佳記甜品

Open Now

Now Closed

今日我們同好朋友一日遊同食完晚飯之後，我們話想一齊食埋B仔涼粉先走，所以我們就去咗教育路大坑渠側嘅「佳記甜品」食甜品！我們叫咗芒果糯米卷嘅外皮沾滿椰絲，質感好煙韌軟綿，包著大大件嘅芒果肉，真係好正呀！B仔涼粉差唔多係每檯都必叫㗎，因同以前一樣都係咁大盆同都係用多款水果西瓜、哈蜜瓜、蜜瓜、木瓜、荔枝、龍眼、蜜桃、奇異果、香蕉、椰果、蘆薈等等等等⋯⋯堆砌而成，所以賣相非常色彩繽紛吸引，仲有最底層嘅就係涼粉，再加埋啲花奶，食落真係透心涼，最啱而家炎炎夏日嘅天氣食！芒果西米撈嘅表面除咗有啲芒果冰之外，仲有好大「嚿」嘅芒果肉！紅毛丹冰有好多粒香甜大大粒嘅紅毛丹，再加埋香濃嘅椰汁，味道相當夾！木瓜鮮奶嘅木瓜非常香甜，奶味超濃郁，而且有齒頰留香嘅感覺！芒果冰最初落單嗰陣唔知道芒果西米露表面都係有芒果冰，所以變咗好似有啲重複咗咁，但都係一樣好好味！

今晚我們去咗元朗「佳記甜品」大坑渠旁店食甜品！我們叫咗招牌B仔涼粉、爽滑腸粉、忌廉馬豆糕、芒果班㦸、芝麻糊湯丸、木瓜鮮奶同香蕉鮮奶！招牌B仔涼粉咁多年都係咁大盆咁多生果，係我每次嚟食都必點嘅！爽滑腸粉好嫩滑彈牙！忌廉馬豆糕好滑有香濃嘅奶香味！芒果班㦸嘅芒果相當新鮮，一啲都唔酸，有好多忌廉，皮薄餡靚，真係好好味！芝麻糊湯丸嘅芝麻糊味道好香濃，湯丸亦好煙韌彈牙！木瓜鮮奶嘅奶味好濃郁，木瓜亦好香甜！