寶膳餐廳

Open Now

Now Closed

Bowis cafe😘😘😘西式西餐廳鴨脷洲大街、順西式西餐廳、店內偏細、座位有限、預約訂位、免等侯😃Dinner set special是曰餐湯⋯蕃茄忌廉湯（清甜creamy)蒜蓉法包🥖(濃香蒜味、金黃香脆）配西餐湯一流👍🏻炭燒加拿大厚切牛仔骨188 厚切加拿大牛仔骨、半尺長、炭🔥燒出油脂、牛仔骨更濃香、厚切肉質細嫩、油花均勻飽🈵、較軟腍！、入口細緻香甜、、味道濃郁😋脆皮去骨咸豬手178 細緻去骨外皮脆卜卜、肉質不太鹹、適合香港人口味！沾點芥末、惹味又滋味！紅酒燴牛尾配雜菌意大利粉$178牛尾炆至軟綿綿、入晒味、陣陣紅酒、清香撲鼻、煙靭有嚼口的意大利飯、配雜菌、飽肚🈵足！芝士彩椒海蝦三文魚焗飯（蕃茄茄汁）158 大大隻海蝦、新鮮肉質彈牙、三文魚、豐富Omega 3、蕃茄汁烤焗、豐富營養價值高、適合大人小朋友👧👦是日甜品紅豆雪糕有雜果點綴、紅豆粒拼雪糕、yummy 😆麵包布甸杯裝款、精緻外層脆口、內軟綿綿、好多粒黑提子乾！鴨脷洲鴨脷洲大街117號地舖港鐵利東站A1出口、步行1分鐘

中午時間去食，原來時間限45分鐘冇講，點解唔早啲同客講，侍應話話餐牌有寫，但係啲字非常非常細，所以完全冇留意，服務態度好差，食物質素同茶餐廳冇分別，價錢吾係便宜，以後真係都唔會再去。

今日星期四，公眾假期，下午1點左右只此一次，沒有下次入到餐廳咁啱有位，年輕男侍應安排我地坐低，然後遞上餐牌。餐廳缺點出嚟啦1。睇緊餐牌時，有個帶帽女店員突然問我地你地自己入嚟坐定有人帶位(自己入嚟坐哩句說話令人唔舒服)，好無禮貌，有店員俾menu我地睇，咁都會自己坐低，好唔細心，其實唔緊要，想客人轉枱可以講得好d，但最後發現佢叫完我地轉枱，話俾3人坐後，其實並非3人坐，係拉開2張枱，俾2台2人既客人坐，咁點解要我地轉門口張枱勁逼，冷氣機又滴水，明明入嚟先。2。出菜安排其中1份套餐跟咗1份餐湯同餐包，1份跟飲品正常情況應該先上餐湯同餐包，我地係食到中途，見隔離枱有餐湯先，所以問店員，佢一上就上2份湯同包，我話我地只係點咗1份，跟著又收番，其實好肉酸，唔睇清楚就出菜，感覺錯晒見到隔離枱客人要跟飯，但又跟咗薯條3。今日係假日，無得加$9要飲品所以問下可唔可以加錢要，一句無架，今日要正價。正價咪正價囉(可以答：可以加，不過今日正價，需唔需要加飲品)4。牛扒其實你叫5成，7成係無分別坐得又逼，味道還好，試過一次就算唯一優點：2個年輕男店員最有禮貌

在鴨脷洲工作了一段時間，每天上班的路上都會經過坐滿食客的Bowls。這天終於約了同事試試這間餐廳。預訂了12PM的枱，到店時已經有幾枱食客。Bowls是港式西餐廳，午市有多款Lunch set和Brunch set提供。另外，11AM-12:30PM及2:15PM-3PM時段用餐可享9折優惠。同事選了咖喱汁香煎魚柳配飯。分量很足，同事說好吃。我選的薄牛扒炒蛋(可選太陽蛋或炒蛋)配熱香餅，非常豐富港式牛扒煮得剛好，腍身但仍有口感。調味亦適中，不會過鹹。炒蛋嫩滑，熱香餅則是像麥記早餐的熱香餅，好吃即磨咖啡偏苦Bowls的CP值高，午市和早午餐套餐的分量豐富、味道很好，難怪經常見到餐廳外出現人龍。

街坊平民西餐廳鴨脷洲大街，就好似一個迷你西貢咁，最難得嘅係呢度好多小店，連鎖食店唔多食嘅係一種街坊情懷，人情味，最緊要係價錢公道喺鴨脷洲大街西餐廳不多呢晚六七點嚟到已經有幾台客坐喺度食緊相信係好多街坊食開嘅飯堂雖然係小店，但係餐具擺放亦都有講究細節位可以睇得出佢係用心做嘅餐廳夜晚加少少錢就可以轉套餐變成四度菜，包括餐湯，主菜，甜品，飲品百零蚊一個人已經有一個4 course set晚餐輕輕鬆鬆又一餐焗飯天花牛扒朱古力雪糕麵包布甸

九龍人甚少去鴨脷洲，難得一場嚟到，當然要幫襯下呢度嘅著名良心店 Bowls Cafe。先嚟餐湯，今日係南瓜忌廉湯，我一向麻麻哋南瓜，因為覺得太甜，呢度嘅南瓜忌廉湯就冇呢個問題，唔太甜之餘仲飲得到南瓜蓉，非常高質。蒜蓉包都好食，又脆蒜蓉味又濃。主菜我揀咗軟殼蟹蕃茄海鮮意大利飯，呢個又係好正，risotto 煮得啱啱好唔會太腍，醬汁蕃茄味濃郁但又唔會好酸，飯入面仲有份量唔少嘅雜菇同海鮮粒，令到每啖飯都好豐富好滋味。至於面頭隻軟殼蟹呢，就估唔到會咁大隻，大隻嘅好處係肉比較多，但就冇出面啲炸得咁脆，我就覺得好 OK 啦。最後甜品係麵包布甸，呢個又係勁正，唔太甜，肉桂味同蛋味都好濃，好好食。嚟多杯即磨咖啡，就係超圓滿嘅一餐🥰。

數數手指，原來幫襯咗寶膳都好多年，次次黎到鴨脷洲食晏，都會黎食佢呢個好抵食嘅西冷，以我記得～佢咁多年都保持喺大約呢個價錢㗎😚！餐廳由老闆親自打理，服務周到，環境都衛生，裝修都有特色嘅😄～呢度鋪仔細細，大約得10零張枱，所以成日都排長龍，係坐得迫少少啦😳⋯不過勝在上菜速度快，我見佢都不停番枱～如果唔想排隊，可以早啲開始食，12:50前離座，或者2:15後入座，仲有九折添🤪✨燒紐西蘭西冷牛扒🥩 $98牛扒我揀咗五成配黑椒汁，成塊手掌咁大嘅牛扒燒完都保持到個肉汁，軟硬度適中，唔會係用鬆肉粉拿到啲肉淋晒嗰隻，$98食到呢個水準，絕對冇得輸😍✨炸魚柳薯條🍟 $88個魚柳調味都唔錯，啲肉就算炸完都唔會好鞋身，薯條就正正常常😌～不過而家個魚柳得頭同尾係脆嘅😮‍💨，如果中間可以再炸得脆啲～就perfect 喇😗✨熱即磨咖啡☕️咖啡味好香濃😍～唔使加錢就可以試到老細親自調配咖啡豆沖嘅咖啡～大家有機會真係要試吓🤩CP價：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🧸🔖 #寶膳餐廳 (鴨脷洲) @bowlscafehk📞 28701588🔍 鴨脷洲鴨脷洲大街117號地舖#k_razyfoodie

街坊們推介嘅西餐廳，沒有提早預訂，所以早少少到大約6:30左右，都唔洗等好耐就有位，再遲少少可能真喺要排一排隊。叫咗個炭燒肉眼同德國豬手，講真我地兩個人真喺食唔哂，豬手喺好脆卜卜，都好大年夾抵食，碎上先$200唔洗，其實比較適合三四個朋友share食，兩個人食真喺有啲heavy。另外個肉眼都唔錯，口感適中，燒出嚟都好有炭香味，都真喺大大塊，好抵食。但其實佢個蒜蓉包先喺最有驚喜，成個包都好脆，加上佢嘅蒜蓉調配得好香，我個人特別喜歡。

在鴨脷洲大街很難找到素食寶膳就有一個set係素食佢地會定期轉餐牌我依個係西蘭花青醬意粉一如既往咁好食，不過係油左d之前仲有食過菇嘅同蕃茄嘅意粉唔食素嘅都唔洗擔心，餐牌上大部分都係有肉嘅食物目測最多人叫嘅係牛扒！都好大份，女仔應該食唔哂午市套餐包湯/飲品，加$9就有哂湯和飲品如果唔想加錢嘅一定要叫湯！湯會跟蒜蓉包！好好食不過午市都幾多人食，要早啲去先會有位晚市就要book定枱！最後希望小店可以繼續做得到落去

適逢星期六保膳轉餐牌，落左去睇下有咩食！見到餐牌吸引，即刻同屋企人入左去食。果到啲店員好nice同細心，見到你唔夠水會主動幫你refill! 寶雲酥羊架 ($188)用咁既價錢食到心機菜真心抵！果羊架面頭既bread crumb焗到好脆！一切入去係煮到岩岩好既medium well,肉質好嫩好juicy! 食羊架一定唔可以唔request佢俾薄荷醬🌱，可以中和肉既肥膩！好refreshing, what a guilty pleasure! 一定要試。而且都有幾舊rack! 份量夠。配菜都唔差！漁夫海鮮意粉 ($168 VIP)一直都鐘意食佢地既意粉。每條意粉都有蕃茄汁掛汁，而且有啖啖蕃茄蓉，唔會死甜同酸，岩岩好。而且啲海鮮種類好多，有蝦，墨魚圈，魚柳，青口，帶子👍🏻 一次滿足晒鐘意食海鮮既我！仲有蘑菇同沙律菜，唔怕冇菜食。煙三文魚田園沙律 ($138)媽咪想食啲light既野。就叫左田園沙律配黑醋汁。啲黑醋汁配埋羅馬生菜同火箭菜好醒胃！keep住唔錯既發揮。份量都夠3人share!煙三文魚都唔差，唔會好鹹！如果多幾塊煙三文魚仲好👍🏻 擺盤都好靚。總而言之，佢既菜式味道絕對對得住價錢！

今天我來到了一家西餐廳，點了他們的招牌菜鴛鴦扒飯。整體來說，這道菜讓我印象深刻，口感非常不錯。首先，我非常喜歡這道菜的蔬菜。蔬菜非常新鮮，色澤鮮豔，口感清脆，非常開胃。另外，肉質也非常鮮嫩，每一口都能感受到肉汁的鮮美。最令人驚艷的是米飯，它非常好嚼，而且每一粒米飯都散發著香氣，讓人垂涎欲滴。除了美食，這家西餐廳的環境也非常棒。餐廳裡充滿了輕鬆的外國氛圍，讓人感到非常舒適和放鬆。餐廳的裝修也非常精美，讓人感到非常愜意。總的來說，這道鴛鴦扒飯的口感非常不錯，而且環境也很有輕鬆的外國氛圍。哎呀，我會覺得如果你想品嚐一道美味的西餐，這家餐廳是一個非常好的選擇。

今次黎鴨脷洲唔再食艇仔粉，反而try try區內馳名抵食既西餐寶膳餐廳。餐廳喺鴨脷洲大街，不過門面比較唔起眼，搵左一陣先見到。 入到去好cosy，staff全面都好nice！Lunchtime時間都full house，好多都係街坊街里～Menu:同朋友分別揀左<西冷牛扒>同<香煎雞扒>，再加埋甜品<basque cheesecake>，大滿足！<西冷牛扒>質素絕對沒有因相宜的價錢而屈就，7 成熟也不會過靭，也沒有加入鬆肉粉和大量調味，有豐富的肉味，感覺新鮮。<香煎雞扒>轉左黑椒汁，好juicy! 薯菜有紅蘿蔔，好甜！Cheesecake係原個上，有啲細個，同埋冇流心效果，少少失望><! So far好滿意呢間餐廳，會再encore！

今晚，和家人一起吃了一頓非常美味高質的西式晚餐，是在這間位於鴨脷洲大街的寶膳餐廳，於利東地鐵站出口，行約一兩分鐘便到了。餐廳內的地方及座位比較狹窄擠迫，這也算是一般小店的特色。我們四人，各自選了自己喜愛的食物， 竟然沒有重複，包括牛雞羊豬，之後又叫了四款甜品，彼此share 來吃，前有餐湯蒜蓉包，後有即磨咖啡，既飽足又滿足。嚐過的食物有：意大利菜湯，味道濃厚，蒜蓉包焗得脆脆的。德國脆皮咸豬手， 皮真的很脆，份量充足， 一口咬下去，感覺到豐富的骨膠原，伴隨的沙律及紅菜頭，都非常美味，吃個清光。炭燒厚切牛脷，牛味香濃，肉質嫩。香煎澳洲T骨羊扒，這是我第一次吃T骨羊扒，微微的羊膻味，近骨的肉最好吃。香草蜜糖燒春雞， 燒雞其實不難吃，不過在其他正餐相比之下，稍稍不及而已。正餐後叫了共上了四款甜品， 分別是：麵包布甸，微微溫暖，口感一流，甜度適中朱古力布朗尼蛋糕伴雪糕球， 朱古力味與雲呢拿雪糕相配合，一冷一熱，絕配甘筍蛋糕， 這是店員特別推介的，起初也沒有什麼的期望，但眾人吃下後，都讚不絕口， 日後有機會一定要重試法式焦糖燉蛋， 這不是我杯茶，但其他人嚐過，均說水準不錯一頓完美又豐富的晚餐，又怎

💛第一次探索呢個區域，就估唔到食到香港數一數二有心機而且超高質西餐😋嗌左個西冷意粉，海鮮忌廉墨魚汁意粉，跟餐就有埋湯，飽加野飲，另外加錢叫左朱古力蛋糕+雲尼那雪糕同埋麵包布甸加曲奇雪糕！個湯既甘筍夠細粒唔粗糙，味道唔會太濃作為starter真係幾好！而蒜蓉飽都係新鮮焗起夠脆夠香，抵讚！海鮮原來係菠菜麵，但賣哂轉左墨魚汁意粉都ok！夠creamy但食到尾都唔會痴住哂，意粉亦有咬口！西冷就係夠牛香味，後尾同老闆傾先知係排爐煎完再用炭爐作坑紋，加強左個燒烤味亦令肉汁鎖得更實！甜品兩樣都即整，夠熱鬆軟而且高質！！會再黎🤤ps.服務都幾好 配合到環境😄

好味小店法式風情用心制作晚餐多選擇二人選了一個個牛扒晚餐加沙律紅酒二佰多元另加一款德國豬手份量非常足再加一款面包布甸出色！小店出色有驚喜二人約四佰多元中等價錢環境舒适又近地鐵站鴨利洲！交通方便有情調！飯後再到海旁散步悠闲之選心情愉快值得推介！