肉搏食堂 (Closed)

最近厚福街開咗間新嘅丼飯店，叫肉搏食堂，主打嘅唔係常見嘅海鮮刺生丼，而係肉味香濃嘅牛同豬呀！鋪面裝修簡約，位置唔算好多，可能仲係新開張，暫時都唔洗等位。已經好肚餓嘅豬太郎好快就決定要食香煎頂級牛肉配海膽丼，另外，老公就揀咗角切魚生丼！一嚟就好大滿足Fell嘅香煎頂級牛肉配海膽丼，老公一起手就夾塊海膽試一試，話都唔差噃！而牛肉唔係煎到熟晒，帶有淡淡粉肉色，保留更多口感，唔會乾硬。老公揀嘅角切魚生丼就當然係安全牌，滿滿嘅魚生料，食到佢好滿足，爽口嘅魚肉好滿意，仲有啲牛油果增加口感，更為特別。仲有好多小食都好吸引，不過我哋已經一人一個飯，所以就只係叫咗日本雞軟骨棒餃子！平時嘅煎餃都會好乾同偏硬，但佢呢款餃子就好有口感，沾埋餃子醋更加開胃，想食多幾隻𠻹呀！天氣開始轉涼，我同老公就一人一杯熱飲，分別係紫薯鮮奶同抹茶鮮奶，兩杯唔止夠晒打卡Able，味道都好好㗎！抹茶鮮奶唔會過甜，抹茶味恰到好處；而紫薯鮮奶就要邊攪拌邊飲，唔係飲到底啲紫薯味就沉晒㗎啦！

依間位於厚福街既餐廳主打日式丼飯，提供多款肉類及魚生丼，仲有小食及飲品～以白色為主調，設計簡約，環境唔算大，但有幾張較大既雲石高枱好啱打卡～❀ 角切魚生丼 🐟好豐富既丼飯😍 有三文魚、吞拿魚、油甘魚、牛油果及蟹子，上面仲有隻生雞蛋，賣相好吸睛✨ 魚生幾新鮮，蟹子份量又多，口感好豐富，配埋蛋汁令味道更香滑～❀ 香煎頂級牛肉配海膽丼 🐮一片片粉嫩既牛肉鋪滿係飯上，面頭仲有海膽，好足料✨ 食落牛味濃郁，煎得香口，幾有口感。海膽夠creamy而且唔會腥，配埋燒肉汁撈飯食唔錯，如果多點醬汁會更加惹味❀ 日本雞軟骨棒餃子 🥟有四件餃子，外皮煎得香脆，會食到粒粒雞軟骨，好有口感😋 旁體仲有椰菜絲配胡麻醬，清新爽口❀ 玫瑰荔枝梳打 🌹依間既飲品真係好啱打卡📸 紅色漸層色加上乾花裝飾，杯面上仲有一支荔枝串串，好靚💕 飲落有香濃荔枝味，亦有玫瑰花香，啖啖都食到荔枝肉，酸酸甜甜，清爽解膩❀ 紫薯鮮奶 🍠賣相都好吸引😍 紫薯味突出，仲有食到紫薯粒粒，配埋牛奶味道好夾，唔會太甜膩👍🏻

厚福街一向出名多野食，有日見到開左新野，門面幾吸引，就入左去食😂 牆身同枱都係好hit嘅雲石紋，都幾有feel~ 落左單冇耐好快就有野食lu😍✨慢煮黑豚盛丼 - 賣相唔錯，都幾多塊黑豚，啖啖肉，仲有隻流心蛋，口感好滑😋✨香蔥頂級牛肉配鵝肝丼 - 鵝肝都算大塊煎得幾香口，牛肉火喉把握到，應該around 7-8成熟，幾juicy✨日本雞軟骨棒餃子 - 本身我自己有d怕好大粒嗰d雞軟骨，不過呢個餃子做得好好，好易咬，味道唔錯！✨茉莉花鮮奶 & 紫薯鮮奶 - 簡直係充滿少女心，勁靚！味道都好香，唔會太甜夜晚7點泥到都差唔多full, 不過真係值得encore嘅🤩

叫得「肉搏」主打一定要黎食肉啦！新店一定要試左個menu招牌菜先慢煮頂級牛肉盛丼($108/200g)慢煮牛肉望落好似生牛肉咁，其實係煮熟左既～口感軟綿綿咁配搭甜甜地既燒汁，又唔會太重口味。除左燒汁仲有生雞蛋同自家製酸忌廉拌均，味道上好有層次，加上酸忌廉好有特色！呢個丼仲有得揀150g/200g，我同朋友都唔算大食，所以叫左個200g丼加一個小食share日本雞軟骨棒餃子 ($48/4隻)一碟4件，煎得幾靚，皮唔會厚，餡料都好足，食到雞軟骨既口感，點埋醬汁好好食呢間餐廳既特色飲品都非常打卡able，為左打卡既我都叫左杯紫薯鮮奶。本來諗住佢都係普通飲品一杯，但係飲落發現入面有紫薯肉係入面，飲品都幾有誠意，可以打卡得黎又好飲！店入面仲有個小小bar枱位，下次就咁叫杯咁靚既野飲同朋友傾下偈都開心👍🏼