仙后餐廳 (Closed)

/ 同同事都係軒公既Fans，所以一直都好想去佢開既仙后餐廳食個靚飯，順便打下卡📸🥰！餐廳分為兩個部分，有Bistro Area同埋Fine Dining Area，我地今次揀左小酒館(Bistro Junon)果一邊，呢邊收費會平d，但照樣都有歌聽🎼同同事揀左晚市套餐，仲加左8隻法國生蠔🦪(每人4隻)😋😋😋法國生蠔🦪 $180 for 4隻 (晚市套餐優惠價)雖然唔太大隻，但我地覺得都唔差，好鮮味👅👍🏻頭盤：雞肉凱撒沙律配陳年巴馬芝士，香碎麵包粒🤤好好食😋，好開胃！另一個頭盤係青蘆筍，糖心雞蛋及荷蘭汁，呢個我地就覺得一般，唔係太吸引！然後到個湯，都幾出色😻但已經唔係好記得係咩湯，只係記得好好飲🙈再黎就到主菜啦👀本身個人好鐘意食帶子😻，所以揀左蒸北海道帶子，柚子胡椒海鮮忌廉汁✨呢個配搭真係好新鮮，好特別，好好味😋最後就到甜品，我地分別揀左朱古力及榛子慕絲配可可雪糕，同埋法式千層酥配吉士打醬及焦糖核桃！兩個甜品都各有千秋，都好食🤤，(不過朱古力就會甜左小小)今次仙后餐廳真係好正，員工服務態度超好，野食都好好食，而喺食晚飯途中都有表演聽，表演者仲會同我地客人有好多既互動，令到成個感覺都好放

今年anniversary晚飯，到仙后朝聖一下。晚上七點已經全場滿座，意料中事。喺懷舊華麗嘅環境、現場鋼琴伴奏同歌聲下，滿心期待美味。但估唔到兩道頭盤已經有伏味！既然餐廳咁好生意，食材嘅流轉速度應該夠快，而沙律菜係一間西餐廳嘅基本，點解都可以唔新鮮，就好似我喺屋企雪櫃擺咗三四日仲未食嘅沙律菜，唔再爽脆鮮甜，更加有啲韌，而且仲係好室溫，唔係嗰種係蔬果格拎出嚟一陣之後嘅 chill chill 哋微冷口感。至於另一道頭盤嘅醃魷魚，並唔係每嚿魷魚都沾上微酸嘅醃汁，有一兩嚿甚至同白烚冇乜分別，但配返旁邊嘅醬料都算「有味道」，但好明顯魷魚係雪藏貨，冇鮮味、唔爽口。是日餐湯係蕃茄凍湯，配上陳醋汁吊味，入口令味蕾醒一醒，加番啲分數。但湯裡面嘅蕃茄，皮好厚，𡁻落好多渣。好彩，餐包嘅酸種麵包幾好食，refill咗兩轉，補返啲分！終於到主菜，「金磚」脆豬手，有驚喜，其實係將燒德國鹹豬手去骨切件，再醸入炸成一條大春卷，外脆內裏充滿肉香嘅口感同味道好好，而且伴碟嘅青椰菜薯蓉好幼滑，青得好有清新嘅感覺，呢味好ok！但另一道主菜 鱈魚配蜆味忌廉汁及香蔥醬 (如果佢掉轉寫做忌廉蜆汁，睇落會高級啲)，令人由天上跌返落