貴花甜糖水甜品專門店 (Closed)

星期六晚天寒地凍一眾同學們去食甜品, 當然我又發揮為食精神樣樣都食下啦.店小二服務態度好好,好friendly.同學A食藍莓拿破崙夾層鬆脆,有一陣脆皮香味, 夾埋d cream滑夾層脆,再加雪糕一齊食,正!同學B既朱古力心太軟,買相不錯,朱古力味濃郁但不夠流心,同學B一羹拮落去話:"冇朱古力流出黎既?"我叫左橙酒梳乎厘,由於小弟當日揸車,又怕酒太多,不過店小二好老實咁講放心落左好少酒,冇問題,最後果然係好少,剛好有陣淡淡酒味,唔會搶左梳乎厘既蛋味玫瑰梳乎厘, 其實同橙酒梳乎厘差唔多,只係橙酒變左玫瑰, 我就覺得不太突別,仍然有香香既蛋味

今次黎到貴花甜，試左個雪糕布丁胚芽好立克冰露。冰露將好立克同冰打成綿冰，入口即溶，配上Dreyers的雲呢拿雪糕、布甸及胚芽碎，令整杯甜品的層次分明。雪糕、胚芽粉加冰好match,甜味適中，十分香滑。一粒粒胚芽粉令到成個甜品既口感變得非常立體。可立克味好濃，好似食緊可立克雪糕咁。吃完呢個甜品之後，口腔仍然停留著可立克的味道，令人回味無窮。不過要食快d,佢太快溶，好快變成水狀。

認識呢間嘢係之前有朋友介紹帶我去第一次去時食唔到火焰雪山，原因係職員話果日D蛋白唔靚...所以話，唔係次次食到..我之後都有去食，佢燒果陣我仲拍片人唔多，佢仲熄燈比我拍呀另外我最愛食佢個香蕉心太軟，勁香其他款我未試過，我係香蕉怪，每次去都想食香蕉款佢燒起唻係藍色都幾靚因為我拍左片，所以又影唔到相我細個食過火焰雪山，一D都唔好食佢令我改觀，雖然唔會勁好食果隻...但唔會唔好食既...至少睇佢燒下又值回票價香蕉心太軟....啊~~我朋友就嫌佢唔夠流心又係太熟既，不過外脆內軟香噴噴既香蕉味...

平安夜收遲工，只係可以同女朋友食甜品補數本身諗住去捧"佳佳"場點知去到門口起碼有成3-40人排緊隊見到甘都係決定轉場我地去左主打食西式甜品既"貴花甜"點左個招牌玫瑰梳乎厘 和綠茶雪糕芭菲‏ 外層金黃色，内層鬆軟而且玫瑰味香濃食落去入口即溶，只是蛋白部分略為偏甜，但整體不錯 綠茶味雪糕香滑不膩，濃而不澀，甜度適中中間夾雜左不同質地既食材，有cream, jelly和紅豆再加上側邊既薄脆一齊食口感十分豐富，令人一試難忘

原來裝左修，今次再黎遇上一個好好presentation 既人招呼！西利西利！一黎就叫左個心太軟，仲要話係特濃，不過好似濃左d,又熟左d!不過另外兩樣野搭夠！超濃朱古力味，奶凍仲好滑添！好好食，呢個可以不停返食！😍😍😍呢個係新張期間like Facebook fans page送既，食完濃味朱古力飲，岩岩好，送走膩既感覺！

興記煲仔飯還未上場,大家已開始盤算下一站往哪兒吃甜品??還說到往佐敦佳佳吃湯圓,後來記得對面街角的貴花甜,省回車錢也省回時間。綠色門面跟初開業時沒改變,店員仍然落力地向路人招徠,口甜舌滑的大男孩在甜品店裡當員工實在合適。大大本重甸甸的甜品餐牌圖文並茂,店員有空時也會向人客推介甜點,只是年紀大耳朵不靈光,很抱歉已追不上他的說話速度了。甜姐兒們不約而同地點了不同口味的梳乎里,看到三份升得高高口感卻不是一陣風的可可、bailey甜酒及薑汁梳乎里,這店的梳乎里做得蠻夠水準。個人較喜歡薑味濃烈的薑汁口味,只用蛋白砂糖打出的甜品,甜度還是稍稍高的。火燄雪山比想像中細小,完全一人份量的甜品;店員淋酒前也提醒大家火燄很快熄滅,要把握時間拍照哦。藍色火燄隨酒慢慢的淋在雪山上,在山頂上泛起火光的火燄雪山才算名符其實,跟去年我的散水飯上那個只在山腳有火版本不可同日而語。貴花甜一向以心太軟為主打,當年特意來訪也因為這道甜品;現在水準會否依然保持呢??剛焗好的蛋糕仍有著溫度,如旋風的蛋糕層較厚身帶點脆,只是底部更厚顯得更硬,朱古力濃得有點怪怪,當中也有流心,水準還是可以的。用上齋牙時香草雪糕,當比不上移動豬的更

係廟街想搵間西式甜品有難道見到傳單食完飯去試試,款式太多選擇困難症又出現啦,藍精靈店員推薦就試佢,冰好滑似雪芭好輕但太快溶食左三分一已經變水,益力多味太重蓋過荔枝味不過唔太甜夠特別,焗雪山用燈酒火焰過多左一種香味,蛋白忌廉打得夠好似食緊梳夫里製作認真蛋糕普通加脆脆米增加口覺,泡芙配薄荷雪糕加埋小小燈酒香,這甜品心機之作值得一讚,香芋冰芋頭味都夠濃連雲呢嗱雪糕食都夾味紅豆夠林珍珠轉左脆脆米都可以接受

最近去既一次係4:45pm左右,帶左幾個小妹妹一齊GATHERING人唔算好多,KEEP住有客多過有客走,我諗真係做野太慢揀好左甜品之後就叫(唔肯定叫左咩,大概係D十勝紅豆冰甘上下)我無諗過我地揀既冰要等45分鐘先有就算係2個人叫同一款都係前後上枱唔係一齊上員工超無禮貌,催完又催,又話人地黎早我地3分鐘所以有野食先但我既甜品係比人地遲15分鐘先上上甜品又唔比羹我地,超BAD SERVICE好食都無用,SERVICE唔好!我覺得唔應該比佢D笑臉蒙騙!

雪糕布丁胚芽好立克冰露甜品對司令尼講真係好重要既環節，今次試油麻地尼間都算幾出名既糖水舖。等位唔算耐，而且服務好熱情，熱情到有少少驚😂。 叫左好立克冰露，冰露類似係沙冰，但再幼滑好多，而且超足料，好立克味超重，食落好似放左好立克粉落口咁，旁邊仲有少少果凍，唔係好食得出咩味，個冰太搶味啦😍，上面仲配一球dreyer's雪糕同少少胚芽粉，全部野配埋一齊非常好食。不過留意返，食到後尾個人真係凍到震。

我試過大圍個間，早排經過ymt，上openrice搵下附近有咩甜品好食，見到呢間咁多like咪入去囉，入到去見到個餐牌心知不妙，上次係大圍食過，個西米露仲浠過水，又貴又唔好食，個雪山雪糕都算係ok，但貴到high high，見咁多like，我真係唔明，可能各花入各眼.....

想系呢頭穩間比較創新又好味的甜品店，睇完食評後覺得呢度幾得意就決定黎試下……試完，我覺得小店系有努力想做好，奈何味道方面好似都系差左d野點左好多人推薦的綠茶心太軟，呢個我個人覺得麻麻地……太甜，抹茶味差d唔夠濃，蛋糕的部分有d沒焗透所以唔系好中意中間個種黏糊的口感，外面有d脆都ok既。旁邊個雪糕有d多餘，同埋心太軟已經好甜再配甘甜的雪糕真系too much啦！我寧願跟日式風格放番幾粒白玉丸子好過…椰皇西米露撈野加奶凍，呢個比較好食，但最大的問題同前面一樣……太甜。我覺得既然奶凍本身都系比較甜的甜品，西米露就唔太應該配椰奶，用番本來的椰青水好過啦！又或者如果系椰奶做底，本身裏面應該配涼粉呢種比較淡口的種類好d。不過值得一贊的系個奶凍真系做的幾好食！好滑好creamy！如果搭配有考慮得全面d就更好啦。總體來講可以感受到店家的努力，店員都好主動介紹同埋服務態度好好，就系食物太太太甜了！希望店家將來可以改良下d搭配啦

係附近食完印度野，味道比較濃，就緊係想搵D甜野沖沖個口啦，一諗就諗到黎呢間貴花甜啦，其中一個原因係因為我係佢地VIP, 有九折。叫左個芒果涼粉雪榚同埋個朱古力心太軟。芒果涼粉雪榚好快就到，好清涼又消暑，真係好味。心太軟要焗所以會等比較耐，大約１０分鐘後上。熱辣辣既朱古力蛋糕切開後有好多漿流出黎，味道有點兒過濃同埋有少少苦，但係配埋雪糕就好似剛剛好咁。

有時候還未吃晚飯之後，在下或許會吃個甜品先，就像今晚趁未開飯前，就到油麻地砵蘭街的貴花甜糖水專門店，先吃個甜品。甜品店地方不大，而且時間尚早，故可優悠地看看餐牌，選擇理想的甜品。雪糕紅豆奶凍是採用北海道三點六牛奶製成，當中的奶凍幼滑無比，富牛奶的香味，配上雲呢拿雪糕及紅豆，口感也豐富的。看看時間，也是時候要開餐吧，於是結賬離開。

剛好到這附近，看到openrice有挺多好評就進去了。店員立馬推薦皇牌點心——心太軟和冰露。 我們點了62塊的baileys甜酒心太軟（比原味貴10塊）還有48塊的薄荷巧克力冰露。雖然店員大力推薦，但事實上甜酒與巧克力的配搭無特別，外面的蛋糕很乾，旁邊的雪榚是便宜的dreyer's（份量太少）——完全不值62塊！！（這價錢可以吃到很好的甜品了）另一方面冰露不就是該死的冰砂嗎！！！！取這種騙人的名字！！！實在不值！但是員工服務態度非常好！ 甚至在吃完心太軟時細心的遞了一杯水。然後主動給我們問卷詢問意見。可惜服務態度不能吃，食物質素太差價錢太貴，不會再來了。

行到廟街呢頭…好難想像呢度會有間甜品屋…倦倦地就中左入去坐下啦…可能呢邊比較辟靜…成間舖頭比我包場呢…侍應亦閃電式略為講解本店推介…凡下午茶時段0230-0730惠顧甜品…可以優惠價換購飲品…咁啱今日咖啡機壞左…唯有飲沙冰…沙冰有幾款水果味…但唯獨西瓜先係鮮榨…都幾奇怪…火焰雪山有幾種口味…最貴果種價錢過百…仲拎左“明火食神爭霸戰”甜品組既<金獎>同<創意甜品獎>添…不過我還是選擇了半價的“火焰薄荷朱古力雪山”…廚師即場表演山火…淋上酒精…完成品…泡芙好軟身…有3粒…夾心明明寫住係忌廉…點知變左薄荷雪糕…有d失望…雪山面層比較甜…但好有層次感…由外到內>>旦白忌廉，可可脆米，薄荷雪糕，朱古力旦糕…可惜我點錯左薄荷雪糕…如果唔係…應該更加好味…另外我貪心點多左個甜品>>比利時朱古力心太軟…menu指明用比利時callebaut 70%做旦糕…54%做流心…加埋deryers雪糕…朱古力唔苦又夠朱古力味…但旦糕唔夠軟中帶脆…流心亦只得少少…未如理想…尾段侍應還遞上意見書…似乎還是一間有heart既甜品店呢…