瀛燒居酒屋

Open Now

Now Closed

荃灣瀛燒居酒屋，位置近荃灣西鐵站。餐牌提供串燒、玉子燒、燒物、炸物、刺身、佐酒小食、鍋物、食事，飲品有生啤、清酒、日本威士忌、無酒精飲品等。生薑醬油魷魚：魷魚煮得很軟腍，醬油調味出色。稻烤半熟鰹魚：相當厚切，輕微烤熱後更添風味。自家手作雞肉棒：雞肉和雞軟骨比例平均，配上濃郁蛋汁，味道有驚喜。阿波尾雞胸軟骨：爽彈程度比普通雞軟骨更出眾。阿波羅雞頸肉：肉質非常嫩滑，油香十足。雞腳筋：燒得香脆，很惹味。串燒牛腸：入口有嚼勁，佐酒一流。串炸日本白板魚蛋：彈牙好味。串炸沙錐魚：魚肉鮮甜飽滿。串炸鵪鶉蛋：蛋質好滑溜。串炸煙燻芝士竹輪：芝士和竹輪既味道好夾。飛魚籽玉子燒：玉子捲住飛魚籽，層次感豐富。黑豚豆腐鍋：黑豚肉肥瘦均勻，加上大量蔬菜，令湯底很清甜。長野巨峰Sawa：酒味輕柔，食串燒唔少得。青蘋果特飲：口感酸酸甜甜。總結，餐廳食物有質素，店員有禮貌，送餐時會作簡單介紹，我哋呢餐食得很滿意。

臨近聖誕前最後一日同frd撐枱腳🎄因為正日一定要留黎陪另一半過架麻😂今日個frd就拉左我去荃灣依間居酒屋，周圍都係日本風既裝飾，燈籠，清酒，勁有氣氛🤓menu都好多選擇，串燒鍋物刺身小食樣樣都齊，味道都不錯喔👍🏻✨壽喜燒牛肉鍋 $168勁多料😋有冬菇，雞髀菇，金菇，洋蔥，唐生菜，娃娃菜，京蔥，粉絲，壽喜燒湯底甜度適中，牛肉唔算多但都好好味👍🏻菇類同蔬菜索哂湯汁勁甜，粉絲彈牙爽口，一鍋齊哂我最鐘意食既蔬菜，冬天溫胃又滿足，壽喜燒汁就是正！😍✨串炸牛蛙肶 $32牛蛙肶炸得外脆內嫩，肉質嫩炸粉輕，而唔會好油膩，啖啖肉香，蘸少少串燒汁更加好味😜✨串炸三文魚親子串 $38三文魚外層炸得脆口，包住勁香嘅三文魚肉，三文魚子爆口嘅鹹香配上沙律醬嘅蛋黃味🤤超級滿足，而且好大舊，串炸三文魚食法都幾特別🤔✨飛魚籽玉子燒 $98玉子燒質感層次分明，裡面鋪滿飛魚籽，鹹香味搭配清新的蘿蔔蓉，口感豐富😙✨活赤貝刺身 $58/隻我特別鐘意食貝類刺身，因為特別爽脆彈牙，依款活赤貝好新鮮，輕沾豉油同wasabi，突顯貝類鮮甜，好好味‼️✨刺身三點盛合 $138三文魚油脂豐富滑嫩，油甘魚同帆立貝都好鮮甜，刺身質素唔錯😏新鮮之

今晚黎左呢間有荃灣隱世居酒屋之稱的地方食飯。上刺身盛合 $228有三文魚，油甘魚，赤身，赤蝦各兩只，帆立貝一只，個油甘魚真係好肥美，赤蝦又鮮甜彈牙。酒盜冷豆腐 $48凍冰冰的豆腐配上咸咸的配料，夏天食好爽。蟹肉蟹糕米紙卷 $68一入口先係爽口清甜的青瓜絲，再黎個口感會係好濃郁的蟹肉蟹糕味，再用帶點煙韌的米紙包住，幾fresh，幾特別。清酒煮大蜆 $128職員會幫手係個爐上烹製，細心提醒當蜆開口就食得，一入口好香清酒味，蜆肉大大粒又鮮甜，最重要係冇沙。特色燒飯團 $58有兩大個，表面燒到好香脆，有點微焦，飯粒粒分明有咬口，中間仲爽左啲芝麻粒同紫菜碎。叫左五款串炸，全部都唔會食到成口油，炸得幾好。廣島蠔 $28炸到個生熟程度剛好，仲保留蠔入面的汁。年糕魚餅 $29口感好煙韌白板魚蛋 $18好彈牙沙錐魚 $18炸完都仲keep 到嫩滑鵪鶉蛋 $22竟然炸到入面好似流心的感覺，呢個有驚喜。提子Highball $58好適合女仔飲，甜甜地，好易入口。白桃特飲 $32白桃汁加左梳打水，夏天飲好爽，好正。

今晚朋友說想吃日本菜，於是我們便來了這間居酒屋🏮。燒雞沙律🥗：（$58）雞肉外皮酥脆而內部肉質鮮嫩。搭配清新的沙律菜，不僅增加了口感層次，還能讓整道菜更加清爽可口。特色燒飯團🍙（$58）：燒飯團的外層經過煎制，形成金黃酥脆的外皮，內裡的米飯則是軟糯的，兩者結合時的口感對比十分迷人。當咬下去時，外層的酥脆感立刻讓人愉悅，而內裡的柔軟和餡料的鮮美則為其增添了層次感。串炸日本白板魚蛋：炸白板魚蛋外皮金黃酥脆，裡面則保持了魚蛋的鮮嫩口感。咬下去時，外酥內軟的感覺十分愉悅。炸鵪鶉蛋：炸好的鵪鶉蛋金黃色澤，外表酥脆，常伴隨著一層誘人的麵包屑或粉漿，令食欲大增。外皮酥脆，咬下去時會發出清脆的聲音，內裡則是嫩滑的蛋液，口感對比鮮明，十分令人滿足。炸沙錐魚的外皮炸得金黃酥脆，內部的魚肉則保持了鮮嫩的口感，讓人每一口都能感受到不同的層次。 炸三文魚親子串：外層酥脆的炸皮與鮮嫩的三文魚形成強烈的對比，咬下去時能感受到酥脆與鮮嫩的完美結合。親子的部分通常呈現出滑順的質感，這種對比讓每一口都充滿驚喜。雞頸肉串：肉質鮮嫩，脂肪適中，烤熟後的雞頸肉表面略帶焦香，裡面卻保持著多汁的口感。雞頸肉相較於其他部位更有嚼勁，

呢間日式小店環境嘅帶有濃濃嘅日式氛圍，燈光暗暗地好有情調，2樓仲有飛鏢、街霸機可以玩，非常適合同朋友邊飲邊吹水。三點盛合 (三文魚、油甘魚、赤身)三文魚入口即化，油脂豐富；油甘魚帶有少少甜味，肉質滑嫩；赤身則係另一種清新感，魚味濃郁但唔會膩。配埋少少山葵，鮮味即時爆發，開場已經好滿足！味噌廣島蠔鍋蠔好大隻，肉質鮮甜肥美，一咬就滿口鮮味，完全冇腥味。味噌湯底濃郁，帶有豆香同海鮮嘅鮮味，配埋啲蔬菜同豆腐串燒：牛肋筋、阿波尾雞頸肉、雞腳筋、牛舌芯、雞胸軟骨年糕魚餅：炸得金黃香脆，年糕煙韌、魚餅滑嫩，食得出層次感。煙燻芝士竹輪：竹輪夠彈牙，煙燻芝士濃郁又香口！飛魚籽玉子燒：蛋香濃郁，飛魚籽粒粒爆開嚟帶出鹹香同口感，非常滿足。青蘋果特飲：酸酸甜甜，青蘋果香氣十足，清新解膩，幾特別。山梨白桃Sawa：白桃香味濃郁，氣泡感啱啱好，飲落又甜又清爽，特別適合配串燒。

瀛燒居酒屋位於荃灣，呢種即叫即燒嘅食肆真係晚飯宵夜一流～飲杯酒relax下，同朋友傾偈夠晒chill。今次叫咗幾款下酒菜佐酒，特別推介辣酒子花螺真係好惹味！個汁調配得好香口，辣辣地加上酒將花螺本身嘅鮮味迫晒出嚟。嚟日式居酒屋就梗係要試吓呢度嘅刺身啦～嗌咗一份刺身五貫，牡丹蝦超級鮮甜！北寄貝都好新鮮好fresh free，其他三文魚等等魚生都好香魚油味夠晒厚切，食材上乘絕對係呢度嘅招牌菜😋其他蛋卷同炸天婦羅、魚蛋等都好出色，炸物外脆內滑，鎖住肉汁唔會太乾，而且炸粉唔會太厚恰到好處。食完想叫份碳水填飽個肚，叫咗兩個漬飯糰食埋就啱啱好～非常滿足。居酒屋當然要講講啲酒啦，high ball有可樂提子等等味道，甜甜地好易入口，微醺得來唔會太醉，收工relax下啱啱好~推介大家不妨嚟試吓呢度嘅燒物同埋飲番杯，包你食過返尋味🤩

聽朋友推介過呢間居酒居，原來已在荃灣區屹立五週年了，今日約友人放工後一齊happy hour 下先。活赤貝$88好新鮮，爽脆鮮甜，味道唔錯！服務員推薦5週年特價1元日本乒富生蠔（每人限購2隻）共訂了四隻，併成刺身盤，賣相吸引😍😍雜錦海鮮米紙卷 $78好清新的組合，有青瓜、蟹柳、魚生、份量十足。網燒頂級牛肋骨$298攞盤都好精美，牛肋骨味道唔錯，岩鹽磚可按個人口味調較咸度，特別欣賞焗蒜頭作伴碟菜！ 炸串鵪鶉蛋$22 炸串三文魚$38海膽甲羅燒 $108濃郁的蟹羔蟹籽配合飯團，讚👍1元日本乒富生蠔五週年感謝祭，兩隻作刺身，兩隻選蒜茸焗，生蠔肥美可口，個人較喜歡刺身，加1元換購真係好抵。99元任飲 啤酒或清酒（五週年感謝祭）好抵，單叫一杯黑啤要68只要飲2杯已經回本，有黑啤、白啤及清酒任君選擇。（五週年感謝祭 直至25-11-2024）總括來說，食品種類多，很多酒類飲品，是一個與同事放工小聚happy hour 的好地方。#一杯入魂#滿腹滿足#佐酒小食#酒之放題

位於荃灣嘅「瀛燒居酒屋」,真係一個好地方,好適合同朋友聚埋一齊傾偈、食好嘢!首先,我試咗佢哋嘅「蟹肉蟹糕米紙卷」。呢個米紙卷包住咗鮮甜嘅蟹肉,外面包咗一層薄薄嘅米紙,一咬落去,蟹膏嘅鮮味瞬間爆出,配上少少醬汁,真係好開胃!然後就係「飛魚籽玉子燒」。呢個玉子燒做得非常滑,上面鋪滿咗飛魚籽,每一口都有一種海洋嘅味道,好繽紛又好味,真係值得一試!接住試咗「辛味噌牛筋肉鍋」。鍋底嘅辛味噌湯底好濃郁,牛筋肉煮得軟爛入味,係好好食嘅牛腩味，搭配埋粉絲，豆腐同蔬菜,每一口都好滿足。呢個鍋好適合寒冷嘅天氣,食完真係暖心又暖胃!再講返「上刺身盛合」。魚肉切得好厚,咬下去鮮甜。配埋一啲醬油同山葵,完全可以感受到海鮮嘅原汁原味。至於串炸方面,我試咗「日本白板魚蛋」、「雞肶肉」同「三文魚親子串」。每串都炸得金黃香脆,特別係「三文魚親子串」,上面仲有飛魚籽,一口咬落去好香口,超享受!飲品方面,我選咗「巨蜂提子sawa」,酒加上提子,味道清新又爽口;仲有「蜂蜜綠茶（熱）」,熱熱地飲真係好舒服。最近餐廳做緊5周年優惠，好抵食，有$1/隻日本生蠔； $99 無限時任飲酒； 食夠$1500 送大吟釀。好抵食！最重要係,

收工帶同事去居酒屋食晚飯，叫咗好多嘢食，都好唔錯，傾下計又過咗一晚餐廳格調好日本風，滿滿嘅燈籠同招牌，好似去咗日本一樣😎✨飲品✨首先叫咗兩杯飲品，同事唔飲酒就叫咗提子特飲，而本人就叫有酒嘅山梨白桃sawa特飲。飲落完全做果汁一樣，淡淡嘅果香味，好適合配各款美食佳餚✨味噌廣島蠔鍋✨店員首先遞上gas爐，入面裝住唔少蔬菜，有金菇、冬菇、椰菜等，配上味噌湯底。等湯滾後，先食蔬菜，再加上廣島蠔。廣島蠔大大隻，成隻手掌咁大，仲要好鮮甜，有成六舊咁多🤩✨雞皮餃子✨呢款餃子形狀好特別，用雞皮代替餃子皮，咬落肉汁飽滿✨串炸✨有年糕魚餅、鵪鶉蛋、田雞批。最欣賞年糕魚餅，外層酥脆，裏面有煙煙韌韌嘅年糕，口感豐富。✨各式串燒✨有雞中翼、牛腸、日式免治雞肉棒配上生雞蛋，牛腸完全冇內臟嘅味道，好脆口；免治雞肉棒裡面配上一粒粒嘅雞軟骨，沾上生蛋漿，簡直完美。飯團就好似食飯焦一樣，十分有米香😋燒茄子更加誇張，大大條，十分滿足🤩✨刺身✨最後梗係唔少得刺身啦，有三文魚、油甘魚、帶子，帶子大大隻好鮮甜，其他就正常水準👍總體嚟講，一間好高質嘅日式居酒屋👍

今日行開荃灣廣場，之後就想同朋友去食一間隱世嘅日本居酒屋。呢間日本居酒屋店內的裝潢充滿日式風情，俾人一種親切的感覺，氣氛相當放鬆，適合與朋友小酌一番。木質桌椅和裝飾營造出傳統的居酒屋氣氛。我哋揀咗幾樣嘢都好好味：✨三點盛合（三文魚，油甘魚，帆立貝）呢度嘅刺身相當新鮮亦帶著淡淡嘅甜味，配上醬油和芥末，讓人欲罷不能。三文魚同油甘魚肥美鮮甜，帆立杯啖啖肉。✨自家手作雞肉棒（必試），雞頸肉，雞軟骨佢哋嘅串燒，非常美味。雞肉棒烤得剛剛好，內裡仍保持多汁，搭配特製的蛋黃醬汁，口感鮮嫩，令人驚艷，值得推薦。雞頸頸肉同雞軟骨都保持一貫水準，好味。✨辛味噌牛筋肉鍋呢個味噌牛筋肉鍋，牛肉味道濃郁，配搭唔同嘅新鮮蔬菜和菇類，尤其是佢嘅金針菇同粉絲，吸收了湯底的精華，口感鮮脆，和牛肉搭配得恰到好處。佢個湯有少少微辣，令味道好有層次。✨串炸雞髀肉，鵪鶉蛋佢哋嘅雜物都好出色，雞髀肉入邊鮮嫩外面酥脆，鵪鶉蛋更加唔使講，加埋佢啲醬汁，食完仲想再食。 ✨生蠔罐罐燒呢一味餸好特別，佢哋將生蠔放喺個鐵罐入邊，侍應仲叫我哋快啲趁熱食。啲蠔煮熟咗都仲係大隻，鮮甜，好特別嘅煮法，值得一試。另外，我哋叫咗兩杯汽酒Sawa. 一杯係

食物質素好普通，對唔住個價錢。最難食係鍋物追加嘅牛肉，一碟好似切完唔要嘅頭頭尾尾咁，唔係完整一片，係散開好碎咁，食落舊舊都係根，食落仲衰過吉x家啲牛肉。埋單我哋2個人都食咗$500，上網話可以碌卡，佢最尾同我哋講$600先可以碌卡，$500要俾手續費。未見過一間餐廳$500碌卡都仲要俾手續費，咁你不如唔好整卡機啦！問佢有冇PayMe、FPS又話冇⋯我睇返啲食評見到有食客諗住俾Wechat pay，又係要收手續費⋯後尾我先知商戶向信用卡卡主收取信用卡手續費，或設簽賬低消費額，都係違反信用卡組織嘅指引要求。 信用卡卡主應該拒絕向商戶支付簽卡手續費，並向發卡機構舉報！做生意做到咁唔老實，永久blacklist！

雜錦海鮮米紙卷 $78米紙卷新鮮可口，裡面包裹了三文魚、吞拿魚、蟹柳和青瓜絲，口感清脆，原來米紙跟刺身非常合襯阿波尾雞心 $29阿波尾雞心外焦內嫩，入口彈牙，非常入味阿波尾雞肝（半熟） $29 阿波尾雞肝的口感柔滑，半熟的狀態讓味道更加鮮美，搭配的醬汁提升了整體味道，牛腸 $30牛腸的嚼勁十足，香氣四溢，調味簡單，讓牛腸的天然風味得以保留，喜愛食內臟的朋友一定會食不停口番薯 $28小番薯外脆內軟，甜味適中，吃起來非常香甜鰻魚玉子燒 $98鰻魚玉子燒柔軟滑嫩，鰻魚的鮮香與玉子燒的甜味相互融合，入口Juicy鯖魚一夜干燒得外皮微焦，肉質鮮嫩多汁，簡單調味帶少許咸香，灑上檸檬汁更令味道提鮮特色燒飯團 $58飯團外脆內軟，米飯的香氣濃郁，加入飯素調味更香口黑啤 $68蜂蜜綠茶（凍） $32

係荃灣食到地道既日本菜,首先叫左杯自家手作梅酒,仲有一粒梅,梅酒芳香甘醇,非常易飲。我叫左d小食,同佢好夾,叫左幾個串物,有白板魚蛋、一口和牛、牛蛙蚍等,炸既方法鎖住左肉汁,好味道,白板魚蛋味道同普通果d唔同,好好食。海鮮米紙卷有酸酸味味既醬汁,食完胃口大開,青瓜切到一絲一絲,好正!蟹甲羅燒飯團都好吸引,蟹膏本身好濃味,同飯團一齊食,超正!燒到好香。酒盜芝士冷豆腐有酒盜好特別既味,一濃一淡相當夾。

今日放工，朋友帶咗我嚟位於荃灣嘅「𤅗燒居酒屋」，餐廳環境舒適企理，牆上佈滿日本海報，令人置身於日本居酒屋一樣⋯酒盜冷豆腐鹹鮮嘅酒盜配上清甜嘅豆腐，兩者味道相互配合，感覺唔錯⋯三點盛合（三文魚、油甘魚&赤身）單睇賣相件件新鮮又厚身，而且食落鮮甜。串炸（鵪鶉蛋、年糕魚餅、煙燻芝士竹輪&三文魚親子串）炸得酥脆，配上醬汁，外脆內軟，咬落十分鬆化。自家手作雞肉棒表面燒到焦香，肉質軟腍，且咀嚼起嚟有口感，蘸上蛋黃醬汁，香口滑溜。阿波尾雞翼肉質鮮嫩、可口，外皮燒得燒得香脆，而內裏非常juicy，推介！味噌廣島蠔鍋味噌味道唔算太濃，啱晒我口味！配上鮮甜可口嘅廣島蠔，十分滿足。而且配菜同粉絲索晒湯底嘅精華，好好味。特色燒飯團飯團外層燒得香脆，內層Q軟，咬落去外脆內軟嘅口感，感覺幾特別！黑白啤容易入口，口味較柔和、爽口。白桃特飲白桃味香濃，清甜爽口，幾好飲！

去左外國讀書嘅朋友返咗嚟香港，約佢去呢間咁有日本氣息嘅居酒屋，佢都非常滿意。三點盛盒，三文魚，油甘魚，赤身各2片，大件又新鮮滋味。松葉蟹肉玉子燒，比起一般玉子燒更加好味，加咗松葉蟹肉，食落多少少鹹香，味道有層次又豐富，即叫即製玉子嫩嫩，好食！海膽甲羅燒，又係非常滋味，一定要食！海膽同蟹膏香口，濃郁獨有嘅香氣係口腔蔓延，啖落仲有粒粒蟹籽嘅脆口，配埋煎香咗嘅飯糰一齊食，啖啖好滋味！辛辣味噌牛筋肉鍋，呢個預期之外嘅好味，估唔到牛筋肉同味噌係咁搭配，之前未試過，有少少辣味，好入味。仲有加咗韭菜，蔬菜，金菇同埋粉條，吸晒湯汁。串炸，揀左日本白板魚蛋，雞髀肉，鵪鶉蛋，秋葵同三文親子串。日本串炸好有特色，魚蛋qq彈牙，鵪鶉蛋又夠香，三文親子好特別，入面係嫩嫩三文魚，外面有沙律醬同三文魚籽鋪面。邊飲白桃特飲同黑啤酒邊嘆美食，係呢個充滿日本氣息嘅餐廳聽歌傾計，真係非常滿足嘅一餐！