Video
Read full review
2023-11-24
3842 views
🧡❤️💛不時不食 Omakase🥢今次食嘅依間日料，係提早咗成個月book🥺因為佢哋長期full booking，好彩都俾我book到！每個月都會由長本先生親自擬定菜單，不時不食，就係要食當季美食！由前菜到甜品 每一道菜都感受到當中嘅用心！😚❣️SHUN Menu❣️ $2680/ppl每道菜品都會由店員耐心講解，俾每位食客更佳嘅體驗😌菜式配搭有傳統嘅又有新穎，有啲似經典樂曲crossover流行曲咁，副歌嘅部分就係欣賞師傅嘅烹調，柔和嘅燈光 舒服嘅位置，就座後就係樂曲嘅開始！🥰🤍先付🤍 炙燒帆立 舞茸 魚子醬 指橙炙燒後嘅帆立貝，入口鮮甜，搭配魚子醬嘅鹹香，😚顆粒狀嘅指橙果肉，會帶少許酸甜口，令味道更有層次🍊🩵煮物碗🩵 鹽烤甘鯛魚 小蕪小蕪就係圓潤純白色球型根莖類植物，汁水飽滿 味道清甜😌有啲似白蘿蔔，不過依個就再清甜啲！煮物中有甘鯛魚、小蕪，整體味道又鮮又甜，依個天氣飲埋湯 真係好暖胃🥰🩷造里1🩷 本日刺身 金目鯛 真鯛 魷魚 北海道馬糞海膽 松子醬油兩款都係鯛魚，不過細嘗就會知味道各異😙 金目鯛魚油比較豐富甘甜，而真鯛肉感明顯，鮮甜！沾上少少松子醬油，又有另一番風味🥢刺身又點止魚呢？將
不時不食 Omakase🥢
今次食嘅依間日料，係提早咗成個月book🥺因為佢哋長期full booking，好彩都俾我book到！每個月都會由長本先生親自擬定菜單，不時不食，就係要食當季美食！由前菜到甜品 每一道菜都感受到當中嘅用心！😚
❣️SHUN Menu❣️ $2680/ppl
每道菜品都會由店員耐心講解，俾每位食客更佳嘅體驗😌菜式配搭有傳統嘅又有新穎，有啲似經典樂曲crossover流行曲咁，副歌嘅部分就係欣賞師傅嘅烹調，柔和嘅燈光 舒服嘅位置，就座後就係樂曲嘅開始！🥰
SHUN Menu
$2680
59 views
0 likes
0 comments
🤍先付🤍 炙燒帆立 舞茸 魚子醬 指橙
炙燒後嘅帆立貝，入口鮮甜，搭配魚子醬嘅鹹香，😚顆粒狀嘅指橙果肉，會帶少許酸甜口，令味道更有層次🍊
先付
135 views
0 likes
0 comments
🩵煮物碗🩵 鹽烤甘鯛魚 小蕪
小蕪就係圓潤純白色球型根莖類植物，汁水飽滿 味道清甜😌有啲似白蘿蔔，不過依個就再清甜啲！煮物中有甘鯛魚、小蕪，整體味道又鮮又甜，依個天氣飲埋湯 真係好暖胃🥰
煮物碗
64 views
0 likes
0 comments
🩷造里1🩷 本日刺身 金目鯛 真鯛 魷魚 北海道馬糞海膽 松子醬油
兩款都係鯛魚，不過細嘗就會知味道各異😙 金目鯛魚油比較豐富甘甜，而真鯛肉感明顯，鮮甜！沾上少少松子醬油，又有另一番風味🥢
本日刺身
140 views
0 likes
0 comments
刺身又點止魚呢？將北海道馬糞海膽搭配魷魚食，奶油嘅口感又帶點韌性，好特別🤣顏色上配搭都好誘人！
本日刺身
66 views
0 likes
0 comments
🧡造里2🧡 本日刺身 赤身 中拖 蛋黃醬油漬 紫蘇花 松子醬油
依款嘅刺身比較重口，但深得我心！赤身 中拖都帶有魚油香，蛋黃醬油漬令味道豐富有層次！🐟
本日刺身
73 views
0 likes
0 comments
❤️八寸❤️ 長芋配紫薯肉糜 銀杏 麵筋 菊花鯖魚壽司
藝術般擺盤，中間有銀杏葉嘅落入，令人感到秋意滿滿🍂長芋配紫薯肉糜，紫白交錯賣相吸引，口感軟糯好特別！菊花鯖魚壽司呈半圓柱體，結實飽滿🍣旁邊有個甜薯，食落好滋味！🍠
八寸
76 views
0 likes
0 comments
八寸
145 views
0 likes
0 comments
八寸
79 views
0 likes
0 comments
🤎強肴🤎 壽喜燒涮和牛 鵪鶉蛋
當店員向我哋展示是日和牛嘅moment，我就知道！係時候了！🤩是日和牛係A5宮崎和牛，以shabu shabu 形式煮成，再加入日式燒汁同埋紅酒汁🍷，倒上溫泉鵪鶉蛋，入口先係蛋黃液香，🥚再到和牛油脂香 食多幾啖就有日式燒汁同埋紅酒汁慢慢滲出，香甜美味！🥩
強肴
32 views
0 likes
0 comments
💛鉢物💛 油炸胡蘿蔔魚糜 菱蟹 菊葉天婦羅
油炸胡蘿蔔魚糜有啲似小南瓜🎃又有啲似小燈籠🏮，喺射燈下睇 好似發光咁！有啲似綿花糖加魚蛋嘅口感，味道就係胡蘿蔔加鮮甜嘅魚肉！菱蟹肉非常鮮甜細膩，食得岀好新鮮！🦀
鉢物
25 views
0 likes
0 comments
💜食事💜 穴子蒸壽司 菇菌稻庭烏冬
壽司食得多，蒸壽司都係第一次食！依個賣相就有啲似糯米雞，用葉包住啲飯😆不過依個就係用珍珠米，份量十足又有米飯香！穴子肉質細膩，甘甜可口！倒上三文魚籽，味道更鮮！🍚
食事
54 views
0 likes
0 comments
菇菌稻庭烏冬更增加飽腹感 滿足感！烏冬扁幼身、麵質滑溜易入口！🍜
食事
38 views
0 likes
0 comments
💚甜品及抹茶💚 時令水果 和菓子 抹茶
水果嘅環節就係由白酒啫喱、麝香提子、巨蜂果凍、香梨、紅莓組合而成！🍇果香滿滿，白酒啫喱又唔會掩蓋住水果味道，反而雨露均沾地令水果帶有白酒香甜微醺感！🥂
時令水果
43 views
0 likes
0 comments
每月和菓子都唔同，今次就係粟子和菓子🌰特別之處在於整粒都係細膩綿密嘅粟子蓉，工序繁複，感受到師傅嘅用心！食落口仲有微微嘅白蘭地味，帶一啲刺激感🥰一邊食和菓子再搭配抹茶，以香濃嘅抹茶作尾聲都唔錯！🍵
甜品及抹茶
53 views
0 likes
0 comments
依度嘅環境日系 燈光柔和，伴隨住店員溫柔細心嘅講解，成個Omakase 都有好好嘅體驗！😚既然每個月都唔同，唔知下個月係點呢？BTW記得save post，方便向店員查詢有關Omakase啦❣
📍NAGAMOTO長本
📍中環安蘭街18號8樓
Post
