MR. MAKI (保和大廈) (Closed)

經常有很多人介紹隱世小店，支持小店。位於灣仔交加里51號的 MR. MAKI 鋪位的確比較隔涉。但這間隱世小店卻做出了新鮮美味的壽司卷令我驚喜，而且算是我吃過最美味的飯卷。飯卷和丼飯可以加錢轉餐配搭有皮薯條和番薯條，配搭新鮮，薯條岩晒我口味。壽司卷看似容易，將不同配料捲起，但要整得好味，絕不簡單今次食的兩款壽司卷都加了芝士，帶有韓式風味。進擊的鰻魚 EEL X Crab Stick $75，配料有鰻魚、蟹棒、芝士、牛油果、木魚絲。先生巨無霸 Mr. Big Mad $89，配料有鰻魚、炸蝦、蟹棒、芝士、青瓜、脆趣。轉B餐+$21（有皮薯條, 日式沙律，汽水）轉C餐+$25（番薯條, 日式沙律，汽水）

去開灣仔做嘢，見到vtc附近開咗間新嘅小店，又入去試試新嘢啦，不過因為是日行程比較緊湊，所以就買咗外賣，呢間餐廳呢係可以堂食嘅，都有大概六至八個位左右。今次就叫咗個三文魚轉角遇上蝦嘅套餐，午市時段本身叫完個卷物之後可以加錢轉套餐嘅，分別由三款套餐可以選擇嘅，咁我今次就揀咗加薯條嘅套餐，個套餐除咗半份炸有皮薯條之外，仲會包埋日式沙律同埋汽水，咁今次水晶就揀咗蜜瓜味嘅梳打啦😋😋😋都話呢一個密瓜味梳打都會比較特別👍👍👍 日式沙律呢一個跟餐沙律就不過不失啦，啲菜都新鮮嘅。 三文魚轉角遇上蝦卷物因為水晶唔鍾意食生冷嘢，所以特登叫佢整熟啲畀我，咁廚師都好貼心咁幫我燒熟咗，個三文魚即時燒過都係好嫩口嘅，配埋個炸蝦，口感唔錯，個蝦係即刻炸起嘅，我覺得好脆👍👍👍 有皮薯條（半份）之前都提及過，其實水晶最鍾意嘅就係食粗薯條，仲要係有皮嘅，口感真係完全唔一樣㗎，呢個薯條係即叫即炸，非常之新鮮，正🤤🤤🤤，份量方面，雖然係只有半份，但係都有十幾條👍👍👍 蜜瓜味梳打其實好多日本嘅餐廳都會有呢一款嘅梳打提供嘅，唔算太甜，都幾好飲。 店主話遲啲會推出其他丼飯㗎，好期待呀😻😻😻

今日趕時間，午餐去左呢間位於灣仔既MR. MAKI搞掂，呢度係食日式創意卷物。由於地理位置既關係，好多客都係買外賣，不過堂食都有八個位，我就鍾意即場食多d。餐牌好似同上次黎一樣，招牌卷物寫明約100g飯，基本上有8款，款式名好搞鬼，主要係海鮮，亦有雞肉同素菜。加$15至$20有日式沙律，汽水，再加4件先生炸雞/半份有皮薯條/半份蕃薯條。飲品有水，可樂，零系可樂，日本提子味梳打，日本波子汽水味梳打，日本橙味梳打，日本密瓜味梳打可揀。經典卷物寫明約70g飯，有9款，主要係熟食同素菜。除左卷物，呢度仲有小食，沙律，冷麵，甜品，同飲品。我哋叫左兩個餐。服務員即刻幫你整，整好之後食物用個木盆上。知我咩料 (炸飯薄餅) 吞拿魚拖羅 $59呢個知我咩料有兩款口味可揀，我揀左吞拿魚拖羅，價錢係$59，另一款三文魚蟹棒沙律平$10。知我咩料其實係炸飯薄餅，果然係圓形一塊薄餅用隻紙兜放好咁上枱，一客6件切好左，薄餅底係炸左嘅壽司飯底上面加料整到好似薄餅咁。炸飯睇落同食落都好似薯餅，正到爆炸。炸飯上面首先放左梛菜絲，之後就係多到爆又滑溜嘅吞拿魚拖羅蓉，加左少少辣嘅醬汁，好惹味，唔洗再點豉油同wasabi都得

星期日唔想煮飯，於是出街去左呢間位於灣仔既新鋪頭叫 MR. MAKI食飯。顧名思義， MR. MAKI即係食日式卷物。招牌卷物基本上有8款，餐牌寫明約100g壽司飯，款式都算多同好啱香港人口味。經典卷物有9款，餐牌寫明約70g壽司飯。除左卷物，呢度仲有小食，沙律，冷麵，甜品，同飲品。飲品有日本提子味梳打，日本密瓜味梳打，日本橙味梳打，日本波子汽水味梳打，可樂，零系可樂，啤酒，同咖啡。開業優惠所有卷物配搭套餐加$15至$20有日式沙律，汽水，再加炸雞4件，半份有皮薯條，或者半份蕃薯條。我哋配左兩個餐。食物用個木盆上。魚全部都係魚 $69魚全部都係魚一客八件，用隻紙兜放好。卷物上面係成座山仔嘅吞拿魚拖羅蓉，好滑溜又鮮甜，加左適量沙律醬調好左味道。飯卷外面灑上黑白芝麻粒，入面包住新鮮吞拿魚蓉同三文魚蓉，又係勁滑溜。最後上面灑上好多爽脆蟹子同脆口嘅炸脆趣碎就大功告成。呢款卷物果然係招牌，好好味又有多重口感，唔洗再點豉油同wasabi都得。沙律係生菜片同半粒車厘茄，已經加左柚子醋。個餐包日本汽水好抵喎，日本提子味梳打同日本密瓜味梳打都好飲，蜜瓜少少酸。芒果戀上雞 $59呢款芒果戀上雞係另一招牌。