甜，岩曬我唔鐘意飲甜野又想食飽消滯，仲有個底係梳打水飲完嗝返啖氣爽曬！最尾仲可以咬埋條香茅清新下個口氣。

之前係北角見到呢間餐廳想去試下，但冇去到，今次過開黎坑口見到有分店就入去食個下午茶啦~ 好彩等左一陣就有位~我地叫左兩份茶餐一份咖央多士，食到好飽😌新加坡喇沙摻摻 ($62)配熱桔仔話梅水好大碗喇沙呀！佢可以比你揀配米線定摻摻，老公揀左摻摻，正宗啲~ 喇沙湯底都幾有椰香味，比較辣，油麵米粉兩溝食落都煙韌，雙重口感，配料都多，有開邊蝦、魚丸、魚片、豆卜、芽菜、半熟蛋。熱桔仔話梅水正常，可以解下渴～地道老鼠粉 ($62)配熱香茅鮮橙茶老鼠粉用砂煲上，可以keep住熱辣辣，炒得好惹味，撈埋肉碎、咸魚仔、菜莆、花生、溫泉蛋，真係好豐富。味道正常，唔會好咸，亦冇炒得好油好燶，剛剛好，銀針粉有咬口👍🏼 熱香茅鮮橙茶我只係飲到橙味，冇咩香茅味😯班蘭咖央多士 ($28)佢都有tea set但我地飲唔到，所以單點，可惜期望過高，班蘭咖央味唔重，可能落得太少醬？另外佢都唔係即叫即整，黎到都凍左，冇咩特別。成個餐廳都裝修得好熱帶風情既，坐得都舒服，每張枱都有濕紙巾同口罩袋，都乾淨。店員都有禮貌，服務態度幾好👍🏼.味道 ★ ★ ★ ★ ☆環境 ★ ★ ★ ★ ☆服務 ★ ★ ★ ☆ ☆性價比

因為呢間下午茶好抵食 所以黎東港城都會食呢間喇沙都係咁好味 今次比起之前食辣左少少炒飯份量好多 配料都幾多味道好濃郁 不過2串串燒就普通啲 有啲偏乾 味道都麻麻地拉茶好飲桔仔冰有原粒話梅係入面 好解渴👍🏻