MR. MAKI (保和大廈) (Closed)

星期日唔想煮飯，於是出街去左呢間位於灣仔既新鋪頭叫 MR. MAKI食飯。顧名思義， MR. MAKI即係食日式卷物。招牌卷物基本上有8款，餐牌寫明約100g壽司飯，款式都算多同好啱香港人口味。經典卷物有9款，餐牌寫明約70g壽司飯。除左卷物，呢度仲有小食，沙律，冷麵，甜品，同飲品。飲品有日本提子味梳打，日本密瓜味梳打，日本橙味梳打，日本波子汽水味梳打，可樂，零系可樂，啤酒，同咖啡。開業優惠所有卷物配搭套餐加$15至$20有日式沙律，汽水，再加炸雞4件，半份有皮薯條，或者半份蕃薯條。我哋配左兩個餐。食物用個木盆上。魚全部都係魚 $69魚全部都係魚一客八件，用隻紙兜放好。卷物上面係成座山仔嘅吞拿魚拖羅蓉，好滑溜又鮮甜，加左適量沙律醬調好左味道。飯卷外面灑上黑白芝麻粒，入面包住新鮮吞拿魚蓉同三文魚蓉，又係勁滑溜。最後上面灑上好多爽脆蟹子同脆口嘅炸脆趣碎就大功告成。呢款卷物果然係招牌，好好味又有多重口感，唔洗再點豉油同wasabi都得。沙律係生菜片同半粒車厘茄，已經加左柚子醋。個餐包日本汽水好抵喎，日本提子味梳打同日本密瓜味梳打都好飲，蜜瓜少少酸。芒果戀上雞 $59呢款芒果戀上雞係另一招牌。