瀛燒居酒屋

Open Now

Now Closed

繼續發掘下荃灣嘅好野食😌黎到好多野食嘅荃灣西，今次就黎試下居酒屋🏮裝修都幾得意，仲有啲晴天公仔掛係門口位置🎏壽喜燒（牛肉鍋）🍲$158見呢個鍋都係百零蚊，感覺幾抵食，牛肉份量ok，肥瘦適中，食落唔韌，鍋底有粉絲、冬菇、蔬菜等，另加$28要埋烏冬應該會仲正🎏明太子雞翼🐥$28份量一隻，入面滿滿明太子餡料，啖啖肉而且帶香辣嘅味道，好惹味！🎏松葉蟹肉玉子燒🍳 $88有多款玉子燒選擇，係呢個同黑松露玉子之間糾結左好耐🤪最後揀左呢個，入面包左蟹肉絲，味道唔算太濃，玉子滑嫩，推介🌟🌟🎏雞皮餃子🥟$58外皮炸到脆卜卜，亦唔算太油膩，香脆可口🎏黑豚腩串🍖$42豚肉沾滿醬燒汁，調味得唔錯，燒得幾靚😋🎏雞蔥串🍗 $28雞肉微微焦香，蔥段大得黎都幾嫩，配啤酒一流🎏銀鱈魚西京燒🐟$198銀鱈魚厚肉，味道帶少少味增味，嫩滑🎏特色燒飯團🍙$58表面燒到有飯焦口感，整個飯團都用飯素調味，如果表面包埋紫菜就完美🤩🎏白桃特飲🍑$29、青蘋果特飲🍏$29白桃特飲比青蘋果甜，兩杯都係梳打做底，味道正常

颱風天過後，同朋友係荃灣廣場睇完戲，就係附近搵間餐廳食晚飯，係附近搵到間隱世居酒屋，餐廳內裡四周均貼滿日式海報同日式嘅燈籠吊燈，環境同燈光都感受到日本居酒屋嘅氣氛。餐廳有兩層，上層可以玩遊戲機，也可以擲飛標，同時也有小部份桌遊，仲可以玩骰盅，好適合約埋一班朋友一齊玩。食物方面有日本直送飛機魚、串燒、燒鳥、串揚、玉子燒、燒物、炸物、新鮮刺身、佐酒小食、鍋物、食事等提供，選擇都幾多。▪️松葉蟹肉玉子燒 $88松葉蟹肉鮮味，玉子好嫩滑，蛋味香濃。配埋蔥同蘿蔔蓉一齊食口感更豐富。▪️伊佐木刺身 $348日本直送原條季節魚，本身想食島鰺(池魚)，可惜賣晒。咁我就試啲自己未試過嘅伊佐木，我都係第一次食呢種魚，可以選擇燒魚或者刺身，我揀咗刺身可以突顯到鮮味。伊佐木魚味香濃，味道鮮甜，加埋柚子酸汁一齊食，更可以提升魚味，我同朋友食都停唔到口。加埋辣蘿蔔容、薑蓉、蔥花一齊食，食落更充滿層次。值得推介😋▪️串炸雞肝 $25炸過嘅雞肝外皮好香脆，雞肝食落好粉嫩，加埋酸甜嘅醬汁特別惹味。▪️白鱔(串燒)$52我好鍾意食白鱔，每次見到都必點，白鱔皮脆，魚肉食落彈牙，加上少少檸檬汁更可提升魚嘅鮮味。▪️牛肋筋(串燒) $2

荃灣一向都好多好嘢食，不過呢間店就唔係個個識揾，懷舊居酒屋嘅裝修，播著80年代嘅日本歌曲，聽得我如痴如醉，回憶返晒黎，還可以一邊享用美食，感覺真好。松葉蟹肉玉子燒（ $88 ）一向都鍾意食玉子燒，呢個加埋松葉蟹肉就更加矜貴！一客有六件，煎得厚厚的，裏便嘅蟹肉好多，而且啲蛋都有調味，層次豐富呢！壽喜燒牛肉鍋（ $138 ）用Gas爐即場煮熱，牛肉份量都唔少，而且質素好好，除此以外仲有雞髀菇、椰菜、粉絲和很多葱蒜等等， 加上一隻生雞蛋，個汁都做得好味。我哋驚唔夠飽就追加烏冬（ $28 ），凍冰冰嘅烏冬即煮即食當然好味啦。特上刺身盛合（ $299）食日本菜點可以唔食刺身？呢個盛合有幾款刺身，包括油甘魚、深海池魚、赤身、海膽半板，仲有帶子，而原本有三文魚不過我哋唔想食，師傅幫我哋改咗金目鯛！呢個金目鯛好魷魚味，而帶子和海膽亦都好鮮甜，所有刺身都好新鮮，正呀！由於我哋唔係好飲酒，就唯有叫幾杯特飲，例如青蘋果特飲和提子特飲， （每杯$29 ），都係果汁味嘅梳打水之類咁囉。過了一個身心靈都飽足嘅晚上呢！

2020-5-3晚餐叫左三文魚刺身3件氣水15蚊鑵冇水冇茶供應攪到好似一定要叫野飲壽喜燒牛肉好甜，食完都係好口渴曼魚鐵板燒 $98我覺得好似食緊peppxx lunch個間野咁簡單d黎講真係呢個價錢我覺得唔值得再去了。冇茶冇水。。連最基本服務都冇都要收服務費。服務費係味可以減一半?好多餐廳都會收。至少有柸有柸水我比服務費都心甘命抵丫下叫做...茶水都冇。。。。靜係傳菜同收錢呢d都叫收左服務費。仲要服務態度又唔係真係好特別好。唔好同其他餐廳比較啦～多謝曬丫，歡迎都冇講。我真係好唔明服務費收左去邊到。。。。定家陣我去茶樓飲茶定茶餐廳，正常一間日本料理做既基本禮貌同服務都冇。可能我以前有做過兼職叫做五十x既日本餐廳返工。食物評分同個間x十嵐差唔多。但我個陣最少歡迎同多謝最少都一定要講。唔好食咩好差咩～又唔係。不過唔洗點排隊又真既但有得揀我唔會再黎，因為唔值得呢個價錢。價錢方面會揀去五十x,但我連五十x都唔想再去食更何況係呢間。

今晚早啲收工約friend食餐好既慰勞下自己 之前做嘢有經過呢間日式料理 已經俾佢嘅門面吸引左 勁日式居酒屋feel🏮 想試好耐 ！🧚‍♂️入到去見到好多日本舊式poster 貼滿哂牆壁 充滿日式懷舊既感覺🧚‍♂️好 我唔客氣啦！刺身三點盛有三文魚 油甘魚 鯛魚各三切🧞‍♂️ 想食刺身既朋友點盛合抵過散叫！🧞‍♂️ 油甘魚雖然未去到入口化油 但白色脂肪分佈相對較多 較肥美！🧚‍♂️ 鯛魚連少少魚皮上 更有魚味 都唔錯🧚‍♂️🧚‍♂️再黎個松葉蟹肉玉子燒先🧛‍♂️ 玉子燒帶濕潤既魚湯汁 有啲似日本市場一支支果啲🧚‍♂️ 味道清清地 可以突出番蟹肉既鮮甜味🧚‍♂️燒大蜆仲食到咸咸既海水味 好新鮮！🧛‍♂️廚師都係唔會燒到乾 保持住食物既濕潤度🧚‍♂️ 魚湯野菜鍋一上就有濃濃既魚湯味 用鍋一路keep住熱 慢慢飲哂成鍋都唔驚會凍左🧚‍♂️ 魚湯唔似加豆乳果啲變奶白色🧚‍♂️ 而係似住家真材實料既清魚湯 飲哂都唔會口渴/太咸🧛‍♂️極上壽司盛合 廚師安排整十件壽司加一客小卷🧞‍♂️ 當然唔係逐件逐件好似omakase咁上啦 但$218有貴價壽司仲想點🧞‍♂️ 有拖羅蓉蔥壽司 赤貝壽司 金目鯛壽司（應該係） 已經好有口福了🧚‍♂️