Read full review
2021-08-29
543 views
有落地玻璃嘅餐廳,永遠都吸引到我嘅眼球。搵餐廳時見到銅鑼灣嘅Zeng,二話不說就book左。佢喺一幢商廈嘅30樓,搭𨋢上到去,已經被佢傳統卻又帶點現代感嘅waiting area吸引。果個挑住大紅燈籠嘅石像,立時讓我想起秦始皇嘅兵馬俑。當以為內裡裝修都應該偏向古式古香之際,入到去卻完全係另一種感覺。裝修以海藍色、深啡色、米色為主,配上柔和嘅黃色吊燈以及幾何圖案嘅裝飾,感覺好有格調。可能餐廳主要係俾人飲野傾計,餐桌梳化都比較矮,望落去非常寬敞。兩邊嘅落地玻璃,讓食客可以飽覽銅鑼灣嘅景色。個feel好正呀!侍應禮貌地遞上menu,佢地分別有3 course set lunch同埋6 course deluxe set lunch。我地揀左3 course,湯或前菜五選二,主菜就四選一,價錢只係$148。雖然飲品要另加$18,但喺銅鑼灣區仲要有靚景,我覺得一啲都唔貴。我同朋友都要左南瓜湯同埋香烤巴馬火腿野菌雞卷,主菜方面我揀左明太子卡邦尼意粉,朋友就揀左慢煮四川麻辣三文魚茶漬飯。🍵南瓜湯甜度同埋濃稠度都剛剛好,有好豐富嘅南瓜味之餘,又唔會太漿口。好味~🌯香烤巴馬火腿野菌雞卷雞卷好多地方都有得
佢喺一幢商廈嘅30樓,搭𨋢上到去,已經被佢傳統卻又帶點現代感嘅waiting area吸引。果個挑住大紅燈籠嘅石像,立時讓我想起秦始皇嘅兵馬俑。
當以為內裡裝修都應該偏向古式古香之際,入到去卻完全係另一種感覺。裝修以海藍色、深啡色、米色為主,配上柔和嘅黃色吊燈以及幾何圖案嘅裝飾,感覺好有格調。可能餐廳主要係俾人飲野傾計,餐桌梳化都比較矮,望落去非常寬敞。兩邊嘅落地玻璃,讓食客可以飽覽銅鑼灣嘅景色。個feel好正呀!
侍應禮貌地遞上menu,佢地分別有3 course set lunch同埋6 course deluxe set lunch。我地揀左3 course,湯或前菜五選二,主菜就四選一,價錢只係$148。雖然飲品要另加$18,但喺銅鑼灣區仲要有靚景,我覺得一啲都唔貴。我同朋友都要左南瓜湯同埋香烤巴馬火腿野菌雞卷,主菜方面我揀左明太子卡邦尼意粉,朋友就揀左慢煮四川麻辣三文魚茶漬飯。
🍵南瓜湯
甜度同埋濃稠度都剛剛好,有好豐富嘅南瓜味之餘,又唔會太漿口。好味~
南瓜湯
6 views
0 likes
0 comments
🌯香烤巴馬火腿野菌雞卷
雞卷好多地方都有得食,但用烤左嘅巴馬火腿包住,內裡再釀入野菌蓉,呢個做法好少見,而且味道非常夾。尤其雞肉煮得好軟林,一啲都唔柴。上面再加上一片綠葉同打成泡沫嘅汁去裝飾,成個presentation唔同晒,睇得出係用心之作。
香烤巴馬火腿野菌雞卷
6 views
0 likes
0 comments
🍝明太子卡邦尼意粉
意粉雖然賣相一般,但卻煮得非常Al Dente,唔會太硬又唔會太林,呢個真係好多餐廳都未必做到。個汁好creamy,又有好濃嘅芝士味,配上雜菌同埋上面嘅七味粉,有口感得黎仲有丁點兒辣勁,十分不錯。而且份量好多,男士都一定夠飽。
明太子卡邦尼意粉
10 views
0 likes
0 comments
🐟慢煮四川麻辣三文魚茶漬飯
朋友話麻辣cross over 茶漬飯好少見,所以要試吓。三文魚相對比較生同埋淡味,麻辣汁只係小辣程度,味道可以,絕對對得起呢個價錢。呢個適合只食到少辣嘅我,而且個三文魚望落色澤好靚,有機會我都要試下!
慢煮四川麻辣三文魚茶漬飯
8 views
0 likes
0 comments
Cappuccino
8 views
0 likes
0 comments
雖然今日落雨,欣賞唔到藍天白雲,但坐喺靠窗嘅位置,睇住大大小小嘅雨點打落窗上,卻又有另一番味道。可能由於係平日關係,lunch time 都唔多人,最適合想靜靜地傾計嘅朋友。
佢另外仲有室外位置,遲啲秋涼碰上好天氣,坐喺出面同朋友邊談天說地,邊享受美食,一定更賞心樂事。呢度絕對係一個我會再黎嘅地方!
Post