新南苑私房菜火鍋鷄煲 (華僑商業中心) (Moved) New Location

之前行過西洋菜街見人派新南苑私房菜火鍋鷄煲的單張，我母親大人見到後話：好似唔錯。於是我之後後就Book 左位食。一行入餐廳就見到很大的水缸，裏面裝著新鮮的海鮮。餐廳有多間房間，方便一大群人聚會。海鮮火鍋半放題套餐價錢方面是每人$258。醬料每位$10。套餐可以選擇鷄煲/湯底打邊爐，喜歡海鮮的我們就叫了一個新鮮蟹鍋花甲湯底，湯底裏面有一隻蟹和許多大大粒的花甲，只看材料就知道這個湯底一定非常鮮甜。另外，湯底還有粟米，秀珍菇，和番茄等調味。湯底蟹肉結實鮮味，花甲不但大粒而且鮮甜無沙。套餐還會附送海鮮拼盤和本地手切牛頸脊。首先海鮮拼盤，包括有海蝦、蟶子、生蠔、鮑魚、帶子、蚌、龍躉片及脆鯇片。海鮮全部都都又新鮮又甜!尤其係帶子！！基本上都唔使點調味料。本地手切牛頸脊：牛肉色澤紅潤，油花不多但均勻！脂肪教少，但肉質鮮嫩重牛味，外面更有蔬菜，飲品和調味料的自助Bar，鍾意邊樣都可以任拿！當然要食得曬，唔好浪費食物la。除了海鮮這裏仲有好多款配料可以選擇，例如：雲吞、韮菜餃、丸類、魚皮餃和龍躉片及脆鯇片等等，再想orden的話找店員落即可。最後仲有甜品做結尾，而且店員們都好親切！呢餐真係好滿足。

一諗起食好西一定想起旺角，因旺角美食眾多地理位置又方便。前菜蟹子沙律，蟹子，青瓜絲和蟹柳絲和沙律醬撈一齊食好美味可口。今次就選擇食打邊爐湯底選擇左新鮮蟹鍋花甲湯面有成隻蟹蟹肉質好結實和花甲肉好飽滿，湯底好鮮甜。海鮮拼盤有鮑魚好彈牙，象拔蚌好清甜，龍躉，脆鯇魚片啖啖肉，花甲好飽滿，聖子皇好鮮甜，生蠔好大隻，海鮮全部好新鮮。本地牛頸脊，平脂平均分怖，牛味濃厚，肉又夠淋又冇雪藏味。小籠包打邊爐幾特別，熟了內里又有肉汁又啖啖肉。仲有這些丸類食埋都飽了。仲有其他任食火鍋配料。汽水任飲

今晚同朋友慶祝生日，因為佢好鐘意食海鮮，所以就揀了這家私房菜，入到食店地方超大，圓枱又方便聊天，又有電視，店員招呼亦很好。今日天氣好熱，急不及待飲返杯"忌廉溝鮮奶汽水"，任飲真爽，嘻嘻..."招牌麻辣雞煲 " 好耐無食覺得份外滋味，雞肉好入味，忍唔住添食呀！仲有吸了麻辣汁的油炸鬼，都唔錯喎！"新鮮蟹鍋花甲湯底"加上"生猛海鮮拼盤"真係絕對無敵，鮮味到不得了，海鮮好新鮮。從來未見過咁大塊鯇魚片，好爽；蝦同大聖子都好有口感。"本地手切牛頸脊" 我很愛火鍋食牛肉，所以差不多食了兩人份量，牛肉味道好濃郁，口感鮮嫩。"小籠包" 無諗過可以係火鍋配料，食起來有點像餃子。"任食多款配料 " 自助形式自己夾菜真方便，生菜、通菜、粟米、蘿蔔，樣樣都好新鮮。餐後一杯芒果雪糕做甜品，即刻降下溫先，今餐真係滿足到一個點，好飽，哈哈哈！

我真係好鍾意食雞煲最高峰時期可以一個星期食2晚平時食雞煲都係食完用番個湯黎打邊爐其實覺得好油之餘味道又好咸今次係新南苑食完雞煲仲可以另外揀過個打邊爐湯底烚下烚下開心好多首先食個雞煲先 雞有雞味😂😂雞肉好嫩滑同埋多肉食 而且個醬好惹味 好想拎黎撈飯裡面有好多洋蔥、辣椒等等調味所以好香食完雞就可以打邊爐啦我揀左新鮮蟹鍋花甲湯底真係成隻蟹係裡面仲要係有肉食架隻蟹 唔係得個殼勁surprise D蟹膏味浸入晒個湯底所以個湯底係好香好鮮好甜架仲有個海鮮併盤我懶懶地全部掉入個鍋度煮自製足料海鮮鍋可以同韓國果d有得fight裡面有鮑魚、鮮蠔、大花甲、蟶子、魚腩、蟹、花甲個湯底愈食愈甜而且海鮮都幾新鮮怪唔得之宵夜時間都咁多人唔夠飽仲可以去自助區食菜同丸類~好多選擇飲品都係任飲有好多款韓國野飲正！價錢又唔貴，都係每人200左右，真係幾抵食！