駿景軒

Open Now

Now Closed

週末去「駿景軒」飲茶，同相熟嘅Carson哥哥閒談間得悉酒店正忙於籌備一個叫「Seafood Loves Sake」嘅日本清酒配海鮮菜式推廣，並提及到客人於活動期間享用過特定配酒餐單後於OpenRice撰寫食評即有機會贏取獎品，小則有日本清酒，大則仲有staycation套票，食、飲、住，似足大三元咁啱哂XO仔喎，當然係叫佢一開波即通知細佬去訂位啦！嘻嘻，冇諗到第一日玩試菜竟然真係留到個靚位俾小肥，仲要係以優惠價品嚐十三道晚餐，感覺已經似中咗半個頭獎！酒店餐廳樓底高高，大方舒適，加上服務一向稱心，絕對有信心嘅保證。餐桌上除咗有齊備嘅自用及公用餐具之外，最搶眼就係為配酒晚餐特設嘅酒杯陣！場內一角亦有展出當晚配餐嘅四款薰、爽、醇、熟日本清酒。有關配酒嘅竅門秘訣則印於附有彩圖嘅小冊子內。等待食物上場時，哥哥先斟出第一款日本清酒「月桂冠 愛說話的鯨魚 純米酒」，酒名同藍樽上幅「星空月下的鯨魚」一樣咁可愛。屬薰酒嘅「星空月下的鯨魚」甜得黎帶有一陣微微嘅酵母味。黃金炸魚皮、蒜泥白肉卷、椒鹽田雞腿：原來餐牌上頭三味為三式前菜拼盤，其中清酒主要係配前菜中嘅海鮮菜式，即中間兩件黃金炸魚皮。大大片黃金炸魚

鍾意食中菜嘅我～同鍾意食川菜嘅男友今日踩入港島食呢間駿景軒🤤🤤 入到去已經覺得好高質～比較多係遊客/呢度嘅住戶嚟～唔少都係外國人！今次勁好彩見到劉嘉玲真人！🤤真係好有貴氣啊（人地都係嚟食飯～所以無影相）入返正題先！一開波飲個湯暖一暖胃先～杏汁白肺湯飲落好滋潤～杏汁味未去到太濃烈～仲會有湯料食～絕對唔係淨清湯嚟㗎！跟住就開始上主食～我地揀咗口水雞～醬汁係另上嘅！岩晒我啊～雞件好滑嫩👍🏻👍🏻👍🏻接住落嚟係我今次嘅最愛胡椒蝦～超香但唔會過辣～胡椒嘅味道都吸收落蝦肉～～最後呢個我真係食唔到🤣 但男友就ko晒～佢話味道好夠出!啱最鍾意食辣嘅佢🤣🤣我就算啦，食咗啲腰果都頂唔順🤣服務好食物好～偶爾兩小口嚟食豪啲都唔錯～唯一喺地鐵爬上去有啲遠🤣

上星期係婆婆生日,老人家做生日,就最喜歡食中餐! 所以我上網做左好多功課,揀左一間出名既粵菜同婆婆做生日! 駿景軒 - 多年既米之蓮一星食府! 好早以前都聽過大名,原來近年搬左去皇后大道東果面!當晚我地book左7點,都幾多人,上到去見到裝修好有高級粵菜館既風格。門口見到尊典雅的白玉觀音像,背面有精緻木雕,右邊掛上"駿景軒"名牌,簡單得來好有格調!臺面既鋪陳好簡潔,望落餐具都好高級,好靚!呢餐生日飯,婆婆交比我發板叫餸,佢話想食d傳統+辣野! 既然係咁…當然先黎個廣式靚湯啦：杏汁白肺湯 - 相信白肺湯,係街外都買少見少,但就算係有,我都未必敢飲! 但婆婆近來有d咳,所以每人叫左碗黎飲! 個湯底煲到奶白色,好香,帶住絲絲既杏仁味,但唔會太搶! 重點係個白肺一d都唔騷,一定反覆洗左好多次先有咁既效果,食落好似食緊豬肚咁! 呢盅湯,無得頂啊!頭盤 - 飲完靚湯,當然要食下d頭盤啦! 我揀左個口水雞! 不同于出面,呢度既口水雞既汁係另上,怕辣既可以點少d汁! 實話講口水雞出面食得多,但呢度係唔同d! 雞皮滑兼彈牙,肉雖然唔多,但好有雞味,相信係用新鮮雞整先有咁既效果! 出面食到既口水雞雖然多肉