茶木‧台式休閒餐廳 (Closed)

同朋友仔食完飯行完街仲想搵地方食甜品吹吹水，最後就揀左去茶木，要等是常識，不過幾個人邊吹水邊等都ok既，之後入到去就叫左個朱古力香草蜜糖磚塊一齊食，送黎時個樣同海報個樣都似，食落雪糕都好香朱古力味，士多啤梨唔會好酸，多士就外脆內軟，仲暖暖地咁，將多士塊沾上朱古力雪糕同加埋士多啤梨一齊食真係好好味，好有層次感，又唔會好膩同好甜，不知不覺就會係咁食晒，好滿足到鍾意食甜品既我！

第一次去 由於唔知有冇得book 位 所以尋晚喪打去電話係喪唔通 跟住今朝11點幾打去confirm冇得book位 其實見之前D食評個個都似walk in 冇人講過打電話呢樣野 不過唔試又點知有冇呢之前見有人講6點幾已經有人排隊 我仲要星期6 19:15先上到去 個lift 口D人爆到呢 成個墟咁不過8點前都有位 lu 唔算等得耐坐低就研究有咩食 其實都幾花多眼亂 除左飯類少D 唔洗點諗之外 樣樣都想試 XD 後尾5個人叫左13樣野 凱撒沙律、黑蒜白肉、豬排肉燥便當、雞扒肉燥便當、酥炸排骨麵、蝦卷、鹽酥雞、三杯雞、香煎餃子烤腸、甜酸肉、培根炒花椰菜、最後甜品係朱古力香草蜜糖磚塊鹽酥雞好味 朋友話同台灣好似 @.@甜酸肉D醬有士多啤梨味 ?(幻覺?) 幾過癮總數食左$698 都幾抵 ! 下次會再黎不過唔要飯 麵質地不錯XD