魂 (Closed)

呢日約左個朋友放工食個飯, 近近地就約喺我公司附近啦~就係我公司附近有間拉麵店-魂,我喺度做左幾年野都冇食過啵, 咁呢晚就同朋友試下佢好冇食囉~魂拉麵 $89拉麵有一大片叉燒~叉燒肥度適中, 入口即溶呀!溏心蛋都做得唔錯~有半隻~本身個拉麵有木耳的,但我麻麻, 所以我走左木耳~湯底好濃郁好杰身,豬骨味濃!琥珀伴麵 $79呢度除左湯拉麵仲有伴麵可以食,我地見OPENRICE都好多人推薦呀, 所以我朋友叫左來試, 佢話都幾好味呀~酸酸甜甜好開胃!朋友大食D, 佢另加左半只玉子同一塊叉燒, $23。日式豚肉煎餃子 $22外皮煎到勁脆!中意香口野嘅人必食!日式炸雞塊 $25呢個又係即叫即炸,又係勁脆呀!日本Hata士多啤梨味波子汽水 $18士多啤梨味波子汽水我未飲過, 都幾好飲的!埋單$256。都唔錯呀!有下次!

<一碗入魂>的意思就是一碗就可以俘虜人心，可以被<為食小肥兔>評為這個級別的拉麵不多，近期的有這個位於西洋菜北街的<魂>拉麵館。西洋菜北街臨近旺角警署，坐港鐵的話只要到太子站A出口便是了，交通方便。和其他傳統拉麵店一樣，款式貴精不貴多。<魂>只有四款湯底。店內亦是傳統拉麵店的<一格格>設計。<日式炸雞塊>老公是大胃王，吃一碗拉麵不夠所以另加一個炸雞塊。雞塊炸得剛剛好不會過於乾燥，脆卜卜而且很香口。內裡的肉質依然保持嫩滑，火喉控制得剛好。<火魂拉麵>起初還要猶豫要不要點這個，因為怕會太多辣汁會很辣。但細問之下才知原來辣汁都可以選擇分量，非常貼心。湯底有番茄，辣汁和豚骨一起熬制而成，味道非常複雜並非平常吃到的番茄湯底加辣咁簡單。🤔🤔🤔應該是秘製湯底，只能說很好味，還待大家來一嚐！滑溜溜的溏心蛋亦是拉麵中的一個亮點，有圖有真相，嫩滑溏心的程度大家看得見，不用我多形容。叉燒則比較肥美嫩滑，不會死死實實，很鬆化。拉麵的麵質爽口有質感但不會過硬，正合我心意。<青龍拉麵>

好一陣子沒有吃拉麵，今天癮起，看見這間太子的魂風評不錯，就來一試。有四款不同湯底的拉麵以供選擇，亦有多款小食、啤酒等。魂拉麵用上招牌命名的拉麵，是經典的豚骨拉麵，湯底有濃郁的豚骨香氣，但卻濃而不膩，配撘半熟玉子，以及煮得軟腍的日式叉燒，整體味道口感十分傳統經典。太極拉麵在基本的豚骨湯內，加上墨魚汁以及蟹膏，一呷香濃順喉，為湯底注入海鮮的鮮香味道，麵條筋度十足，各種食材味道配撘恰到好處，十分出色。日式豚肉煎餃子餃子皮薄，外層酥酥脆脆，餡料飽滿，蘸上醋汁，入口美味多汁。日式炸雞塊雞塊外層炸漿不厚，卻意外地香脆，雞肉鮮嫩多汁，份量亦足。

聽講"魂" 最初開係銅鑼灣好出名，但後來close左之反後而家係太子開番。聽講呢間拉麵唔錯，特登同妹妹試一試係咪如傳閒中咁ok係太子站出左行2步就到，地點好方便。入到餐廳見到裝修好日式，以木系裝飾為主，真係幾有日本feel餐廳用ipad落單，仲可以揀埋麵嘅硬度、湯嘅濃等等。簡單之餘最重要係環保d，讚啊~其實晚市拉麵只有4款，好快揀好左要食d咩!火魂拉麵（$99）*麵硬度中，調味濃，多蔥，中辣*火魂=辣，呢個中辣程度令人好容易接受，感覺大概係譚仔4小辣吧~麵質煙韌程度適中，蕃茄辣汁豚骨湯底唔油膩，飲落唔會令人覺得反感，而且拉麵既份量剛好(係for女仔喔) ，男仔可能會覺得細碗左d，配料有叉燒、玉子同三文魚肉。太極拉麵（$99）*麵硬度中，調味中，多蔥*太極拉麵湯底係墨魚汁配豚骨湯，配料有叉燒、玉子、木耳、蟹膏同金箔🦀。拉麵麵質食落有咬口，揀中硬岩岩好。幾中意佢塊豚肉唔會好肥，脂肪位較少但都幾柔軟🐖半熟蛋雖然冇用醬油浸過，但流心程度掌握得好好，蛋味幾重🐣，加上爽口木耳，配料都唔錯。不過湯底其實食唔出加左墨魚汁，係一般豚骨湯嘅味，揀左中等濃度，覺得好似唔太夠濃，好彩係個湯唔油膩，但係整體上唔

魂拉麵早年由銅鑼灣搬遷到太子，人氣依然不減！餐牌由自己寫紙改為電子餐牌，少左份日式傳統拉麵店既感覺，不過資訊好清楚。有寫齊青龍有咩料，仲有得揀麵既軟硬度、調味既濃度同減少配料。<日本Hata原味波子汽水，$18><青龍拉麵，$99>青龍係每晚六點後先供應，由秘制波菜汁配豚骨湯底，配以叉燒、玉子、蟹肉加魚子醫而成。以前食覺得一食難忘，不過今次食無左呢種感覺。湯底略嫌淡左少少，唔夠波菜味，拉麵好煙韌，玉子同叉燒都係好食。<火魂拉麵，$99>火魂由蕃茄辣汁配豚骨湯底，配以叉燒、玉子和三文魚肉而成。呢個辣味好特別，有別於一般拉麵既辣味，但好滋味。<日式炸雞塊，$20>炸雞熱辣辣，肉質鮮嫩，炸粉多左少少，不過整體不錯。

一個人覓食, 最方便快捷又享受到美食, 當然選擇拉麵, 位置太子的魂拉麵, 由於近港鐵站, 所以交通方便又易搵.拉麵有四款口味, 分別(魂)豚骨湯底, (火魂)蕃茄湯底,  (太極) 墨魚汁湯底 及 (青龍) 菠菜汁湯底, 每款口味都混合豚骨湯底, 再配搭不同的材料, 各有特色.店內裝潢有日式拉麵店的風格, 木枱櫈好貼近小店的特色, 雖然拉麵可以好快食完就離坐的選擇, 但呢度坐得很舒服.我點了太極, 即墨魚汁配豚骨湯底拉麵 $99, 有叉燒, 玉子, 蟹膏和點綴的閃令令金箔. 先飲一口湯汁, 用墨魚汁混入豚骨的湯頭, 既有豬骨的鮮, 又有墨汁的鮮, 還有蟹膏的濃鮮味, 湯底味道十分濃郁, 而且幾濃稠, 可以更掛汁在麵上. 最重要是濃而不咸, 食完也不太膩. 還有湯底冇加味精, 所以飲哂都不口乾, 真材實料.拉麵較幼身, 但仍保持其彈性口感, 而且沾到好多湯汁, 我特別點了煮得較硬身的麵, 很合我口味.叉燒半肥瘦, 有肉感得來夾著脂肪香, 一塊有點不夠, 下次要追加.半隻糖心蛋, 蛋黃半熟軟滑帶蛋黃香, 配湯汁或麵食, 是不可缺少的配料之一.  我還多點一份小食, 日式炸雞塊 $20,

係太子剪完頭髮之後 就順便係搵吓有咩好嘢食啦 行行下見到呢間裝修得好日本feel既拉麵 而且仲要有人排緊隊 咁就好自然我都排埋一份啦 排左大約15分鐘就入得啦入面係有一格格既位同埋正常檯選擇 就算一個人食拉麵都唔駛驚搭檯啦用平板電腦黎自己落單㗎 可以按個人喜好自己慢慢揀 揀完之後㩒個制就落到單架啦〰️魂 拉麵〰️呢間舖最出名嘅有四種唔同口味嘅拉麵 我就揀咗呢個豬骨湯底嘅拉麵 第一時間梗係飲咗啖湯先啦 果然係用豬骨熬左一晚既湯底係唔同d 豬骨味真係勁濃我揀左我最鍾意食嘅硬身麵 而呢度既硬度做得啱啱好〰️太極拉麵〰️呢個係墨魚汁加豬骨湯底 呢碗係豬豬男友既 但係連坐係隔離位既我都聞到個香味啦除咗佢都有叉燒同埋溏心蛋之外 佢仲有蟹膏同埋金箔架 雖然金箔冇乜味 不過感覺上矜貴少少 而且佢既紫菜仲要比我個碗多一塊添呀我哋兩個除左食晒碗麵之外 仲飲晒碗湯添呀 〰️日式炸雞塊〰️呢個炸雞係即刻叫即刻炸 所以食既時候都仲係熱辣辣 炸得好香脆但入面仍然保持肉質鮮嫩〰️桂圓紅棗茶〰️呢間拉麵店嘅飲品選擇都算多 除咗有一般嘅汽水之類之外 呢仲有啲特色嘅熱飲嘅呢杯桂圓紅棗茶充滿紅棗甜甜地既味 感覺暖笠笠〰️日式抺茶牛奶〰️平時出