壽司郎 (瓊華中心)

Open Now

Now Closed

一月份嘅期間限定係「とろ祭り」拖羅盛宴，有唔同食材嘅拖羅食。 今次揀左去旺角店，旺角即係旺角，完全係爆炸地多人，下次都係去返另外果啲店。其實拖羅就唔係剩係吞拿魚嘅～ 不過第一件事都係食左 厚切天然藍鰭大呑拿魚腩 同埋 極上厚切長鰭大呑拿魚腩 先～ lol 以佢呢個價其實真係無投訴，特別係藍鰭 真係抵食。 大盛天然黑鮪蔥花吞拿魚海苔包， 我一向都麻麻地佢地嘅海苔包，但係呢個算係幾好。大切日本產油甘魚腩，呢個都好食，好肉地油感都夠。梳乎里海鰻，呢個就有點兒太油，啲油多到滴落隻碟度。炸水牛芝士， 一貫壽司郎炸物嘅有水準，但係好少細份左啲明太子忌廉烏冬，有驚喜。 濃厚湯底，微辣紫蘇香熱辣辣食得過癮～今個月 MVP 反而係 焙茶和風芭菲，佢地甜品一向出色都係，呢個真係令人更加掛住日本。

每個月都好期待壽司郎更新期間限定, 今次就係拖羅盛宴, 不過最吸引我都係焙茶和風芭菲講咗拖羅盛宴嘅主題壽司先啦, 厚切天然藍鰭大呑拿魚腩 / 極上厚切長鰭大呑拿魚腩 / 大盛天然黑鮪蔥花吞拿魚海苔包, 呢三款都夠魚油香熱食都唔錯, 炸水牛芝士有拉絲好食又好玩, 只係份量較少, 明太子忌廉烏冬好濃厚creamy, 鹹鮮嘅明太子加埋紫菜同紫蘇剛剛好大切日本產油甘魚腩冇失望, 反而梳乎里海鰻就油膩咗D, 不過都真係有空氣感嘅焙茶和風芭菲 - 綠茶、焙茶、黑糖、黃豆粉蕨餅, 最夠和風而且不敗組合嚟咗幾次都未試過酒精飲品, 就試埋梅酒同highball, 中規中矩但太多冰忌廉芝士鰻魚 - 味道合乎預想, 特別在粒芝士一碟跌係碟, 另一碟直情唔見咗, 當然店員都有重新換上, 唔知有冇更好方法令壽司完整D唔記得呢舊炸魚係咩名, 但外形同口感都好似炸雞皮, 可以SKIP呢2款不過不失, 唔試冇損失