佳記甜品

Open Now

Now Closed

今日我們同好朋友一日遊同食完晚飯之後，我們話想一齊食埋B仔涼粉先走，所以我們就去咗教育路大坑渠側嘅「佳記甜品」食甜品！我們叫咗芒果糯米卷嘅外皮沾滿椰絲，質感好煙韌軟綿，包著大大件嘅芒果肉，真係好正呀！B仔涼粉差唔多係每檯都必叫㗎，因同以前一樣都係咁大盆同都係用多款水果西瓜、哈蜜瓜、蜜瓜、木瓜、荔枝、龍眼、蜜桃、奇異果、香蕉、椰果、蘆薈等等等等⋯⋯堆砌而成，所以賣相非常色彩繽紛吸引，仲有最底層嘅就係涼粉，再加埋啲花奶，食落真係透心涼，最啱而家炎炎夏日嘅天氣食！芒果西米撈嘅表面除咗有啲芒果冰之外，仲有好大「嚿」嘅芒果肉！紅毛丹冰有好多粒香甜大大粒嘅紅毛丹，再加埋香濃嘅椰汁，味道相當夾！木瓜鮮奶嘅木瓜非常香甜，奶味超濃郁，而且有齒頰留香嘅感覺！芒果冰最初落單嗰陣唔知道芒果西米露表面都係有芒果冰，所以變咗好似有啲重複咗咁，但都係一樣好好味！