香港大學校友會

Open Now

Now Closed

我地今晚9個人book左間廂房, 相對出面會有多d私人空間, 講野都會自在d, 不過呢度廂房應該唔太多, 所以要廂房就要預先book, 同埋都唔易book。對於呢1餐我都抱有好大期待, 可能因為咁就期望越大失望越大。蝦多士 - 呢個係全晚我覺得最出色gei菜, 好鬆脆好夠味, 第1碟菜食呢個會更加加大期望杏汁豬肺湯 - 我認真覺得普通, 以某附近餐廳最出名gei 1個菜比較之下就比唔上, 不過佢好足料gei~翡翠生魚卷 - 純粹口感特別, 魚都唔腥但味道1般江南百花雞 - 第1次食, 我都係鍾意食真gei雞, 所以純粹個人感覺, 唔太喜歡紅燒元蹄 - 出到黎d肉好碎濕濕, 同埋d肉有d嚡八寶鴨 - 相對元蹄好, 但都只屬一般貨式杞子桂花桃膠羹 - 味道適中, 唔太甜, 呢個都算幾好總括以言, 以呢個價真心覺得唔抵食, 試1次體驗下就算

同事是會員，於是去沾光吃吃看。雖然我舅母說質素非常一般，但我又覺得很不錯呢！杏汁豬肺湯杏汁味很香，也濃，豬肺好吃。我是除了雞腎外很少吃內臟的人，但這個豬肺好嫩完全不腥，好吃👍子薑咕嚕肉自家醃製的子薑沒渣非常好吃！知道可以單買一罐，雖然很貴但知道家人很喜歡吃就二話不說即刻付錢買🤣琵琶豆腐也不知是否我要求低，我對它竟然不腥很驚喜😂上湯莧菜蒜頭好吃，菜也很嫩味菜牛柳絲炒米粉米粉先用鐵板煎（？）過，有黑色的炭烤味，配味菜也是一絕👍合桃糊甜品同事選了合桃糊，很久沒吃過了，也能吃出真材實料滿足的一餐😋

好多人成日話嗰啲乜乜校友會既餐廳好好食，可惜呢啲用錢都買唔到既會藉，係非常難得既。好彩身邊有高材生，可以會我沾下光，一嘗美味。高材生果然係高材生，學校唔止有校友會，校友會唔止有餐廳，仲有bar😲嗌左我應該唔會有機會整既杏汁豬肺湯，老火湯係正既，試左少少豬肺，唔腥👍🏻鳳尾蝦多士，口感唔錯，蝦肉爽，多士脆，唔會好勁油yick味。炒菜心，正常野。椒鹽鮮魷，呢個好好食！炸粉夠薄，味道唔會太鹹。菠蘿咕嚕肉，少少酸，無得輸。甜品又係揀啲麻煩自己唔會搞既生磨會桃糊，不過略嫌唔夠香。Overall都好食既，不過份量就較細，價錢黎講不太相宜。圍起每人都3xx。不過高材生校友s就一定俾得起既😉

平日嘅晚上, 一家人去食飯, 有老人家嘅關係, 所以都係食中菜。但係又唔想去普通酒樓, 咁岩有人係大學校友, 所以就 book 呢度啦！餐廳係正中環市中心所以好方便, 入到去可能平日, 而且 member only, 所以好少人而且夠靜岩晒傾計上菜速度好快, 不過員工嘅服務同同客講野嘅態度有待改善先上個杏汁豬肺湯, 好香杏汁味, 而且非常足料好多豬肺咕嚕肉都 ok, 不過不失蝦多士有驚喜好好食, 下面塊多士好鬆軟, 隻蝦又夠大隻仲有瑤柱肉碎蒸蛋蒸得好好食陳皮蒸肉餅都好好食啊最後每人叫左個甜品, 我叫左個合桃露, 味道甜左 D, 不過都有好香合桃味, 而且磨得好滑

同朋友聚舊, 其中一位係讀過hku, 所以可以book 到呢間只限會員既食店由於朋友識得大廚, 大廚就提議左佢既菜單俾我地, 每人300, 等佢發板, 我地只需聚舊等食就得入面環境就好似一個比較優雅既酒樓甘, 坐位寛敞, 由於我地成15人, 所以安排左房俾我地, 有電視, 坐位亦都夠大舒適, 等等下食物就到. 我地食到既菜式包栝鳯尾蝦多士, 椒鹽豆腐, 椒鹽鮮魷: 蝦新鮮多士乾身得黎脆口, 兩者match牛肉串燒 : 幾特別, 酸酸甜甜既汁配以, 嫰滑既牛肉, 開胃蛋白扒西蘭花: 蛋白好滑而且好濃厚, 撈飯一流古法鹽焗雞: 超好味, 雞滑, 皮同平時不同, 係有少少烤焦左, 所以食落去好似有少少煙勳味, 正子薑咕嚕肉: 超正, 炒得十分乾身, 出面皮厚度適中而脆, 入面既豬肉亦好juicy!!, 汁既量亦剛好, 勁!西芹雞柳: 一般級別南乳粗齋:一般級別梅菜扣肉: 不錯, 茨汁適中没有蓋過梅菜既甜味, 肥豬肉亦夠林糯米飯: 不錯,飯粒分明杏汁豬肺湯: 超好味, 十分濃, 聞落去勁香杏汁味, 你見到成煲白色就知落足料, 豬肺亦好林身, 點豉油一流蘿白憫鴨:普通, 茨汁太濃, 但鴨肉夠林整

港大同學會聽說很難訂位而且名氣亦甚響噹噹，所以就多唔舒服都想去朝聖一吓吧！既然是名店就當然立即睇下食評，點知幾乎所有食評都很一至點同一款式餸菜及湯，還以為又係食指定套餐！因為之前去過樓上食寧波菜所以雖然在商業大廈但亦不算難找！酒樓格局嘅簡單版但有點old school feel，有點舊舊樸實。當然我的目標並在裝潢上啦！打開餐牌內心嚇了一跳！！！ 好貴啊！見到個個食評必有嘅蒸豬肉餅要＄95，算了算了最重要是值唔值及味道。依度蒸肉餅方法／肉質／味道同其他店舖都係差不多，最大分別該算是鋪面的果皮，切細細粒（芝麻咁大粒）鋪面，尚算有果皮香！但未見驚喜！今餐飯的重點亦為它而到杏汁豬肺湯！湯底有濃濃杏仁味及少量細細舊豬肺，味道尚算好味！可惜份量太少一行三人，但整個湯份量少得有點過份得三碗仔半度包括湯渣。令人失望的炆牛腩，味道偏鹹及牛腩不是腩因為好揩，一舊舊肉無半點肥又唔淋很疵牙，基本上咬不開！最有驚喜算是粉絲雜菜煲，上湯配雜菜是最正常及簡單菜式但湯底似加入大地魚一齊煲！來一碗杏仁露總算為整晚來了一個安慰獎終於明白點解個個食評都是差不多款式，因為問waiter叔叔來來去去都係淨係講依幾種菜式！

今夜作客的地方還是第一次來... 香港大學校友會係私人會所, 要係香港大學的舊生仲要入埋校友會先可以Book位... 朋友係2個月前已經訂咗房, 廣發英雄帖, 聽講廚房係由陸羽的舊廚頂來做的, 在網上的評論不錯, 很期待呢... 房內有大電視, 又有投影機, 朋友帶備了平板電腦接駁大電視, 播放充滿歡樂的照片與在場賓客分享點點滴滴...朋友事前與餐廳溝通多次, 要求先將2張枱疊起, 騰出半間房的空間來讓賓客們影大大大合照, 服務員仲預先放好一排椅子, 方便大家分成2排影相, 服務都算不錯...朋友事先已預訂咗數款必吃招牌菜 -- 杏汁豬肺湯, 鳳尾蝦多士, 古法鹽焗雞, 炸子雞, 八寶鴨... 到場後再由經理推介數款時令菜式, 朋友又再選2款時蔬...皮蛋子薑-- 經理推介的... 皮蛋流心冇怪味, 比福臨門更好味... 子薑爽脆冇渣, 酸度輕微, 好好味呀... 大家都對此子薑都讚不絕口, 更爭相打包走呢... 早有聽聞此頂級子薑只供應給福臨門及大班樓...杏汁豬肺湯-- 清甜唔油膩, 做得不錯, 杏味略淡, 好似華商銀行公會果便做得好d... 埋單時經理先講話有時令冬瓜盅, 又唔早

長毛苦學多年,終於修成正果,大家都想跟他分享這份喜悅,由長毛嫂發辨,一早訂好V好友IP房慶祝.其實早幾年前已經來過,當時訂檯沒今天的嚴謹,而且裝潢平實得多.要說店內名湯,就不得不提杏汁豬肺湯,芳香的杏仁味,老遠都聞到,沉實厚重的奶白色,表明杏汁是下得一點都不留手,呷一口濃稠的湯水,清甜芳香,醇厚滑溜,餘韻在口腔內徘徊,難怪比起陸羽的出品,絲毫不落下風.再來的是鳳尾蝦多士,蝦肉釀上雲腿,令爽口彈牙的蝦肉帶有一絲咸香,而靈魂人物的多士,卻是一點都不油膩,夠乾身,瀝油處理得相當札實,少點功夫也不成.椒鹽鮮魷算是店內名物,脆漿調教得有水準,椒鹽看似一般,其實好香口,魷魚亦新鮮,咬落煙韌,不錯.每當看見燒雲腿鴿片,就不期然想起陸羽的同名菜色,大概同師傅的出身有點淵源,但又不是說教,又或是眩耀自己的學識,不提也罷,老實說,用蜜汁醃足幾日的雲腿,蘸粉炸過再切片,確實比鴿片更吸引,咸香的火腿內帶有蜜味,薄薄的一片,柔韌有嚼勁,令到單用草菇炒過的鴿片更來得用心,看來,配角比主角更突出.翡翠生魚卷算是店內另一名物,單憑外表,只不過是生魚片炒西芹,但細心一想一看,生魚一定要夠份量,才可以切片,而每件魚片都包

如之前D 食評所講豬肺湯杏味夠但豬肺唔多咕嚕肉好食但更欣賞D紫薑蝦多士唔油中式牛柳好淋不過貴D最鍾意個柚皮炆鴨, 好入味不過椒鹽鮮魷同苦瓜炒蛋就麻麻, 可以不試