茶木‧台式休閒餐廳 (Closed)

這次去點了一碗牛肉麵和三杯中卷，我朋友的牛肉麵都食完了，我的中卷還沒來，而且飯另加要13蚊，飯的份量很小，半碗食都食不飽，體驗特別差，上菜速度慢，價格貴，性價比低。

心太軟一般，芋圓仙草，仙草唔係仙草，係涼粉黎，跟住入面加左姜，超級甜，甜到想嘔，叫左兩杯酸梅冰，成杯煙肉味咁心太軟甜到起痰，冇朱古力味，又細，仲唔夠我手掌大，雪糕都一樣！

喺旺角街道上真係非常炎熱，想搵間樓上鋪又坐得舒服可以傾偈即刻諗起喺瓊華中心嘅茶木。雖然係星期六日，中午時間上去都唔需要等位就有得即刻入座。佢啲餐牌咁多年都係一樣，今次見到佢有個新野係手工拌麵，都係70幾蚊又有小菜又有嘢飲，好似幾抵食。結果出嚟賣相都唔錯，個面唔會好乾又唔辣，都幾好味，仲有半隻糖心蛋添。個鴨血比想像中好食，吾腥，不過就第一舊仔。個手撕雞就一般般，對佢嘅印象都冇乜。食完後同朋友傾咗好耐計， 待應都唔會話講趕我哋走，所以想傾吓計茶木都係一個好選擇。

星期六嘅朗豪坊好逼🥲周圍都好多人, 食lunch要等位, 甚至要人齊先入😅 茶木係果陣冇咁多人嘅餐廳, 而且唔先齊人先入得👌🏻酥炸排骨麵(set lunch連飲品), 排骨同麵分開上, 炸到小小脆口, 唔會太鹹👌🏻 個麵ok, 唔知係我個人感覺定係咩, 有一陣羊羶味(?)..跟set杯飲品叫咗玫瑰紅茶, 食哂成個麵先嚟😅不過不失, 紅茶包加2粒玫瑰..Overall: 一般啦, 2個人食2個set, 一共$182. 係朗豪坊算合理價, 主要係因為果陣唔洗等位先食佢

來過這間分店食午餐幾次，今次最差。男性職員（可能是主管）不主動招呼客人入座，舉手叫落單，明明看見，又專登去收一個客人的碗碟先再過黎。該客人在撳手機，根本冇叫收野。落完order，食物等20分鐘先到，下晏兩點幾其實不算忙都等咁耐，點解？食物出來就明白了，原來為慳力，送餐職員等多幾枱食物ready先一次過用手推車推出來，仲要唔知係咪驚倒瀉湯，我個地瓜米粉湯激少湯，有圖！好似乾撈米粉咁。仲有，地瓜硬的，煮不透。

今天去咗旺角茶木台式餐廳，叫了一份菠蘿咕嚕肉餐（$92)，內裡包一碗白飯，一碟菠蘿咕嚕肉，一杯飲品，我點了珍珠奶茶，要加多$9，再加多一碟菜和一份小吃(兩只等鹽酥雞全翼), 要再加多$38,全個餐共$139。可能係太餓的關係，上菜時才覺得自己叫多咗，因為每份菜式份量十足，最後都要叫服務員拿個盒子把食物帶走，但當然要付盒子的費用，可見得這個套餐十分抵食，而且食物美味，咕嚕肉的肉質新鮮，菠蘿和火龍果甜美可口。今天服務員態度和藹親切，唯獨服務員人數不多，見到他們都十分忙碌，但他們都能保持到應有的服務水平，實在難得。

叫左個foodpanda 鴨血素鴨拌麵+雞湯，外賣自取8折，埋單$84.8返到屋企打開外賣一小兜麵加3分1碗湯都算，出去食預左份量實少但至少個質素好少少話係花膠雞湯，根本係雞皮湯個麵仲慘，鴨血根本唔值錢，都因係一小舊，八十幾蚊，真係對得住良心？

同朋友去元朗行完街就去食茶木， 因為朋友話好耐無食茶木裏面嘅蜜糖磚塊。於是我哋就去食個晚餐。蚵嗲肉碎泡飯 （$83）我哋嗌咗蚵嗲肉碎泡飯share食。蚵都幾多下，就咁隨便潷一匙羹就已經見到有成四五粒蚵， 而且大大粒。食蚵最怕食到成口沙，但係呢一碗嘅蚵食落去未發現有沙粒，很好啲湯可能因為有海鮮，所以都好鮮甜。我地連啲湯汁都飲埋。綜合水果飲料（$41）有好多種類嘅水果，連西瓜都有，感覺好健康草莓香草蜜糖磚塊 跟住就係我朋友最鍾意食嘅甜品， 因為佢都好大分。 個磚塊烤得好脆， 雪糕又夠凍，最 最鍾意雪糕同磚塊一齊食，一冷一熱，口感都好特別。士多啤梨都新鮮，唔會好酸。我哋淨係叫咗個主餐，但係加埋呢個甜品我哋兩個人食都已經夠飽。

今日下午去左哩間分店食野，一入去個男staff(主管）已經唔想招呼我既樣，當我見佢無叫我等等，但顧住釘外賣袋，我諗住可以自行入座，根住佢先叫住我唔可入內住，都算啦！反正我好肚餓，無理由為左佢而又要周圍行揾野食！點知我叫左個炸排骨，個排骨有怪味，似喺唔新鮮既味道，仲要有黑點，我食左d 前菜，同肉燥飯就算啦！食完埋單，又係果個叫志華既男人,佢完全又係好無禮貌甘，咩個厭世樣你睇，真心講，你又收加一服務費，野食又難食，又無招呼，主管都甘差，遲早執得！

網上見到茶木旺角店會有任食火鍋 價錢較平就跟朋友去試試，可是太令人失望吧！湯底叫了一個沙茶味湯底，肉就選美國肥牛的款式138$再加一  (151.8/位)湯底沒有什麼味道 一點都吃不出沙茶的味，像滾水一樣......,有自助調味吧 一般豉油 麻油 蒜蓉 炸蒜 白醋 蔥 辣椒 芫荽 都有食品選擇唔多 大概記得有以下這些:迷你豬肉丸，魚蛋，貢丸，墨魚丸，八爪魚丸南瓜 芋頭(不新鮮都變啡了)  窩荀 冬瓜 蕃茄 蕃茄仔 白蘿蔔 玉米 娃娃菜 生菜 油麥菜 西洋菜 菜心 鴨血(似豬血多點)雲耳 蓮藕 芝士腸 豆卜魚腐 魚皮 響玲面就有 烏冬 新竹米粉 公仔面 手工面 (試了手工面,不錯的煙韌的口感,似讚岐烏冬) 。食品是每枱一個大碗加夾子 拿著出去夾。每個食品都有蓋蓋著，衛生一點,可是雪櫃都沒足夠空間讓你打開蓋 一手拿碗一手夾 很難啊 !熟食以為有什麼炸物 鹽酥雞之類 看來是我想多了稍為台式一點 味道還好 只有肉燥飯其餘只有涼拌木耳,涼拌青瓜 （不夠入味）肉要同店員order 但首輪會按人數比左牛，雞先，menu寫有羊 但我就食不出 。有凍熱水提供即斟飲品------檸檬茶 和豆漿 ,其他就是

以為有好多台式小食， 點知冇， 唯一好處是雪糕任食， 甜品得兩款， 味道一般， 野飲得檸檬茶同豆漿選擇😑， 本身以為有珍珠奶茶，不過可能我太天真， 紅燒牛肉湯底冇味， 牛肉唯一ok, 蔬菜一般， 沒有太新鮮， 丸類選擇不多， 連最common 的芝士丸都冇，醬汁也是最common 的款式， 自在區材料款式小， 而且凍櫃設置很難取食物， 食物放在膠食物箱來， 每次拿都要揭開蓋， 不過這也不是重點， 重點是那裡根本唔夠高比你揭蓋-.- ， 一手拿碟， 一手拿夾， 夾時要用手肘頂住蓋拿， 實在有d 唔衛生， 個個手肘都頂住個蓋拎， 實在無語， 而且食物夾好難夾，自問未用過這麼難用的夾上菜太慢， 兩個鐘， 仲要等佢上， 實在趕去茶木還是食甜品吧！！

入去果陣店員問我地叫menu啲野食定係任食火鍋，果陣先知原來茶木依家有任食火鍋，唔知淨係依間分店先有定點。雖然價錢唔貴，但好似好伏咁，所以都係叫番menu啲野食算。點知一叫野食果陣，依樣無果樣又無，店員話因為有個廚師無番，佢煮既野食包括一啲小菜，蠔仔泡飯等等⋯其實即係大半個menu入既野無等食😅入黎果陣店員又唔講，到叫野食先發現好似咩都無得食，因為廢是又周圍搵野食，最後是但揀左幾樣野食。🔸松露塔塔醬雞絲拌麵 $68有一碗雞絲、一碗拌麵、一舊鴨血、一舊素鴨個雞絲有啲醬，不過其實食落個醬好似無咩味，都係平時麻醬好味好多。而個伴麵就寫係麻辣，食落得小小麻，無辣味。鴨血素鴨就唔好食，可能唔係好岩食。🔹炸雞排肉燥飯 $78🔸酥炸排骨肉操飯 $76因為無選擇，最後叫左兩個唔同既肉燥飯。肉燥好少，完全唔夠撈飯食。雞排同炸排骨都夠脆，但係雞排就好食啲。🔹黑糖珍珠鮮奶 $33味道好淡，珍珠口感唔夠煙韌。🔸綜合鮮果茶 $39普通水果茶一杯，不過都有好多水果。

個陣約埋朋友去一齊食多士打卡影相，入面d厚多士配埋雪糕個d又幾好食喎，最輕就係搵把刀切開佢分黎食，仲要討論一下最後邊個食埋d邊邊。如果配多d雪糕就好。除左多甜品，平時d午餐都幾好食

紅燒牛肉麵牛肉適中 上菜時間大約10分鐘左右湯的溫度還保持有煙，青醬有淡淡的蔬菜味同埋忌廉味，醬汁可以包裹闊條麵，雞扒嘅溫度和口感都不錯還可以保存肉汁。唯一嘅不足就是外表的皮太乾，甜品脆皮拿破崙，我先吃了前面兩個菜再品嚐。還是脆口 。水果士多啤梨和芒果。不會太酸。每一層的忌廉芒果醬都有足夠的份量。令到入口嘅時候會有足夠嘅口感和層次感。份量都是10分足夠的但是建議後上。最後我學的是火山朱古力。這杯比較有驚喜。至於是什麼就等大家好好品嚐

🇭🇰#屯門 【#茶木 】8週年載譽歸來蜜糖磚塊🧱🥭芒果香草蜜糖磚塊🍞正價$80 回味價$58以前食過一次就覺得再比$80食麵包好唔抵而家見到佢咁平即刻入去再食多次呢個咁特色既甜點😻賣相好吸引📸啲雪糕溶落嚟勁靚～至於啲多士都唔會太硬 如果再多啲生果就好啦🍓通常食到最後都唔夠cream要乾食啲面包🤣