利星火鍋海鮮小炒

Open Now

Now Closed

之前係Youtube 見名廚Ricky介紹，見到好似幾吸引，之後終於約左朋友去食。一出地鐵站就係，非常方便。我地之前book左位，不過就安排左一個角落位，頭頂咁岩係抽氣扇位，吹晒D熱風出黎，因為太熱，所以同伙計要求換枱，伙計二話不說幫我換枱，態度值得一讚，係唯獨有個大叔唔知係聽覺差定係本身慢活，要叫好多次先聽到。D 小炒水平冇令人失望，個招牌冰梅欖角骨好惹味，杏汁豬肺湯好夠味，冇畀杏汁搶晒D肉味，椒鹽九肚魚炸皮上枱時依然脆口，炒蜆冇沙多肉，個啫啫唐生菜煲八面更附送了兩隻蝦。唯一缺點就係環境太迫太嘈，枱與枱之間好迫，果晚咁岩隔離大枱坐左十人慶生，聲浪太大，我同朋友完全傾唔到計。不過整體係性價比高既，不妨一試。

經fd介紹黎左呢間食飯。一黎到門口見到貼晒d明星相係門口。都幾多明人黎食。個fd 同我講一定要食呢個火焰聖子。6個人一人叫左隻食。呢個餸拎黎影相呃like一流。夠晒浮誇。食落口。爽口又甜。真係唔錯。必食🖒🖒🖒 叫左我既至愛豬肺湯😙😙😙。冇得輸。個膏蟹蒸糯米飯估唔到咁正。又多膏又入味。服務個阿叔幾好服務又好笑。係落單個個哥哥仔唔係幾講得笑😂個日咁岩有10蚊一碟炒蜆。好足料。又夠鑊氣。正😍 埋單6個人每人都唔使300蚊。食到好飽。抵食😗個fd冇介紹錯。下次fds生日可以再去

通常一班人約飯局都會選擇嚟利星。因為可以食多幾個菜式。祥哥仔同伙計服務都好好。菜式不時有新推介，肯創新。收費十分合理。好味道。小菜，海鮮，燉湯都可以預先落order做好準備。