夏麵館 (寶石大廈) (Closed)

荃灣區一向不愁美食，中西日韓台泰樣樣齊，媽媽心血來潮想食小籠包，就帶佢黎夏麵館試下啦。現時推廣11道菜矜貴蟹粉宴，於togetda訂購可享限時優惠買一送一，愛蟹粉朋友有福了。蟹粉小籠包（4隻） $70未訂購蟹粉宴，唯有食住蟹粉頂住先，湯汁滿滿餡肉鮮美，如果包皮再薄啲更好。自選涼菜（五小碟） $115四喜烤夫烤夫大小岩晒一口一件，索晒甜甜的醬汁，另有不少金菇、雪耳及冬菇。雞絲粉皮粉皮軟糯，混和芝麻醬及青瓜，味道帶點小清新。虎皮素鵝外皮脆脆的，餡料包住金菇菌類，味道不錯。美味海蜇海蜇晶瑩剔透夠爽口，墊底有青瓜一樣爽脆。糖醋小排肉排肥瘦均勻，味道甜甜酸酸很開胃。松鼠桂魚 $208桂魚大大條，配埋甜酸醬汁望見已口水流。魚身已去骨，啖啖肉岩晒我呢類懶人，醬汁偏濃稠，建議配個飯一齊食更佳。

去完一田掃貨，行下行下就見到間夏麵館，聽同事講幾好食，於是就入去試下🤣地方環境都幾整齊，寬敞舒適，帶中國風裝飾✨夏伯伯酸梅湯 $14✨比一般酸梅湯多了一份涼涼的感覺，就好似冰極檸檬茶果種冰極咁，梅酸味中帶甜😋👍🏻🎇夏味燻蛋 $13🎇燻蛋入味，蛋黃流心，質感唔錯🌌干扁四季豆 $55🌌上海鋪的特色，要睇下一間上海鋪的食物質素，睇呢味餸就知，炒得非常惹味， 鹹而香，帶少許蝦味色澤及香味都👍🏻👍🏻👍🏻🌠川味口水雞麵 $60🌠賣相不錯，麵條整齊，口水雞色澤鮮豔口水雞都幾辣，凍食的口水雞有蒜香芝麻味，加上辛辣的辣椒油，建議可以沉落湯到再食，令湯底有份香味😋麵質有彈性🌌松鼠桂魚 $198🌌呢條桂魚賣點就係無骨啖啖肉，而桂魚原條拆骨炸脆，再淋上類似咕嚕肉的醬汁加上松子，極之好味除了松子，更有椰果、菠蘿等其他配料✨擂沙湯丸 $30✨最後當然不少得上海式甜品，擂沙湯丸皮略厚，但勝在熱辣辣夠好味🌠高力豆沙 $36🌠高力豆沙有3件，感覺似食梳乎厘，少了蛋的香味，但有微脆口感及甜絲絲的糖霜豆沙加了蜂蜜，有蜂蜜香甜味總括而言，夏麵館食物都幾出色，各款食物都有水準，難怪全港咁多分店，獨特的滋味都值得一試😋👍🏻