Mini Club (Closed)

今日係朋友o既生日而且朋友又經常推薦呢間餐廳比我,又話呢間野非常好食,又靚又多打卡位同打卡野食~所以就黎左朝聖,入去o既時候已經覺得不得了,個座倒轉o既鐵塔再加上天花板上面o既波波已經令我覺得同我之前去開o既餐廳係另一種感覺~然後又可以有落地玻璃比你望住出面既景色一路食野感覺真係非常良好~野食方面我覺得真係同我朋友講o既一樣,~ 意粉方面份量算多,而且汁又唔會話好少,未食已經聞到好香濃明太子同忌廉嘅味道,再配上松葉蟹鉗,真係望到都流晒口水每條意粉都沾滿晒忌廉汁,意粉軟硬度我自己覺得幾好,鐘意食明太子嘅人應該好鐘意~極上12安士炭燒安格斯牛仔骨~佢燒得岩岩好又唔會好難咬開,食落又多汁,而隔離個焗薯都好好食,兩樣野一齊食真冇得輸~生蠔方面隻隻大大隻,食落有鮮味,而且價廉物美,真係值得再黎食~個Pizza都非常好食,拎起既時候會有拉絲,親熱食o既時候非常正!!總括而言想去o既朋友去食啦,佢又平又抵又好食,我個人覺得真係冇得輸

呢間超級推薦👍🏻食物又好味、環境又很好！三五好友相約一起relax十分好兩個人叫左以下食物同飲品🍹🔶炸薯條配車打芝士 $68炸都好脆好脆，又大份唔會唔夠飽，配埋車打芝士一流🔶香烤蜜糖雞翼 $78有8隻超多😋而且不會烤到太乾，隻隻都有蜜糖味🔶松葉蟹鉗明太子忌廉意粉 $138啖啖蟹肉，明太子有點咸，不過都正常！🔶Pink  Eruption $118有baileys係入面，好甜，完全唔覺飲緊酒！女士唔飲得酒可以試呢杯😌🔶Einstein $118呢個重啲酒精味，因為有Vodka但中間都有淡淡的荔枝香味我覺得不飲酒的人都會接受到！ 🔶The  Princes  and  the  strawberry $88份量少左啲，不過個格餅是脆脆的，都很好味總括，超級推薦！同朋友去relax happy一流！

今日放工同友人去左銅鑼灣這間好chill的餐廳食飯，環境好有格調，坐得舒適。佢的餐牌係用iPad，俾人的感覺都幾得意。同埋佢會不斷fill花生俾我地。我地點左蜜糖雞翼、薯條同明太子意粉作主食。同埋餐廳做緊一款Strawberry Bailey的promotion，所以我地都試下佢用這款bailey做的cocktail。先講個雞翼，烤得岩岩好，雞肉唔會太老，非常嫩滑，而雞皮亦都唔硬身，入口即溶，蜜糖都好出。相比之下，薯條就冇咁有驚喜，車打芝士醬唔係非常芝士，不過薯條表皮脆，入面有薯肉，都係好食的。個明太子意粉整得唔膩，廚師冇落蒜，整體係甜味多少少的，口感creamy，而且成個蟹鉗都有蟹肉，肉食落唔散，蟹味都好重。而我地點的兩杯cocktail酒味唔濃，Frozen Elsa飲落比較似奶昔，而Swann Lake本身飲的話有少少似藥水，但加左士多啤梨醬就水果味出啲，好飲啲。最後我地仲叫左一個甜品Strawberry Blossom，其實係士多啤梨慕絲，都係用Strawberry Bailey做的，這個的酒味就濃啲。

睇中咗呢間餐廳好耐，因為餐廳裡面係有一大個反轉嘅鐵塔㗎🗼而且仲要係shocking pink嘅，超正～首先必須要澄清返，呢個甜品塔我係無食到嘅，只係waiter上錯咗，一嚟就叫我ready影相拍片，我都未反應得切，佢就開始吞雲吐霧了🤯 影完事後當然無食到，物歸原主了😂講返我自己叫嘅嘢先，Swann Lake $118，呢杯係佢哋Strawberries & Cream系列嘅cocktail，入面有Strawberry Baileys，如果覺得唔夠甜，仲附有糖漿畀你自己調節甜度，我就覺得唔駛落都剛剛好👍🏻友人叫了Mint Punch $68 呢杯係無酒精嘅，甜甜哋帶點清新～香烤蜜糖雞翼 $78 有8隻，每隻都好飽滿咁，厚肉，而且帶有蜜糖味好香😋炸薯條配車打芝士醬 $68 呢個比較一般，薯條似翻炸，好重油膩感，又唔脆🙁松葉蟹鉗明太子忌廉意粉 $138 忌廉夠滑溜，明太子為意粉添上鮮味，整體唔錯。The Princess and The Strawberry $88 撇除窩夫淋咗之外😖，都算滿意，但價錢略貴。需加一服務費，計埋nuts fee，埋單2人約$640。如果你鍾意睇我嘅食評，不妨關