老鍋台式火鍋 (金馬倫道) (Closed)

臨收工收到朋友電話，話喺網上見到老鍋做緊七折優惠，游說我陪佢，見好耐冇食台灣養生鍋，而且聽朋友講餐廳口碑唔錯，一於去馬。成間餐廳以木具為主，配以古典風嘅燈飾同掛畫，感覺古色古香，枱同枱之間以木屏風阻隔，有包廂嘅感覺，好有私隱度。首先送上嘅係朋友最愛嘅台灣香腸，切片烘烤，蒜香味濃，咬落帶有油香，非常香口。湯底有有四款口味，我第一次食當然要試下佢嘅獨家秘製麻辣鍋，餐牌寫明為咗令客人品嚐到食物嘅鮮味，湯底辣度較低，平日嗜辣嘅我哋掙扎咗一陣，決定小試牛刀，揀咗小辣。餐廳用嘅係舊式銅鍋，好有味道，完全符合餐廳名，湯底材料豐富，用咗大量藥材同香料，味道香濃，同多年前喺台灣食到嘅養生鍋如出一轍！湯底加入大量凍豆腐同鴨血，吸收哂湯底嘅精華，非常滋味。安格斯牛質素好高，大大塊，油脂紋理均勻，牛味香濃，質感細膩。皮蛋貢丸亦係另一亮點，我本來對貢丸興趣不大，但朋友極力推薦，一試無妨。貢丸口感非常彈牙，一咬落去有爆汁效果，一定要小心辣親，入面嘅餡係薑汁皮蛋，味道係想像唔到咁夾！非常有驚喜！另一樣驚喜食材係台灣直送嘅千張豆葉紙，質地真係薄到紙咁，驟眼睇以為係一張張牛油紙，食法同魚皮響鈴一樣，夾起放落湯底幾秒就食

前兩日接男朋友收工，佢話好耐都冇食過台式火鍋，我哋就即刻網上查一查，見附近有間老鍋台式火鍋，決定過嚟試一試！呢個環境裝修走中式風，每張桌都會用屏風作間隔，私隱度唔錯～與環境衛生方面，呢度實在值得一讚，好多時去到餐廳既自助醬汁區，擺盤好求其且污糟邋遢，反而呢度完全冇呢個問題！湯底方面，我哋揀咗呢度招牌養生鍋，湯底落足料，可以見到原條人蔘，而且落咗好多蔬菜，例如粟米同香菇，味道清甜帶少少回甘，飲完個人好舒服！絕對建議大家一定要飲多幾碗湯先好開始打邊爐！至於火鍋配料，我哋叫咗好幾樣，包括：1️⃣超邪惡嘅鹹蛋炸魚皮🐟2️⃣油脂比例平均嘅安格斯肥牛🐮3️⃣口感比腐皮更煙韌既豆葉紙😻4️⃣食落爽口彈牙既黑白滑🐙5️⃣健康嘅毛瓜拼白玉🥒6️⃣台灣最出名嘅新竹米粉🍜呢度仲提供幾款唔同嘅清熱飲料，包括烏梅汁同埋杭菊露，啱晒打完邊爐要下一下火！

成日聽朋友提起呢間台式火鍋，趁住今日凍凍地，一於暖下個胃。門口接待至入座非常有禮兼順暢，座位寬闊舒適，枱面用具乾淨齊全。裝潢陳設古式古香，擺放整齊，都幾衛生。唔好講咁多Order過尚膳養生鍋先，打開個蓋，非常濃厚嘅藥材味湧出來，眼前嘅係人蔘同好多滋補藥材，飲啖湯個人成個暖哂，真材實料有回甘嘅人蔘味。好啦！可以開始淥嘢食啦！安格斯雪花肥牛雪花平均，略略焯熟入口鮮嫩牛味幾香；千張豆葉紙其實係腐竹皮，放落湯1秒再撈起，立即吸收湯汁，超級好味！墨魚味好重嘅黑白滑，顏色靚靚食慾大增，而且非常彈牙！朋友叫我必點嘅咸蛋炸魚皮，依然冇介紹錯，好香鹹蛋味，又係1秒傑作，小小咸又吸收左少少湯汁，夠晒鹹香惹味！有乜好得過用易吸湯汁嘅材料做火鍋，白玉毛瓜雙拼係白蘿蔔同毛瓜，仲好有心思整成蝴蝶型添！仲有仲有，點少得新竹米粉，養生湯米粉完成！食熱辣辣嘅火鍋最好就有凍冰冰嘅飲品啦，杭菊露、烏梅汁，兩樣都冰凍好味，尤其是杭菊露，飲落去好滋養舒喉。店員不時巡視客人需要加湯收碟等，都幾落力，食物質素唔錯，回頭指數極高！