波記(大排檔) (Closed)

星期六要返工，初初晌中環返工，中午一個人食飯，好等我周圍搵下食先。沿住威靈頓街斜路上，一路都有好多好野食，蓮香樓呀，餐廳呀，等係一個人又要開工，都係搵啲"速食" 先。突然，聞到一陣鑊氣，又見橫街有個阿姐話"食飯呀，有位喎"，仲要係大排檔，一定唔會貴啦，好就試下先。一坐低，阿姐遞個餐牌埋黎，睇左一下，好今日就要"星洲炒米"啦望下周圍，佢都好似好有歷史下，有好多街坊啦，工人晌度開餐，因為係街邊大排檔形式經營，冷氣呀，裝修呀，一切欠奉，好彩今日天陰。見住個廚師，唔使幾分鐘就整好在星洲炒米，送到枱上，香氣撲鼻，好等我試一試先。佢呢個炒米材料有火腿絲，蛋絲，銀芽仲有洋蔥，無加青椒，香味都好多夠，由於炒米關係，師傅落油都重手啲，食完之後，成個碟底都係油。米粉唔會太淋，一夾就散。整體來說，不過不失啦。由於要開工的關係，食完就急急起身返公司喇，誠惠 26 元。