Video
Read full review
2010-07-22
170 views
又出動食飯喇!! 今次, 揀咗海港城嘅金不換泰國餐廳. 其實都已經食過幾次架喇, 今日食飯之前巧遇黑雨, 搞到成身濕哂.今晚七個人食飯, 所以可以叫多啲款式的食物. 我屋企人對今晚啲waitress嘅服務有啲不滿. 其實, 我自己就覺得問題不大, 不過只係執野個陣唔係太醒目. 環境就非常舒適, 絕對適合任何人事. 不過唔知係唔係地點嘅關係, 食晚飯的人數真係唔係好多, walk-in 都一定唔會有問題. 我去過一次銅鑼灣嗰間金不換泰國餐廳, 人數就多好多. 不過, 去海港城泊車就方便好多, 另外, 食滿$200已經有免費停車二小時, 真係超值. 冬陰公湯- 去得泰國餐廳食飯一定會叫冬陰公湯, 湯非常夠味, 酸味同辣味都十分之平均. 不過, 如果不小心食咗啲生辣椒的話, 就真係辣到要飲幾杯水. 春卷–我自己本身好鍾意食春卷, 不過呢碟野只係普普通通. 可以一讚的係條春卷夠大件, 四條切開共八件, 都只係$58, 都唔算太貴. 柚子沙律–我一直都唔知柚子沙律原來係好出名的泰國菜, 自從我朋友介紹比我之後, 我每次去食泰國野都一定會叫. 今次呢個柚子沙律都一樣係咁好味. 未食主菜之前先食少少
今晚七個人食飯, 所以可以叫多啲款式的食物. 我屋企人對今晚啲waitress嘅服務有啲不滿. 其實, 我自己就覺得問題不大, 不過只係執野個陣唔係太醒目. 環境就非常舒適, 絕對適合任何人事. 不過唔知係唔係地點嘅關係, 食晚飯的人數真係唔係好多, walk-in 都一定唔會有問題. 我去過一次銅鑼灣嗰間金不換泰國餐廳, 人數就多好多. 不過, 去海港城泊車就方便好多, 另外, 食滿$200已經有免費停車二小時, 真係超值.
冬陰公湯- 去得泰國餐廳食飯一定會叫冬陰公湯, 湯非常夠味, 酸味同辣味都十分之平均. 不過, 如果不小心食咗啲生辣椒的話, 就真係辣到要飲幾杯水.
春卷–我自己本身好鍾意食春卷, 不過呢碟野只係普普通通. 可以一讚的係條春卷夠大件, 四條切開共八件, 都只係$58, 都唔算太貴.
柚子沙律–我一直都唔知柚子沙律原來係好出名的泰國菜, 自從我朋友介紹比我之後, 我每次去食泰國野都一定會叫. 今次呢個柚子沙律都一樣係咁好味. 未食主菜之前先食少少柚子, 可以幫助開胃.
酸辣鳳爪–去咗骨嘅鳳爪係非常之易食. 不過就非常之辣. 都係個句, 如果不小心食咗啲辣椒的話, 真係會辣到飛起.
肉碎生菜包– 生菜包一樣係我嘅賣飛佛. 今次啲肉碎牛肉. 連我姑姐都讚好. 唔知係唔係泰國菜的關係, 佢地煮到啲牛肉碎有點酸, 食落個陣一啲都唔會覺得滯, 又唔會覺得好肉咁嘅感覺, 再加上塊生菜, 呢個配搭真係冇得頂.
炒金邊粉–泰國名叫 pad-thai, 係一個好普遍嘅粉. 大部份嘅人都多數會叫呢個粉食的. 啲粉好爽, 不過又係有啲酸.
泰皇雞 – $108有成隻雞食, 再加上一啲甜酸醬, 令到隻雞啲雞胸肉都非常嫩滑. 個個都話估唔到咁好食, 所以真係要推介俾大家.
椰青海鮮焗飯–個樣就唔錯喇, 不過啲汁只係係表面, 入面啲飯就唔係好夠汁.
芒果糯米飯 – 椰汁十分多, 加上黑白糯米飯, 食落去又係一啲都唔覺滯. 不過, 芒果就唔係好甜.
不過唔知係唔係因為泰國菜的關係, 好多菜式都係酸同埋辣的. 如果唔鍾意呢種味道的朋友們就唔係太適合囉. 同埋我唔係太見議太多人食, 唔知係唔係因為今晚有七個人食的關係, 雖然食咗好多野, 但好似每人都只係得二至三舊, 最後冇好飽的感覺 . 不過價錢就唔算好貴, 七個人食咗$900連加一, 而且重有免費泊車呢.
Post
