Video
Read full review
2024-10-17
2021 views
之前嚟過一次，體驗好好～念念不忘再嚟第二次😊✨好喜歡呢套嘅環境，明亮舒適，以木色為主調好溫暖。今次試咗好多唔同嘅嘢，覺得菜式都好靚！最開心係食咗一直好想食嘅富士山布甸，非常滿足❤ 而且試咗咁多嘢都係大概$200多啲一個人，覺得都幾抵食。【🌱前菜】酸酸甜甜好清新，有淡淡嘅桂花味。喜歡佢有醋，同埋佢整到無咗蕃茄本身嘅澀味，然後又保留到蕃茄嘅香。第一次食鰹魚，本身驚會唔會好硬或者好腥，但係完全唔會！食落感覺好新鮮又好軟身，好似吞拿魚咁樣。配埋個汁少少酸辣，幾開胃。上網睇一睇，原來『南蠻漬』係指佢個高湯同醋汁再加不同辛香料（辣椒、蔥、蒜等），而南蠻係舊時日本人對於葡萄牙人同西班牙人嘅稱呼。 『南蠻漬』其實就係日本食材版本嘅葡萄牙／西班牙菜式『Escabeche』（醋醃炸魚）～【🍛主食】自己超級鍾意嘅芝士茄子田樂燒！芝士都幾厚、幾拉絲，蔬菜好新鮮～ 特別鍾意豆腐煙韌彈牙嘅口感，又好鍾意佢鹹香嘅味道。然後個茄子超級juicy，入面仲有枝豆同菇！好多顏色好多配料，食得好開心❤日式滑蛋吉列豬扒。朋友話個皮好脆好薄～ 然後我好鍾意下面個滑蛋同個汁。個汁係偏甜的，好啱我胃口🙌【🍙米飯】牛油木魚絲飯。重現深
念念不忘再嚟第二次😊✨
好喜歡呢套嘅環境，明亮舒適，以木色為主調好溫暖。
今次試咗好多唔同嘅嘢，覺得菜式都好靚！最開心係食咗一直好想食嘅富士山布甸，非常滿足❤ 而且試咗咁多嘢都係大概$200多啲一個人，覺得都幾抵食。
【🌱前菜】
酸酸甜甜好清新，有淡淡嘅桂花味。喜歡佢有醋，同埋佢整到無咗蕃茄本身嘅澀味，然後又保留到蕃茄嘅香。
第一次食鰹魚，本身驚會唔會好硬或者好腥，但係完全唔會！食落感覺好新鮮又好軟身，好似吞拿魚咁樣。配埋個汁少少酸辣，幾開胃。上網睇一睇，原來『南蠻漬』係指佢個高湯同醋汁再加不同辛香料（辣椒、蔥、蒜等），而南蠻係舊時日本人對於葡萄牙人同西班牙人嘅稱呼。 『南蠻漬』其實就係日本食材版本嘅葡萄牙／西班牙菜式『Escabeche』（醋醃炸魚）～
【🍛主食】
芝士茄子田樂燒
$68
36 views
0 likes
0 comments
自己超級鍾意嘅芝士茄子田樂燒！芝士都幾厚、幾拉絲，蔬菜好新鮮～ 特別鍾意豆腐煙韌彈牙嘅口感，又好鍾意佢鹹香嘅味道。然後個茄子超級juicy，入面仲有枝豆同菇！好多顏色好多配料，食得好開心❤
日式滑蛋吉列豬扒。朋友話個皮好脆好薄～ 然後我好鍾意下面個滑蛋同個汁。個汁係偏甜的，好啱我胃口🙌
【🍙米飯】
牛油木魚絲飯。重現深夜食堂嘅貓飯～ 個牛油少硬，有啲難撈，再加埋木魚絲就偏乾啲，要加豉油／撈汁食。
赤富士芝士松露飯團。呢個就真係比較純粹適合打卡多啲，個飯凍同硬，入面餡料都唔太多同埋口味較淡。
下次會想試吓其他嘅飯食～
【🍮甜品】
昭和紅日．富士牛乳布丁
$68
69 views
0 likes
0 comments
期待咗好耐嘅富士山布甸！本身睇相以為好細啦，唔係！比想像中大舊好多，有驚喜～ 味道就係經典嘅牛奶味，然後我好鍾意佢札實嘅質感💙🤍 拎起佢輕輕搖，好適合用Boomerang打卡～
然後好想講，呢度嘅餐具同杯都好靚，好欣賞店主咁有心機咁揀。亦都鍾意呢度連杯都有gimmick，有透明嘅青瓜水，同埋藍色嘅蝶豆花水。同埋呢度嘅Staff都好nice啊！好感謝Staff有禮貌又詳細嘅介紹！整個用餐體驗都非常好❤
Post
