Grill ขุนทอง (和安里)

Open Now

Now Closed

同老公落左蘭桂坊附近，經過被烤肉味吸引住。一入已座滿哂人，幸好角位有2個位。串燒菠蘿勁大粒勁多汁勁甜，仲好新鮮。魷魚鬚好吸引，一串都好多鬚，爽口唔靭，好惹味。牛仔骨勁Juicy，濃味滑嫩有機露筍甘樣燒都唔錯，幼嫩。白鱔燒得唔乾身，但細件左。泰式串燒配燒飯及雜菜串燒係雞、豬、牛，同單叫串燒既份量一樣，肉嫩。炒飯內有豆角、香葉，辣椒仔等炒，味道可以。配既沙嗲醬，好好味。泰式酸辣鳳爪沙律都幾大份，對我黎講好辣，但我食唔停仲食哂。泰國生啤🍺龍眼冰我發覺生啤好解辣，一定要飲，唯一不足係唔夠凍。

之前放假路過蘭桂芳見到呢間串燒店，見佢就算要爬斜路都人頭湧湧，挑起咗我嘅好奇同興趣。今日放工啱啱嚟到呢頭，一於入去試吓先。香港好多泰菜餐廳都有串燒供應，但都不外乎係豬，牛，雞。呢度就唔同喇，選擇都有好多，對於有選擇困難症嘅人嚟講，最好就梗係通殺！不過以惜食為大前題，最後精選咗五肉二菜： 大花蝦，無呃你架，真係jumbo size！燒蝦平時泰菜館少見，呢度燒到啱啱好，食落爽脆甜，好味！ 再嚟多款海鮮：白鱔。無去錯日本餐廳喎，泰菜竟然都有燒白鱔食，真係令人喜出望外！咬落彈牙有魚油香，差啲想encore多支！ 食串燒無可能唔叫豬頸肉。豬頸肉啲人成日整到厚切，結果咬落去永遠搞到成口油，肥膩到爆。但係呢個串燒就唔絕對會喇，個肉切得厚薄適中，甘香脆口，完勝！ 再嚟一個燒牛仔骨，特別之處在於咬落啖啖香茅味，好清新！呢啲真係泰式燒烤先做到嘅好味道！ 最後係雞翼，唔好以為「喂，雞翼啫，有乜咁特別喎？」燒雞翼燒到香口之餘仲要咬落肉汁爆出，唔易架！嗱，呢度就做到喇！ 食咗咁多肉，嚟兩個燒菜中和吓先。分別有燒有機露筍同有機粟米。燒得啱啱好，一啲都唔乾，食得出啲菜夠新鮮。 意猶未盡，但又食夠串燒，點算呢？好彩呢

之前對呢間Grill都略有所聞，今晚就嚟食下。佢係外賣為主，堂食就只有立食位，見到隔離舖晌度裝修緊，原來都係屬於呢間餐廳，而且設有座位，即係話下次再嚟食串燒嘅話就可以坐入去食喇。串燒款式有十五款，其中肉類比率佔咗五分四。原本我哋係想晌度食，不過因為有啲特別事，唯有改為外賣。拎到返去時串燒已經凍咗，我哋就用微波爐略為翻熱先食。串燒大部份都係用香茅等調味，單食都夠味，亦可蘸佢哋提供嘅醬汁嚟食。牛仔骨，肉有油香。魷魚鬚，都幾彈牙。白鱔，魚皮有焦香，肉嫩滑。豬頸肉，爽脆唔癡牙。雞肉，都算鬆化。牛肉，唔知係咪同我哋自己翻熱有關，肉質變得唔易咀嚼。菠蘿，基本上係不敗嘅燒物，甜香多汁，又可消滯。有機露筍，脆口無渣。一向鍾意蘸醬嘅我見佢哋有多達十款醬汁，確係非常期待，以為可以自己揀，原來係由佢哋依串燒類別嚟發放。試咗其中七款：泰式紅雞醬，甜甜哋，相對起嚟比較常見。青咖哩醬，微辣，比黃咖哩更香更惹味。沙嗲醬，清楚睇到香葉、辣椒同花生碎。芫茜酸辣醬，有頗多芫茜、辣椒同蒜蓉，非常有辣勁而持久。烤牛肉醬，入面有辣椒同香蔥，帶啲辣度。青辣椒醬，青辣椒再加蒜蓉，辣而酸香。黃咖哩醬，以甜香為主。呢次試過嘅串燒之中我

Happy Friday，有朋友收夜，所以將晚飯時間延後，但太肚餓的緣故，忍不住先食幾串串燒醫肚。Grill主打泰式串燒，以外賣為主，門外放有幾張枱櫈供客人即場享用。店內採用open kitchen 設計，隔住塊大玻璃就可以看到廚師密密燒串物。串燒款式有15款，我喜歡吃辣，所以落單時，可表明燒的時候加辣。正所謂燒雞翼，我自細鍾意食。食串燒，似乎不能不點雞翼。雞翼燒得焦香，表面鋪滿辣醬，熟得剛好，帶點juicy，而且都算醃得入味，不錯。大大舊燒菠蘿很香甜，又帶點微酸，開胃又幫助消化。份量雖然不大，但肉質肥美，魚肉爽彈，好味。幼身而翠綠的露筍很爽口，吃落沒有渣。

與友人經過蘭桂芳，見到一間串燒店，裝潢非常吸引，望入玻璃內有真正燒爐放上不同的串燒，而玻璃以下的外牆用了晃動的火光做screen，正好襯托食物的主題。所以我們決定一於試下，我們一同5人，叫了雞肉，牛肉，豬肉，雞翼，牛仔骨，豬頸肉，魷魚鬚，泰國魚餅，白鳝及有機露筍。由於我們大家都不吃辣，所以醬汁以沙爹醬，泰式紅雞醬&烤牛肉醬為主。一開始先來過沙爹雞，牛 & 豬肉，除了一股炭燒香氣，廚師控制火喉相當恰當，外脆內嫰，簡單的串燒，便試到餐廳甚有水準。 雞翼加了泰式紅雞醬，雞皮燒得微焦，雞肉亦能保持嫰滑，加上少甜及微辣醬汁，更加惹味。烤牛肉醬牛仔骨，肥廋適中，牛肉味香濃，而且非常juicy。豬頸肉微徵的燶，口感爽彈，沾上泰色醬，好味。魷魚鬚，也是必吃，雖然燒得焦香，但咬落的非常軟身，完全沒有韌的感覺，火喉控制非常得宜。白鳝好肥美，外皮香脆，而肉質柔嫰，咬落時還滲出魚油香，不過份量大㸃會比較合理一點。泰國魚餅及有機露筍，魚餅沒有腥味，而且彈牙，而有機露筍爽甜，不會有好乾的感覺。總括來講在這個地區食到咁質數, 而價錢又大眾化的串燒, 真係好抵。

Happy Friday跟寶寶來到中環蘭桂坊Happy Hour。經過德己立街斜路看到一個熊熊烈火的招牌，原來是一間新開的串燒店，反正放工後還未晚餐，於是決定在此先吃點東西。串燒店以外賣形式經營，所以沒有座位。不過店外放了幾張桌子讓客人可以立食串燒。店面的一邊是一塊大玻璃，看到店內擺放著各式各種的串燒，同時亦能讓客人看到廚師忙碌地燒烤的情況。食品選擇不算太多，分開肉類﹑海鮮類和蔬菜類，合共大約10多種。反而醬汁選擇有很多，有辣有不辣的，足足有10款之多。廚師會根據客人點的食物，幫客人配上合適的醬汁。先點了一杯Singha Beer及一枝Apple Cider。店員先幫我們準備了幾種醬汁。個人最喜歡加入蒜頭的青辣椒醬，惹味又開胃。由於各種醬汁都算偏辣，所以不太好辣的寶寶則要求店員給一點沙嗲醬。各種醬汁各有特色，而且同樣香濃惹味，單看醬汁已經覺得這家串燒店誠意十足。大約等了5分鐘左右，店員送上部份串燒。串燒用小紙袋裝著，無論立食或外帶都很方便。菠蘿($20)，清甜多汁。有機露筍($20)，屬於幼身露筍，份量蠻多的。燒過後每條還是很翠綠，一點也不老。雞肉($15)和泰式魚餅($25)。雞肉很

不知是否受哥哥的影響, 與他吃過數次串燒後, 我也越來越喜歡, 近排成日心思思在街頭買返幾串過下口癮, 哈! 剛巧在中環上班的好友發現一間泰式的串燒店, 馬上發Whatsapp給我, 大讚經過已聞到勁香噴噴, 我又怎能抵得住此誘惑, 立即相約齊齊試。由友人帶路, 剷上數段小斜路, 正正在路旁舖位, 極之方便易找。開放式的門口寬敞闊落, 以黑色配紅色為主調, 顏色對比強烈鮮明, 而巨大的店名招牌高高掛起, 艷紅光亮既搶眼亦有火辣感, 設計具代表性。店子內裏設有一張枱子, 街頭擺放了三張圓枱, 只供外賣或立食, 眼看不少食客站在街頭, 一手拿着熱辣辣的串燒, 一手拿着冰凍的啤酒, 吃得津津有味, 相當享受。站在廚窗外看見串串不同款式的串燒整整齊齊排排“企”, 極之吸引, 齋睇已令人垂涎三尺, 還看着店員悉心地把它們逐一燒香, 的確令人難以抗拒, 而廚窗下裝了一塊富動感的火團, 烘烘烈火燒得火熱, 更加吸引。串燒和啤酒絶對是最佳拍檔, 店子設有兩個啤酒冰箱, 除了有不同牌子啤酒外, 還有即製的酒調飲品, 絶對是Happy Hour 的好去處。廚窗前的小枱及收銀處均貼上餐牌, 而收銀處頂頭也安