Hunky Dory

Open Now

Now Closed

假日踩單車由上水出發經過科學園有d肚餓去食個下午茶，OpenRice見到呢間餐廳好多好評所以就嚟試吓，三點去排咗10分鐘隊，所以都幾期待。因為冇得揀唔彩地獲安排角落位置同一大幢BB櫈作伴，點知更sad嘅係一坐低就發覺我同朋友兩個人嘅叉都沾左黑色嘅糖漿，即刻打咗個突… 回過神來order左有唔少人推介嘅威靈頓牛柳同松葉蟹膏蕃紅花意大利燴飯，另加特濃咖啡芝士蛋糕 ，期望食物搭救…威靈頓牛柳賣相唔錯，order左七成熟切開仲見到粉嫩嘅牛肉，酥皮食落都算酥，但食多幾啖就開始覺得牛柳得個鹹字，就算唔點汁食到最後覺得喉嚨涸，有d失望。松葉蟹膏蕃紅花意大利燴飯係三款食物裏面味道最好，蟹膏意大利飯好creamy，味道濃郁而且鹹度適中，伴芝士片食既有芝士香味又有口感，唔錯唔錯！ 嚟到甜品，第一次見咁厚嘅餅底，差唔多佔蛋糕一半，味道係特別嘅，先食到芝士味，咖啡味隨後散發出，可能餅底厚身所以overall 口感有d硬，比平時食到嘅較為乾身。整體感覺一般般，可能期望過高所以不禁有d失望，喺冇tea set 以 a la carte 嚟講價錢同味道有d差距，到訪當日衛生一般，繼糖漿叉後仲見到烏蠅朋友。感覺呢間餐

有科學園咁耐一次都未去過，最接近佢嘅一次係大學時期踩單車🚴‍♀️喺邊皮擦過，然後就沒有然後了⋯近排工作上會有變動，心情有少少鬱悴，就亂咁跳上左架去科學園嘅巴士諗住去一個未知領域睇日落🌄去到都捉到日落嘅尾巴，即係影到1、2張相果種⋯然後肚子就唔爭氣咁餓了，上網睇其實開左好多餐廳🍴決定食完飯先走🐂威靈頓牛柳牛肉呈粉紅色，熟度討好！而牛柳係一個比較瘦嘅位置，夾埋入邊嘅parma ham食落亦有油香，外層酥皮非常香脆，冇因為血水滲出來熱軟腍腍散開🦀松葉蟹膏蕃紅花意大利燴飯以為有蟹膏會腥，但呢個一啲都冇，相反有塊博薄薄嘅脆皮，有啲芝士同埋薯仔味夾埋一齊，意大利飯生熟到啱啱好，唔會覺得生，係一般人都接受到嘅口感🐚經典白酒忌廉藍青口青口係我嘅最愛，我去到每一間餐廳見到都會食，呢度嘅藍青口非常嫩滑重好大粒！白酒忌廉調得啱啱好，有三大塊烘脆嘅麵包🥯蘸哂啲汁真係超級正！🦦以前感覺上科學園好唔方便，但今次再去發現其實有好多巴士都可以去返火車站，我覺得最近嘅地鐵站應該就係大學啦！屯門開通咁興奮，仲有邊度係去唔到嘅呢？

Weekend去左科學園行下 吸收下新鮮空氣☺️ 就算唔去踩單車 著靚d去打卡 行海濱都好正 😍 簡左依間西式fusion餐廳 周圍得依間餐廳 夠靜！ 景觀係出面綠油油既平台 好chill 岩晒悠閒既週末！野食整體質素都唔錯～✅ 吞拿魚海軍豆沙律 ($108)色彩超繽紛 影相一流😍✅ 威靈頓牛柳 ($188)見到好多評價推薦所以又叫黎試下！威靈頓牛柳真係唔易整呀 外面酥皮夠鬆化 中間菇醬味道 牛柳熟度岩岩好～拌碟仲有菜同焗薯！✅ 松葉蟹膏蕃紅花意大利燴飯 ($138)濕度控制得好既Risotto! 蟹味香濃 入面仲勁多菇

本身好少去科學園，但呢度有間算新、開業兩個月左右嘅餐廳，都幾值得去！佔地算大，係一個L型嘅間隔。望埋個開放式bar，都幾有格調仲有啲打到卡嘅裝飾～😛檯同檯之間唔會太貼，所以幾自在，加上可能新開冇咩人知，人唔算多靜靜地，感覺更加chill坐得好舒適闊落最正係望住呢個平台花園，望下啲小朋友喺度玩，真係好休閒～等緊嘢食嘅時候仲可以出去行吓影吓相呢度係scan QR code 自己喺手機落單嘅，主打英國菜，亦有韓國fusion菜色。講番啲嘢食先《松葉蟹膏蕃紅花意大利燴飯》$138淨係以作為一個意大利飯咁計，其實佢好出色，飯質偏硬 做到 al dente；醬汁完全同飯粒混為一體，冇多餘水份而且上檯時非常熱辣辣 值得一讚但係望番佢個名就完全唔貼題首先完全食唔到蟹膏嘅味，亦都見唔到第二亦都係完全見唔到蕃紅花 顏色上亦都唔係好覺入邊淨係有大量嘅菇粒同洋蔥粒真係有懷疑過佢係咪上錯菜😂但見佢描述寫有洋蔥 雜菌 芝士 忌廉等等，又符合左所以食到我同朋友好謎😂 如果改名做雜菌意大利飯應該會合理返😂但係呢度另一款菜式真係令到我好驚喜《威靈頓牛柳》＄188首先個價錢都唔算貴，平時閒閒地上二百！超吸引嘅嫰紅色，大概