金不換泰國餐廳

Open Now

Now Closed

趁有海港城優惠券,Shopping兼Eating,行到咁上下,就入咗去呢間<金不換泰國餐廳🇹🇭>食Lunch🍚🥢今次點咗個4人套餐，包括有足料泰式冬陰公湯🥣丶超有份量柚子沙律🥗丶鹹魚炒芥蘭丶惹味黃咖喱大蝦🍤，可惜無海南雞，唯有轉腰果爆雞丁，味道都唔錯。最後加埋我至鍾意食嘅芒果黑白糯米飯，超滿足😋😋😋

星期五在海港城行街，因為有優惠券的關係，所以晚上到金不換吃晚餐。金不換一向是我和家人喜歡的泰國餐廳，因為食品味道很正宗，而且招呼也很好。今天是星期五的關係，所以要盡早入座，六時就已到達餐廳用膳，我們三人立刻被安排坐在卡位。因為中午在天穴吃了一頓很豐富的午餐，因此也不太肚餓，我們只點了柚子沙律（$168）、燒豬頸肉（$198）、明爐青檸蒜粒烏頭（$328）和一人份量的冬陰功湯（$88）（因只有其中一位家人喜歡），飲品則點了芒果汁冰（$60）及青檸梳打（$55）。柚子沙律和燒豬頸肉是我們每次必點的食物，因為柚子很新鮮而且粒粒飽滿，以及份量也挺多的，但想想這個價錢只是一些柚子混和一些乾絲，實在是貴，不過味道的確不錯。燒豬頸肉點泰式辣汁非常惹味，而我每次都把旁邊的酸椰菜等都吃光，不過今天的稍為硬了一些，比較乾，沒有肉汁。明爐青檸蒜粒烏頭很新鮮很大的一條，若在街市購買我想也大概要$80，魚上面鋪滿新鮮的青檸，用酸椰菜新鮮蒜粒湯浸着烏魚，放在一個魚形的鐵盆上，下面用火點着加熱，滾着吃很快就吃光了。冬陰功湯一人份量所以只有一隻蝦，收$88碗但提供的蝦入口却是霉爛的！我們發現今次的餐牌好像比以往價格調

平日中午來到尖沙咀金不換食泰國菜, 午飯高峰時段餐廳坐滿人餐廳供應二人&四人午市套餐冬蔭功湯冬蔭功湯不酸少辣, 味道不錯, 不善於食辣的朋友也可以飲到. 湯用一貫冬蔭湯香料, 內有大蝦&草菇, 大蝦肉質不算太彈牙柚子沙律大大粒柚子, 柚子味道清新, 沙律汁偏甜青咖喱豬頸肉青咖喱正常應比紅/黃咖喱辣, 不過金不換的青咖喱味道屬於小辣偏甜, 不過咖喱汁味道也算香口&惹味, 送飯一流👍 真的可以送幾碗飯😬😬豬頸肉切片&爽口, 不錯😋海南雞半隻海南雞大大碟, 味道普普通通鹹魚炒芥蘭芥蘭新鮮, 菜莖爽口, 鹹魚味香濃, 不過味道不是死鹹是日甜品是綠豆粟米西米露(忘記影相😅), 比較"杰"身, 偏甜午市套餐價格經濟, 食物質素不錯, 服務態度也叫好, 整體水準也算高. 餐廳位置偏遠, 平時沒訂座的話, 可以碰碰運氣, 應該毋須等太耐😅

仲記得好多年前呢間金不換曾經係我地屋企聚會既飯堂, 以前覺得麻麻地, 但今次食完好似有D驚喜, 不過總括以泰菜黎講, 價位算高, 不過呢個地點而言, 都應該差唔多今次一行十幾人, 試左好多唔同既野, 逐一講講:生蝦刺身:好夠凍, 蝦肉爽口, 其實都係食D醬汁既味~泰式鳳爪:份量都幾多, 唔係靠D菜墊高, 味道唔錯, 酸酸辣辣幾開胃, 而且已經插開左1半, 幾易食~柚子沙律:真係成碟都柚子, 不過食落有D椰香, 幾特別幾好味!!咖哩軟殼蟹:咖哩汁嫌太少, 汁太稠, 唔係好岩用軟殼蟹黎點, 再加埋蒜蓉包就絕對唔夠汁, 而個汁偏甜, 唔係好香~蒜蓉包就幾好食~羊架:肉質好嫩好多汁, 非常不錯!!菠蘿炒飯:呢個飯無乜味, 配料好多~蠔餅:非常油膩, 蛋好少蠔很多, 不過就咸左D因為太多油既感覺~其實仲叫左個肉片炒金邊粉, 好辣好濕, 個人不太喜歡~甜品方面, 叫左芒果燸米飯同千層糕, 芒果燸米飯有黑燸米同白燸米, 誠意之作, 而芒果非常甜, 千層糕就唔夠彈牙了~總括黎講, 10幾人TOTAL食左4千幾, 都算幾貴, 不過食物質素比之前有進步~

十個八個人嚮街食飯,除左酒樓cafe外其實都唔係特別多選擇,呢次去左食泰國菜.人多既好處就係可以嗌多幾樣野share食.另外仲嗌左冬蔭公湯同炒金邊粉,味道都OK,其實各方面既食物水準都唔錯,而且我地一行9人可以有個偏廳位自成一角,價錢唔算貴,呢餐都唔錯丫.

光棍日，五個人去了金不換泰國餐廳聚會。門外人山人海，事關iPhone4S正在發售，我們就坐在玻璃旁，總覺得旁邊不停有人經過。我們吃了～大拼盆($188)：有蝦餅、魚餅、香葉雞、春卷各三件，侍應很體貼地替我們把每種食物分成一半，方便我們分享。蝦餅和魚餅都不算油，有蝦/魚味；香葉雞體積大，不會很韌；春卷餡料豐富，外皮很香脆。正！柚子沙律($78)：柚子非常多，每一粒都又甜又大，充滿水份，好味道！咖哩炒肉蟹($280)：餐牌上有辣椒圖案，初時還擔心會很辣，幸好咖哩味不算特別刺激。肉蟹的蟹殼太碎，對於吃不慣蟹的我來說有些難以招架，但整體而言仍覺得這道菜有質素。蒜蓉包：為了不浪費那些咖哩，我們另外點了一客蒜蓉包。其實單吃蒜蓉包也覺得很滿足，包很香脆，好！蝦膏炒通菜($60)：不喜歡吃蔬菜的我難得會主動吃了兩三條，可想而知味道不俗。蛋網海鮮炒金邊粉($98)：賣相佳，味道好！份量充足，金邊粉一點都不油膩，正！這頓飯實在很美味，唯一美中不足是坐了接近一個半小時，侍應便走來要求我們結帳，並提醒我們要交枱，本來還打算吃甜品呀！

又出動食飯喇!! 今次, 揀咗海港城嘅金不換泰國餐廳. 其實都已經食過幾次架喇, 今日食飯之前巧遇黑雨, 搞到成身濕哂.今晚七個人食飯, 所以可以叫多啲款式的食物. 我屋企人對今晚啲waitress嘅服務有啲不滿. 其實, 我自己就覺得問題不大, 不過只係執野個陣唔係太醒目. 環境就非常舒適, 絕對適合任何人事. 不過唔知係唔係地點嘅關係, 食晚飯的人數真係唔係好多, walk-in 都一定唔會有問題. 我去過一次銅鑼灣嗰間金不換泰國餐廳, 人數就多好多. 不過, 去海港城泊車就方便好多, 另外, 食滿$200已經有免費停車二小時, 真係超值. 冬陰公湯- 去得泰國餐廳食飯一定會叫冬陰公湯, 湯非常夠味, 酸味同辣味都十分之平均. 不過, 如果不小心食咗啲生辣椒的話, 就真係辣到要飲幾杯水. 春卷–我自己本身好鍾意食春卷, 不過呢碟野只係普普通通. 可以一讚的係條春卷夠大件, 四條切開共八件, 都只係$58, 都唔算太貴. 柚子沙律–我一直都唔知柚子沙律原來係好出名的泰國菜, 自從我朋友介紹比我之後, 我每次去食泰國野都一定會叫. 今次呢個柚子沙律都一樣係咁好味. 未食主菜之前先食少少