波記(大排檔) (Closed)

中環一帶有很多非常有特色的食物。有如盛記吃小菜，有如裕興吃餐蛋治，有如水記吃牛雜粉麵，每一間都是有水準而且有特色。波記是另一間我很喜歡的鋪頭，有很多的粗獷的男性選擇如豆腐火腩飯，乾炒牛河，也有溫文的女性選擇如涼瓜排骨飯，廈門炒米等。今天不想出街吃飯，於是便叫了很久沒吃的星洲炒米。星洲米外表很精美，大大碟把外賣盒都放滿了。它沒有彷間般鮮豔得不行的黃色，反而是淡淡的有別於其他樣貌。味道卻一點也不淡，有鑊氣得很，基本上每一條米都是在那個鑊上滾得不行，味道很好，而且配料多，二十八元在中環來說是一個極佳的選擇。

星期六要返工，初初晌中環返工，中午一個人食飯，好等我周圍搵下食先。沿住威靈頓街斜路上，一路都有好多好野食，蓮香樓呀，餐廳呀，等係一個人又要開工，都係搵啲"速食" 先。突然，聞到一陣鑊氣，又見橫街有個阿姐話"食飯呀，有位喎"，仲要係大排檔，一定唔會貴啦，好就試下先。一坐低，阿姐遞個餐牌埋黎，睇左一下，好今日就要"星洲炒米"啦望下周圍，佢都好似好有歷史下，有好多街坊啦，工人晌度開餐，因為係街邊大排檔形式經營，冷氣呀，裝修呀，一切欠奉，好彩今日天陰。見住個廚師，唔使幾分鐘就整好在星洲炒米，送到枱上，香氣撲鼻，好等我試一試先。佢呢個炒米材料有火腿絲，蛋絲，銀芽仲有洋蔥，無加青椒，香味都好多夠，由於炒米關係，師傅落油都重手啲，食完之後，成個碟底都係油。米粉唔會太淋，一夾就散。整體來說，不過不失啦。由於要開工的關係，食完就急急起身返公司喇，誠惠 26 元。