寶膳餐廳

Open Now

Now Closed

朋友在這區工作，提及了幾次這間他的同事經常去的西餐小店，前排終於約了她去～原來這間小店的確受歡迎，8pm左右裡面坐滿了，外面還有幾枱客在等。店內職員都好好服務，除定時睇下你有咩需要外，還會用心介紹食物！餐廳內播著舒適西式音樂，感覺好舒服好relax，成間餐廳的格調亦高了。香燒紐西蘭羊架$218有3支架，幾經濟實惠，還可以在落order時告訴店員要幾成熟！店員還會送上芥辣，羊肉煎的嫩香且外皮香脆，慢慢的切來吃，每一口都是享受。😋燒挪威三文魚扒配檸檬牛油汁的三文魚厚厚的，外皮同樣煎得香脆，配上檸檬汁更能帶出魚的鮮味。而最出色及驚喜的，要說是餐廳的甜品了！朱古力心太軟配雪糕的心太軟整得超香，一上碟已聞到好香濃朱古力味。香脆外皮暖暖的，一切下去還有超濃朱古力流心，每一口都是一份滿足☺️法式焦糖燉蛋同樣用心製作，甜香脆的焦糖皮配上滑滑的燉蛋，甜度適中，好滋味😋邊嘆甜品邊聊天，不知不覺間坐到10pm，其他客人都走了。這裡實在值得bookmark下次再來！

好耐冇寫過食評啦，試咗呢間餐廳真係忍唔住朋友一直介紹我去佢屋企附近有一間街坊小店成日都話超好食，成日拎佢啲甜品去引誘我之前有因為正苦嘅限最令兩人一台兩個人食唔到d乜跟住新年前後又好鬼忙呢排得閒少少終於搵多一對couple就去鴨脷洲試吓啦😊四個人可以叫多啲嘢食試吓啦餐廳位置好方便!利東站A1出口向左行唔使3分鐘就到去到8點間餐廳都有八成食客環境舒適 坐低就即刻俾杯水我哋飲吓仲會問我地飲溫水定凍水 認真細心睇見個餐牌好多選擇花多眼亂樣樣都好吸引 💛見到小食有焗田螺即刻叫一客仲有雜菌忌廉雞湯忌廉湯係即叫即做唔係罐頭嘢，超多料田螺鋪滿薯蓉底，超級香，熱辣辣😋小店好細心，先食完小食再上主菜，唔似其他餐廳一次過上晒成枱食物俾你保證新鮮 熱辣辣主菜方面叫咗：炭燒安格斯肉眼扒、香草燒紐西蘭羊架、德國脆皮鹹豬手炭燒安格斯肉眼扒：由於我唔可以食好生嘅牛肉，所以朋友都好遷就我 比我叫咗七成熟炭燒嘅關係，食第一啖已經好加分；牛扒油脂分布好均勻好幼滑！香草燒紐西蘭羊架： 侍應好細心咁問我地要幾成熟 而我地就選擇左5成熟。當羊架上檯時 我地已經聞到有一陣陣炭燒味 詢問之下原來真係用炭燒製作 ，之後我地急不及待即刻

鴨脷洲，除非你喺果度住，唔喺一定好少嚟。其實有咗地鐵之後嘅鴨脷洲已經非常方便，熱鬧不少。今晚就嚟呢度搵食。位於鴨脷洲大街嘅寶膳餐廳，西餐格局，亦有情調。打開餐牌，鋸扒，意粉嘅大路西餐嘢。炭燒美國安格斯肉眼扒 $218 (套餐)網紋加上炭燒香，未食已經對住肉眼扒流口水。五成熟的肉眼扒又腍又juicy，口感鮮嫩，份量又夠多。加配薯條稍粗身，香脆熱辣辣，口感不錯。酥炸軟殼蟹配海鮮番茄忌廉意大利飯 $168除咗大大隻酥炸軟殼蟹，仲有魷魚，蝦，帶子等海鮮襯托，非常豐富。炸軟殼蟹香脆，油膩感不強烈。意大利飯飯粒分明，番茄忌廉汁充份融入飯粒中，鐘意食意大利飯的應該會收貨。香煎法式鵝肝多士 $98大大塊鵝肝煎得香口，入口即溶，連埋下面嘅脆多士，就算再邪惡都會忍唔住會食。朱古力心太軟配雪糕 $68切開心太軟有澎湃又令人看得治癒的流心。熱辣辣心太軟配凍冰冰雪糕，冷熱共融，十分享受。最後以一杯有水準的咖啡作結。