甜牙牙

Open Now

Now Closed

好似好耐冇出嚟食飯今晚一定要食埋甜品先走嚟到甜牙牙梗係要食窩夫啦🤤❤️【朱古力窩夫派對】❤️雪糕窩夫永遠是吃不膩的甜品組合見到都興奮窩夫暖笠笠，外脆內軟雪糕就凍冰冰配埋杏仁碎和餅乾碎口感就更豐富了兩個人share啱啱好不過略嫌雪糕唔夠硬身加上窩夫本身暖暖地令雪糕溶得更快我哋食嘅速度都要跟着加快😂😂下次試埋其他味嘅窩夫派對先得😍甜牙牙都好旺場我哋八點左右入座就未有太多食客但8:30左右就開始多人如果大家都想食記得早少少嚟啦～

放core既第1日既星期六我地去左配眼鏡，下晝經過旺角嘅時候就見到一間甜品店，我地入左餐廳食個甜品下午茶，入面大約有一半人到，位置都算好坐。 我地睇完餐牌好多選擇，最後就只係點左朱古力窩夫派對hkd98，2個人share. 都算大舊，夠2個人食架，窩夫上面有5球朱古力同雲尼拿雪糕，正，呢個天氣食真係正，好好食。而且仲有啲杏仁，cookie碎，味道上更力rich.最後就係主菜個窩夫啦，唔會太甜，岩晒我地口味性價比唔錯，下次會再黎食。

食完飯同男朋友揸車出旺角食甜品，佢一見到門口餐牌有窩夫已經吸引左入去🤣食完真係覺得無擇錯，兩款甜品無論賣相、味道、擺盤都👍🏻👍🏻下次一定再黎！男朋友只係鍾情朱古力味，所以叫『朱古力窩夫派對』一共有六球雪糕，正中間係朱古力味，其餘五球係雲呢拿味。窩夫由外到內都係朱古力味，口感鬆軟，咬開後朱古力味更加濃，濃到好似食緊心太軟咁，再加上忌廉、可可球、杏仁、餅碎做裝飾，視覺效果更吸引☺️我就叫『提拉米蘇鬆餅』鬆餅濕潤軟綿綿，好濃蛋香味，整個口感好輕盈☺️浸過咖啡酒既手指餅質地偏軟，連同忌廉一齊食一啲都唔甜膩，估唔到鬆餅配tiramisu口味可以咁夾，好滿足☺️