貴花甜糖水甜品專門店 (Closed)

同女朋友約好當日去試試，由於本人係未食過心太軟既關係，真的想試下去到目的地，店舖不大，勝在環境清潔。     女朋友點了綠茶心太軟，我就叫了朱古力心太軟。 朱古力心太軟:一刀切落去，嘩d朱古力流心係咁流出來，我就唔等啦，立即食了。熱烘烘的，蛋糕好好味，朱古力流心食落仲有少少酒，原來內埋仲有酒心，真係超好食囉。 西瓜沙冰就麻麻地了，好淡，無西瓜咪。 所以下次去唔叫飲品了，只食心太軟，因為這裡的心太軟太好食啦，回味無窮啊

前幾日同大o omate 去re u，去左打邊爐，完左等埋其他未join嘅組員想去食糖水，因為係油麻地個邊，唔想行番去旺角咁遠，所以就呢左貴花甜，之前都未食過呢間，意想不到的好好味 因為我好中意食朱古力，見佢個心太軟係有比利時雪糕即刻心郁郁想試，等左一陣，我的比利時雪糕心太軟就黎到啦>< 一切開D朱古力即刻流曬出黎，仲係熱辣辣的，仲有個雪糕好好味，配埋個心太軟一齊食真係冇得彈，下次會再試過

昨晚和朋友看完戲又去貴花甜食甜品，每人叫一樣招牌甜品 share 食。由於近期有雜誌介紹，所以首先點了雪糕好立克冰露。好立克味的冰露味道香濃而且質地比 Starbucks 的 frappuccino 更加濃稠香滑，配上 Dreyers 雲呢拿味雪糕絕對是透心涼的夏日首選。香蕉火焰雪山是我朋友的最愛，今次又再 encore。看見 waiter 點火淋酒上面，未食已經先興奮。最後上枱的是招牌朱古力心太軟，用叉切開那一刻裡面的朱古力漿就馬上湧出來了。剛焗起的朱古力蛋糕配上熱辣辣的朱古力漿和冰涷的雪糕一起吃，一冷一熱充滿朱古力的口感令人欲罷不能 雖然要等 15 至 20 分鐘先有位，不過吃到色、香、味都咁令人心花怒放的甜品，等一下都是值得的