老掌櫃東北菜館 (Moved) New Location

呢間我好耐之前已經食過㗎喇 佢超抵食😌而且佢有得就咁嗌半隻片皮鴨 人少少都可以去🤩但係唔知我哋嗰日發生咩事 對自己咁有信心 想頭勁大 兩個女仔嗌左兩個餸🤭·北京填鴨（半隻）$168呢一個係我哋去呢間餐廳嘅目標😈佢半隻鴨其實好抵食 呢一個份量絕對係夠三至四個人食😂😂我自己幾鍾意佢呢一種片法 多啲肉 冇咁肥膩 包住啲熱辣辣既面皮超好食😋而且佢啲青瓜都係超脆 食落超級滿足😍·松鼠魚（龍利柳）$88我自己超鍾意食松鼠魚 但係唔係好多餐廳有 所以比我喺Menu度見到我就忍唔住嗌咗🙊🙊佢超好食 佢係非常之熱辣辣 我哋食到最後嘅時候 佢都仲係好熱😍而且佢係炸得好脆 佢個汁濃得黎岩岩好 超正🤤美中不足係佢個菠蘿係唔太好食個種罐頭菠蘿🤭明明我超鍾意菠蘿 同埋如果佢上面再多啲松子就好啦🤩·#rbyeat#rby港式#rby大角咀·📍大角咀大角咀道63號牡丹大廈地下

見到網上評價咁高，特登預早兩日定位，諗住可以食到正宗東北菜嘅口味，點知只係屬於普普通通嘅貨色，唔係大家講得咁好囉。或者係我叫唔中佢哋拿手嘅小菜？頭盤叫咗醉雞，其實味道都OK嘅，但係略嫌雞肉唔係太入味，同埋有少少生得滯，整體雞肉尚算爽口，中上水準。跟住之後就叫咗一碟松鼠魚，一上枱，都覺得怪怪地，因為顏色實在太過鮮艷，感覺好假。食落口，真係非常非常酸，白醋落得太多，有少少赤親喉嚨嘅感覺，同埋碟餸放入好多急凍雜豆，奇奇怪怪咁，同成件事完全唔搭。失望呀！跟住就到呢個所謂嘅排骨擔擔麵。其實佢擔擔面係做得唔錯嘅，口味尚算正宗，不過就清淡左少少，我希望佢濃味啲，都OK嘅。但係最激氣就係嗰啲排骨，炸得超級差，又淋又滴油，一睇就知油溫未夠就放落去炸，食咗一舊就再冇興趣食第二舊入口。或者係咪我抱太大期望呢？一話呢度真係唔夾我嘅口味呢？我覺得呢度非常普通，或者我應該俾多次機會佢？我唔知，因為我覺得太多餐廳，比佢做得更好食、做得更出色了。

放假唔知有咩好做? 一行出街又熱到郁都唔想郁, 不如搵個好地方同朋友食下野仲實際! 豆釘最近發現大角咀開張不久的老掌櫃東北菜館,決定跟朋友一起試試!星期六七點多到達, 門口有少少人龍在等候, 幸好豆釘一早已訂枱, 不用慢慢等位。松鼠魚賣相吸引, 汁酸酸甜甜，十分醒胃的一道菜!酸辣土豆絲友人略嫌不夠酸，但豆釘覺得味道剛剛好，土豆絲很爽口，少少酸酸辣辣，作為前菜，絕對能引起食慾!干煸四季豆四季豆炒得好爽好香口, 肉碎又惹味, 豆釘覺得好好食!肉三鮮水餃賣相一般, 但味道的確不錯! 皮薄餡靚, 份量十足!片皮鴨真係好好味!皮脆肉嫩，極度推介!水煮牛肉如果不能吃辣的朋友，就不要點這個水煮牛肉! 雖然色，香，味俱全，但真的很辣，特別食到最底的菜和粉絲，完全吸收了辣汁，真的會辣到噴煙!拔絲蘋果之前見網上有人極度推介這個拔絲蘋果，可是豆釘同友人都覺得一般, 拔絲地瓜的味道應該比蘋果夾一些!總的來說, 食物碟碟都大件夾抵食,食咁多野,每人先百一蚊, 真係算平,靚,正! 值的一提的是侍應服務很好, 招呼周到, 老闆亦很好人, 會同食客聊聊天, 很有人情味的食店!